ఆచార్యలో చరణ్ కి జోడి దొరికేసిందట!

టాలీవుడ్ మెగాస్టార్ 152వ సినిమాగా రూపొందుతున్న ఆచార్య సినిమా పై రోజురోజుకి అంచనాలు ఆకాశాన్ని తాకుతున్నాయి. కానీ మరో వైపు ఇంకా సినిమా ఎప్పుడు పూర్తి అవుతుందో అని అభిమానులు నిరుత్సాహ పడుతున్నారు. ఎంతో ప్రతిష్ఠాత్మకంగా తెరకెక్కుతున్న ఈ సినిమాను మాట్నీ ఎంటర్టైన్మెంట్ మరియు కొణిదెల ప్రొడక్షన్స్ సంయుక్తంగా నిర్మిస్తుండగా.. స్టార్ డైరెక్టర్ కొరటాల శివ దర్శకత్వం వహిస్తున్నాడు. ఈ సినిమాకు ఆచార్య అనే పేరు ఖరారు అయిందని తెలిసినప్పటి నుండి ప్రేక్షకులలో ఆసక్తి నెలకొంది. ఇప్పటికే చాలా వరకు ఈ చిత్ర షూటింగ్ పూర్తయిందట. నిజానికి ఈ నెలలోనే ఓ భారీ షెడ్యూల్ మొదలు కావాల్సి ఉండగా లాక్ డౌన్ వలన కుదరలేదు. అయితే ఈ సినిమా కమర్షియల్ ఎలిమెంట్స్ తో సామాజిక అంశాలు టచ్ చేస్తుందట. అయితే తాజాగా ఈ సినిమా గురించి ఆసక్తికరమైన విషయం నెట్టింట్లో చక్కర్లు కొడుతోంది.

చిరంజీవి, చరణ్ కలిసి గతంలో రెండు మూడు సినిమాలలో కనిపించారు. కానీ నిడివిగల పాత్రలు చేయలేదు. అయితే ఈ సినిమాలో రాంచరణ్ పాత్ర చాలా నిడివితో ఉంటుందని కొరటాల వెల్లడించిన విషయం తెలిసిందే. అంతేగాక ఆచార్య సినిమా సినిమాలో చరణ్ కు ఒక హీరోయిన్ కూడా ఉంటుందని తెలిపారు. ఇంతకాలం ఆ హీరోయిన్ ని వెతికే పనిలో ఉన్న చిత్ర బృందం.. ప్రస్తుతం ఓ హీరోయిన్ ని ఓకే చేసినట్లు తెలుస్తుంది. చరణ్ జోడిగా మొన్నటి వరకు సమంత, కియారాలు నటిస్తారని వార్తలొచ్చాయి. కానీ తాజా సమాచారం ప్రకారం.. చరణ్ సరసన ఛలో బ్యూటీ రష్మిక దాదాపు ఖరారు అయిందట. అధికారికంగా బయటికి ఈ వార్త రానప్పటికి సోషల్ మీడియాలో మాత్రం ఈ వార్త హల్చల్ చేస్తోంది. ఇక ఈ సినిమాలో చిరుకి జంటగా కాజల్ నటిస్తున్న విషయం తెలిసిందే. మరో విషయం ఏంటంటే.. లాక్ డౌన్ లేకపోతే ఈపాటికి సినిమా షూటింగ్ పూర్తి అయ్యేదని ఫ్యాన్స్ భావిస్తున్నారు. చరణ్-చిరు మరోసారి తెరపై మ్యాజిక్ చేస్తారేమో చూడాలి!