Begin typing your search above and press return to search.

మెగా ప‌వ‌ర్ స్టార్‌ న్యూ లుక్ అదిరిందిగా

By:  Tupaki Desk   |   2 July 2022 8:39 AM GMT
మెగా ప‌వ‌ర్ స్టార్‌ న్యూ లుక్ అదిరిందిగా
X
జ‌క్క‌న్న అత్యంత ప్ర‌తిష్టాత్మ‌కంగా తెర‌కెక్కించిన భారీ మ‌ల్టీస్టార‌ర్ మూవీ 'RRR'. మెగా ప‌వ‌ర్ స్టార్ రామ్ చ‌ర‌ణ్, యంగ్ టైగ‌ర్ ఎన్టీఆర్ తొలిసారి క‌లిసి న‌టించిన ఈ మూవీ ప్ర‌పంచ వ్యాప్తంగా భారీ స్థాయిలో ఐదు భాష‌ల్లో విడుద‌లై సంచ‌ల‌న విజ‌యాన్ని సాధించింది. అంతే కాకుండా పాన్ ఇండియా వైడ్ గా రికార్డు స్థాయి వ‌సూళ్ల‌ని రాబ‌ట్టింది. ఇండియన్ సినిమా స‌త్తా ఏంటో యావ‌త్ సినీ ప్ర‌పంచానికి  చాటి చెప్పింది. ఈ మూవీతో ఇద్ద‌రు స్టార్ లు రామ్ చ‌ర‌ణ్‌, ఎన్టీఆర్ పాన్ ఇండియా స్టార్స్ గా మారిపోయారు.

ఇదిలా వుంటే ఈ మూవీ కోసం దాదాపు మూడేళ్లుకు పైనే శ్ర‌మించిన ఇద్ద‌రు స్టార్స్ ప్ర‌స్తుతం త‌మ త‌దుప‌రి చిత్రాల్లో న‌టిస్తూ బిజీగా వున్నారు. ఎన్టీఆర్ త‌న 30వ సినిమాకు రెడీ అవుతుంటే రామ్ చ‌ర‌ణ్ త‌న 15వ ప్రాజెక్ట్‌ని ప‌ట్టాలెక్కించారు. స్టార్ డైరెక్ట‌ర్ శంక‌ర్ డైరెక్ష‌న్ లో చర‌ణ్ త‌న 30వ సినిమాని చేస్తున్న విష‌యం తెలిసిందే. ఇప్ప‌టికే మొద‌లైన ఈ మూవీ షూటింగ్ శ‌ర వేగంగా జ‌రుగుతోంది. తాజా షెడ్యూల్ ని అమృత్ స‌ర్ లో మొద‌లు పెట్టారు.

అక్క‌డ ఐదు రోజుల పాటు ప‌లు కీల‌క ఘ‌ట్టాల‌ని చిత్రీక‌రించనున్నార‌ట‌. ఆ త‌రువాత చిత్ర బృందం హైద‌రాబాద్ కు షిప్ట్ అవుతుంది. ఇక్క‌డే సినిమాని పూర్తి చేస్తార‌ట‌. ఇదిలా వుంటే గ‌త నెల రోజుల క్రితం చ‌ర‌ణ్ లుక్ అంటూ నెట్టింట ఫొటోలు సంద‌డి చేశాయి. 'ధృశ‌' లుక్ ని గుర్తు చేస్తూ చ‌ర‌ణ్ మీస క‌ట్టుతో మ్యాన్లీగా క‌నిపించిన ఫొటోలు ఆక‌ట్టుకున్నాయి. అయితే తాజాగా ఈ మూవీలోని చ‌ర‌ణ్ న్యూ లుక్ అంటూ సోష‌ల్ మీడియా వేదిక‌గా ఓ వీడియో హ‌ల్ చ‌ల్ చేస్తోంది.

గుబురు గ‌డ్డం.. మెలితిరిగిన మీసం.. ఫంక్ స్టైల్ క్రాఫ్ .. క‌ళ్ల‌కు బ్లాక్ గాగుల్స్ ధ‌రించి చ‌ర‌ణ్ క‌నిపిస్తున్న తీరు విశేషంగా ఆక‌ట్టుకుంటూ నెట్టింట వైర‌ల్ గా మారింది. నెట్టింట వైర‌ల్ అవుతున్న వీడియోలోని చ‌ర‌ణ్ లుక్ 'గ్యాంగ్ లీడ‌ర్‌' మూవీలోని చిరు లుక్ ని త‌ల‌పించ‌డంతో అంతా 'గ్యాంగ్ లీగ‌ర్‌' ని దించేశారా? అని కామెంట్ లు చేస్తున్నారు. RC15 అనే వ‌ర్కింగ్ టైటిల్ తో రూపొందుతున్నఈ మూవీని 1930 నేప‌థ్యంలో సాగే పీరియాడిక‌ల్ నేప‌థ్యంలో వుంటుంద‌ని ఇప్ప‌టికే వార్త‌లు షికారు చేస్తున్నాయి. చ‌ర‌ణ్ తండ్రిగా, త‌న‌యుడిగా రెండు భిన్న పార్శాలున్న పాత్ర‌ల్లో క‌నిపించ‌బోతున్నార‌ని చెబుతున్నారు.

'ఒకే ఒక్క‌డు' త‌ర‌హాలో పొలిటిక‌ల్ యాక్ష‌న్ థ్రిల్ల‌ర్ గా ఈ మూవీని తెర‌కెక్కిస్తున్నారు. స్టార్ ప్రొడ్యూస‌ర్ దిల్ రాజు త‌న సోద‌రుడు శిరీష్ తో క‌లిసి నిర్మిస్తున్న ఈ మూవీపై ఇప్ప‌టికే భారీ అంచ‌నాలు ఏర్ప‌డ్డాయి. తాజాగా చ‌ర‌ణ్ లుక్ బ‌య‌టికి రావ‌డంతో ఫ్యాన్స్ లో మ‌రింత జోష్ మొద‌లైంది.

బాలీవుడ్ భామ కియారా అద్వానీ హీరోయిన్ గా న‌టిస్తున్న ఈ మూవీలోని కీల‌క పాత్ర‌ల‌లో శ్రీ‌కాంత్‌, సునీల్‌, అంజ‌లి, జ‌య‌రామ్ న‌టిస్తున్నారు. త‌మ‌న్ సంగీతం అందిస్తుండ‌గా తిరు, ఆర్‌. ర‌త్న‌వేలు ఛాయాగ్ర‌హ‌ణం అందిస్తున్నారు.