Begin typing your search above and press return to search.

మ్యాన్ వర్సెస్ వైల్డ్: కర్ణాటక అడవుల్లో రజనీకాంత్‌కు గాయాలు

By:  Tupaki Desk   |   28 Jan 2020 3:54 PM GMT
మ్యాన్ వర్సెస్ వైల్డ్: కర్ణాటక అడవుల్లో రజనీకాంత్‌కు గాయాలు
X
సౌతిండియన్ సూపర్ స్టార్ రజనీకాంత్ కు మంగళవారం గాయాలయ్యాయి. మ్యాన్ వర్సెస్ వైల్డ్ షూటింగ్ సందర్భంగా ఆయన భుజానికి స్వల్ప గాయమైంది. డిస్కవరీ ఛానల్కు చెందిన మ్యాన్ వర్సెస్ వైల్డ్ ప్రోగ్రాం కోసం కర్ణాటకలోని బందిపుర అడవుల్లో షూటింగ్ జరుగుతుండగా ఈ ప్రమాదం చోటు చేసుకుంది.

గతంలో ప్రధాని నరేంద్ర మోడీ ప్రోగ్రాం కోసం ఉత్తరాఖండ్ను ఎంచుకున్న డిస్కవరీ ఛానల్ ఈసారి దక్షిణ భారత్ను ఎంచుకుంది. ఇందులో భాగంగా బందీపూర్ అడవుల్లో రజనీకాంత్ తో ఈ షూటింగ్ సాహస యాత్రను ప్రారంభించింది.

మ్యాన్ వర్సెస్ వైల్డ్ ప్రోగ్రాం కోసం బందీపుర చేరుకున్న రజనీకాంత్ మూడు రోజుల పాటు అక్కడే బస చేస్తారు. ఈ అడవిలో పులుల సంఖ్య చాలా ఎక్కువ ఉంటుంది. కర్ణాటక రాష్ట్ర ప్రభుత్వం ఈ ప్రోగ్రాం కోసం బందీపుర అడవుల్లోని నాలుగు ప్రాంతాల్లో షూటింగ్కు అనుమతి ఇచ్చింది.

ప్రకృతి పరిరక్షణతో పాటు వన్యప్రాణుల రక్షణ కోసం రజనీకాంత్తో మాట్లాడుతారు. రజనీకాంత్ సహజంగానే కొండలు - కోనలు - గుట్టల్లో ప్రయాణాలు అంటే ఆసక్తి చూపిస్తారు. ప్రతి ఏడాది హిమాలయాలకు వెళ్తారు. ఇప్పుడు మూడ్రోజుల పాటు బందీపుర అడవుల్లో గడుపుతున్నారు.