Begin typing your search above and press return to search.

క్రిష్-పవన్ సినిమాకు మ్యూజిక్ డైరెక్టర్ ఫిక్స్?

By:  Tupaki Desk   |   27 Jan 2020 11:53 AM GMT
క్రిష్-పవన్ సినిమాకు మ్యూజిక్ డైరెక్టర్ ఫిక్స్?
X
పవర్ స్టార్ పవన్ కళ్యాణ్ ప్రస్తుతం తన రీ-ఎంట్రీ సినిమాలో నటిస్తున్న సంగతి తెలిసిందే. వేణు శ్రీరామ్ దర్శకత్వంలో తెరకెక్కుతున్న ఈ సినిమా బాలీవుడ్ హిట్ ఫిలిం 'పింక్' కు రీమేక్. ఈ సినిమానే కాకుండా పవన్ మరో చిత్రానికి కూడా పచ్చజెండా ఊపారు. క్రిష్ దర్శకత్వంలో ఈ సినిమా రూపొందుతుందని.. ఇదొక పీరియడ్ ఫిలిం అని ఇప్పటికే వార్తలు వచ్చాయి.

తాజాగా ఈ సినిమా గురించి మరో ఇంట్రెస్టింగ్ అప్డేట్ బయటకు వచ్చింది. ఈ సినిమాకు సీనియర్ మ్యూజిక్ డైరెక్టర్ ఎంఎం కీరవాణి సంగీతం అందిస్తారట. పీరియడ్ డ్రామా కావడంతో ఈ సినిమాకు ఒక సీనియర్ సంగీత దర్శకుడు అవసరం అనే ఉద్దేశంతోనే కీరవాణికి ఓటేసినట్టు సమాచారం. కీరవాణి ప్రస్తుతం రాజమౌళి క్రేజీ ప్రాజెక్ట్ 'RRR' కు సంగీతం అందిస్తున్న సంగతి తెలిసిందే.. ఇదిలా ఉంటే పవన్ - క్రిష్ సినిమాకు సంబంధించిన అధికారిక ప్రకటన ఇంకా రాలేదు.

పవన్-క్రిష్ సినిమా త్వరలోనే లాంచ్ చేస్తారని.. వచ్చే నెలలోనే సెట్స్ పైకి తీసుకెళ్తారని అంటున్నారు. 'పింక్' రీమేక్ తో పాటే ఈ సినిమా షూటింగ్ లో కూడా పవన్ పాల్గొంటారట. పవన్ అభిమానులకు ఇంతకంటే గుడ్ న్యూస్ ఏముంటుంది చెప్పండి.. ఫ్యాన్స్ కు పవర్ స్టార్ ఒకేసారి డబల్ ట్రీట్ ఇస్తున్నట్టే.