స్టార్ హీరో కోసం యంగ్‌ బ్యూటీస్ మ‌ధ్య పోటీ!

స్టార్ డైరెక్ట‌ర్ రాజ‌మౌళి అత్యంత భారీ స్థాయిలో తెర‌కెక్కించిన భారీ మ‌ల్టీస్టార‌ర్ మూవీ 'RRR'. మెగా ప‌వ‌ర్ స్టార్ రామ్ చ‌ర‌ణ్ తో క‌లిసి యంగ్ టైగ‌ర్ ఎన్టీఆర్ తొలి సారి న‌టించిన ఈ మూవీ ఇది. గ‌త కొంత కాలంగా క‌రోనా కార‌ణంగా రిలీజ్ వాయిదా ప‌డుతూ వ‌చ్చిన ఈ మూవీ ఎట్ట‌కేల‌కు మార్చిలో ప్రేక్ష‌కుల ముందుకొచ్చింది. బాక్సాఫీస్ వ‌ద్ద రికార్డు స్థాయి వ‌సూళ్ల‌ని రాబ‌ట్ట‌డ‌మే కాకుండా దేశ వ్యాప్తంగా హాట్ టాపిక్ గా మారింది.

వెండితెర‌పై ప్ర‌పంచ వ్యాప్తంగా రికార్డు స్థాయిలో రూ. 1150 కోట్ల మేర వ‌సూళ్ల‌ని రాబ‌ట్టిన ఈ మూవీ ఓట‌టీలోనూ దుమ్ము దులిపేస్తోంది. నెట్ ఫ్లిక్స్ లో ఈ మూవీ హిందీ వెర్ష‌న్ స్ట్రీమింగ్ అవుతున్న విష‌యం తెలిసిందే. ఇందులో ఈ మూవీని చూస్తున్న హాలీవుడ్ సెల‌బ్రిటీలు 'RRR' టీమ్ పై ప్ర‌శంస‌ల వ‌ర్షం కురిపిస్తున్నారు. సోష‌ల్ మీడియా వేదిక‌గా సినిమాకు భారీ స్థాయిలో ప్ర‌చారాన్ని క‌ల్పిస్తున్నారు. ఇదిలా వుంటే ఈ మూవీ త‌రువాత యంగ్ టైగ‌ర్ ఎన్టీఆర్ త‌న 30వ సినిమాని స్టార్ డైరెక్ట‌ర్ కొర‌టాల శివ‌తో చేయ‌బోతున్న విష‌యం తెలిసిందే.

ఎన్టీఆర్ పుట్టిన రోజైన మే 20న ఈ మూవీ డైలాగ్ మోష‌న్ పోస్ట‌ర్ ని కూడా విడుద‌ల చేసిన మేక‌ర్స్ సినిమా ఏ స్థాయిలో వుండ‌బోతోందో హిట్ ఇచ్చేశారు. ఎన్టీఆర్ ఆర్ట్స్ బ్యాన‌ర్ నంద‌మూరి క‌ల్యాణ్ రామ్ స‌మ‌ర్ప‌ణ‌లో యువ సుధా ఆర్ట్స్ బ్యాన‌ర్ పై సుధాక‌ర్ మిక్కిలినేని ఈ మూవీని నిర్మించ‌బోతున్నారు. ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల్లో వున్న ఈ మూవీ రెగ్యుల‌ర్ షూటింగ్ వ‌చ్చే నెల నుంచే ప్రారంభం కాబోతోంది. ఈ నేప‌థ్యంలో ఈ మూవీకి హీరోయిన్ ల కొర‌త ఏర్ప‌డింద‌ని తెలుస్తోంది.

ఈ మూవీ ప్ర‌క‌టించిన త‌రువాత ఇందులో ఎన్టీఆర్ కు జోడీగా బాలీవుడ్ బ్యూటీ అలియా భ‌ట్ న‌టిస్తుంద‌ని ప్ర‌చారం జ‌రిగింది. అలియా వివాహం చేసుకోవ‌డం.. ఇత‌ర ప్రాజెక్ట్ ల‌తో బిజీగా వుండ‌టంతో త‌ను ఈ ప్రాజెక్ట్ నుంచి త‌ప్పుకుంది. ఆ త‌రువాత ఆమె స్థానంలో బాలీవుడ్ హీరోయిన్ లు జాన్వీ క‌పూర్‌, శ్ర‌ద్దా క‌పూర్‌, కృతి స‌న‌న్, దిషా ప‌టాని ల పేర్లు వినిపించాయి. ఇదిలా వుంటే తాజాగా మ‌రో ఇద్ద‌రు క‌న్న‌డ బ్యూటీస్ పేర్లు ఫిల్మ్ స‌ర్కిల్స్ లో చ‌క్క‌ర్లు కొడుతున్నాయి.

'ఉప్పెన‌' మూవీతో క్రేజ్ ని సొంతం చేసుకున్న కృతిశెట్టి తో పాటు 'పెళ్లిసంద‌D' బ్యూటీ శ్రీ‌లీల పేర్తు వినిపిస్తున్నాయ‌ట‌. ఈ ఇద్ద‌రు హీరోయిన్ లు తెలుగులో వ‌రుస ప్రాజెక్ట్ ల‌లో న‌టిస్తూ బిజీగా వున్నారు. కృతిశెట్టి.. 'ది వారియ‌ర్‌'.. ఈ అమ్మాయి గురించి మీకు చెప్పాలి.. తాజాగా నాగ‌చైత‌న్య - వెంక‌ట్ ప్ర‌భు మూవీలో చేస్తోంది.

ఇక శ్రీ‌లీల కూడా బ్యాక్ టు బ్యాక్ ఆఫ‌ర్ల‌తో బిజీగానే వుంది. రవితేజ తో 'ధ‌మాకా'లో న‌టిస్తోంది. త్వ‌ర‌లో అనిల్ రావిపూడి - బాల‌య్య‌ల మూవీలోనూ న‌టించ‌బోతోంది. ఈ ఇద్ద‌రిలో ఒక‌రు #NTR30లో ఎన్టీఆర్ జోడీగా క‌నిపించే అవ‌కాశం వుంద‌ని తెలుస్తోంది. అయితే ఈ ఇద్ద‌రిలో ఒక‌రు ఈ మూవీలో సెకండ్ హీరోయిన్ గా న‌టిస్తార‌ని, మెయిన్ హీరోయిన్ గా బాలీవుడ్ బ్యూటీ న‌టిస్తుంద‌ని ఇన్ సైడ్ టాక్‌.