Begin typing your search above and press return to search.

'ట్యాక్సీవాలా' కోసం మెగాహీరో

By:  Tupaki Desk   |   8 Nov 2018 8:08 AM GMT
ట్యాక్సీవాలా కోసం మెగాహీరో
X
యూత్‌ లో మంచి క్రేజ్‌ ఉన్న విజయ్‌ దేవరకొండ ‘ట్యాక్సీవాలా’ చిత్రం విడుదలకు సిద్దం అయ్యింది. పలు సార్లు వాయిదాలు పడ్డ ట్యాక్సీవాలా ఎట్టకేలకు ఈనెల 17న ప్రేక్షకుల ముందుకు వచ్చేందుకు సిద్దం అయ్యాడు. ఈ చిత్రం ప్రమోషన్‌ కార్యక్రమాలు జోరుగా చేస్తున్నారు. ఈ చిత్రం ప్రీ రిలీజ్‌ వేడుకను ఈనెల 11న చేసేందుకు ఏర్పాట్లు జరుగుతున్నాయి. ఈ ప్రీ రిలీజ్‌ వేడుకకు ముఖ్య అతిథిగా మెగా స్టైలిష్‌ స్టార్‌ అల్లు అర్జున్‌ హాజరు కాబోతున్నట్లుగా సినీ వర్గాల నుండి సమాచారం అందుతుంది.

ఈ చిత్రంను గీతా ఆర్ట్స్‌ 2 మరియు యూవీ క్రియేషన్స్‌ సంయుక్తంగా మీడియం బడ్జెట్‌ తో నిర్మించాయి. ఈ చిత్రానికి అల్లు అర్జున్‌ వ్యక్తిగత పీఆర్‌ ఓ అయిన ఎస్‌ కే ఎన్‌ నిర్మాతగా వ్యవహరిస్తున్నాడు. గతంలో కూడా ఎస్‌ కే ఎన్‌ చిత్రాలను నిర్మించాడు. చిన్న బడ్జెట్‌ తో రూపొందిన ఆ చిత్రాలు మంచి విజయాలను దక్కించుకున్నాయి. అందుకే ఈ చిత్రంపై కూడా నమ్మకం వ్యక్తం అవుతుంది. బన్నీ ఈ చిత్రం ప్రీ రిలీజ్‌ వేడుకలో హాజరు కాబోతున్న నేపథ్యంలో సినిమాపై అంచనాలు మరింతగా పెరగడం ఖాయం.

సైంటిఫిక్‌ సస్పెన్స్‌ థ్రిల్లర్‌ గా తెరకెక్కుతున్న ఈ చిత్రంలో విజయ్‌ దేవరకొండతో పాటు ప్రియాంక జువాల్కర్‌ - మాళవిక నాయర్‌ - కళ్యాణి - మధునందన్‌ లు ముఖ్య పాత్రల్లో నటించారు. ‘గీత గోవిందం’ చిత్రంతో విజయ్‌ దేవరకొండకు వచ్చిన క్రేజ్‌ తో ‘ట్యాక్సీవాలా’ భారీ ఓపెనింగ్స్‌ ను దక్కించుకోవడం ఖాయంగా ట్రేడ్‌ వర్గాల వారు అంటున్నారు.