అక్కినేని హీరో స్పీడ్ కి అలా బ్రేకులు

`మ‌జిలీ` లాంటి క్లాసిక్ హిట్ త‌ర్వాత జ‌రంత స్పీడ్ పెంచాడు నాగ‌చైత‌న్య‌. ఆ వెంట‌నే శేఖ‌ర్ క‌మ్ముల ద‌ర్శ‌క‌త్వంలో సున్నిత ఉద్వేగాలు.. రొమాన్స్ ని మేళ‌వించిన ప్రేమ‌క‌థా చిత్రాన్ని ఎంపిక చేసుకుని సెట్స్ కెళ్లిపోయాడు. క‌మ్ముల‌తో `ల‌వ్ స్టోరి` ప్ర‌స్తుతం చిత్రీక‌ర‌ణ‌లో ఉంది. పెండింగ్ చిత్రీక‌ర‌ణ పూర్త‌వ్వ‌డ‌మే ఆల‌స్యం ఆ వెంట‌నే మ‌రో రెండు ప్రాజెక్టుల‌తో బిజీ కానున్నాడు.

వీటిలో ఒక‌టి మ‌నం ఫేం విక్ర‌మ్.కె ద‌ర్శ‌క‌త్వం వ‌హించేది. వేరొక‌టి ఇంద్ర‌గంటి మోహ‌న్ కృష్ణ ద‌ర్శ‌క‌త్వంలో ఉంటుంద‌ని స‌మాచారం. విక్ర‌మ్.కె.కుమార్ మూవీని దిల్ రాజు నిర్మిస్తారు. అలాగే ఇంద్ర‌గంటి మోహ‌న్ కృష్ణ ద‌ర్శ‌క‌త్వంలో ఓ పరిపక్వ ప్రేమకథలో న‌టిస్తాడ‌ట‌. ఈ చిత్రాన్ని మ‌జిలీ నిర్మాతలు సాహు గారపాటి- హరీష్ పెద్ది నిర్మిస్తారు.

ఈ రెండు సినిమాల్ని ఒకేసారి ప‌రుగులు పెట్టించాలని చైత‌న్య భావిస్తున్నాడ‌ట‌. అంటే సైమ‌ల్టేనియ‌స్ గా షూటింగ్ జ‌రిగేందుకే ఆస్కారం ఎక్కువ‌. ఈ రెండు సినిమాల‌కు సంబంధించిన అధికారిక ప్ర‌క‌ట‌న‌లు వెలువ‌డాల్సి ఉంది. కాస్టింగ్ క్రూ వివ‌రాలు వెల్లడించాల్సి ఉంటుంది. అయితే మ‌హ‌మ్మారీ చైత‌న్య ప్లాన్ కి బిగ్ బ్రేక్ వేసింది. కెరీర్ ప‌రంగా వేగం పెంచాల‌నుకున్న చైతూకి ఇది ఊహించ‌ని ప‌రిణామం అనే చెప్పాలి.