పెళ్లి ద్వారా డి.వి. లాటరీ వీసా ఆలస్యం అవుతుందా?

నవంబర్ 25, 2024న, యు.ఎస్. సిటిజెన్‌షిప్ అండ్ ఇమ్మిగ్రేషన్ సర్వీసెస్ (USCIS) డి.వి. (డైవర్సిటీ వీసా) లాటరీకి సంబంధించిన ఒక కొత్త మార్గదర్శకాన్ని జారీ చేసింది. దీని ప్రకారం, పెళ్లి ద్వారా డి.వి. లాటరీ వీసా దరఖాస్తుదారులు తమ వివాహాన్ని నిరూపించుకోవడానికి అదనపు డాక్యుమెంటేషన్‌ను సమర్పించవలసి ఉంటుంది. ఈ మార్గదర్శకాలు పెళ్లి సంబంధమైన వీసా ప్రక్రియను మరింత కఠినతరం చేశాయి. ఈ కొత్త నియమాలు డి.వి. లాటరీ వీసా ప్రక్రియను ఆలస్యం చేయగలవా లేదా రద్దు చేయగలవా అని తెలుసుకుందాం.

యు.ఎస్. ఇమ్మిగ్రేషన్ పాలసీలో కొత్త మార్పులతో పెళ్లి ఆధారంగా డి.వి. లాటరీ వీసా పొందే అభ్యర్థులపై ప్రభావం పడనుంది. ఆగస్ట్ 1, 2025న యు.ఎస్. సిటిజెన్‌షిప్ అండ్ ఇమ్మిగ్రేషన్ సర్వీసెస్ (USCIS) తాజాగా విడుదల చేసిన మార్గదర్శకాలు కుటుంబ ప్రాతిపదికన ఇమ్మిగ్రేషన్ వీసా దరఖాస్తుల పరిశీలనను మరింత కఠినతరం చేశాయి.

ఈ మార్పులు కొత్తగా దాఖలైన దరఖాస్తులకు మాత్రమే కాకుండా ప్రస్తుతం పెండింగ్‌లో ఉన్న దరఖాస్తులకూ వర్తిస్తాయి. USCIS ప్రకారం, తప్పుడు సమాచారం లేదా అసత్యపూరిత పిటిషన్‌లు ఇమ్మిగ్రేషన్ వ్యవస్థ పట్ల నమ్మకాన్ని దెబ్బతీయగలవని హెచ్చరించింది. ఒకవేళ పిటిషన్ ఆమోదం పొందినప్పటికీ, దరఖాస్తుదారుడు అమెరికా చట్టాల ప్రకారం తొలగించదగిన వ్యక్తిగా నిరూపితుడైతే, ఆయనపై రిమూవల్ ప్రొసీడింగ్స్ కూడా జరగవచ్చు.

USCIS పెళ్లి వీసా ప్రక్రియలో ఏమి మారింది?

కొత్త మార్గదర్శకాల ప్రకారం.. దరఖాస్తుదారులు తమ వివాహాన్ని నిరూపించుకోవడానికి అదనపు పత్రాలను సమర్పించాలి. డాక్యుమెంటేషన్ మరింత స్పష్టంగా ఉండాలి. పెళ్లి నిజమైనదేనని నిరూపించే మద్దతు పత్రాలు పూర్తిగా సమర్పించాలి. ఉమ్మడి బ్యాంకు ఖాతాలు, నివాస ప్రూఫ్‌లు, పెళ్లి ఫోటోలు, టెక్స్ట్ మెసేజులు, మరియు ఇతర ఆధారాలు కీలకంగా మారాయి. ఇంటర్వ్యూలలో నిబంధనలు కఠినతరం అయ్యాయి. USCIS అధికారి మిమ్మల్ని విడిగా ఇంటర్వ్యూ చేయవచ్చు. చిన్నపాటి డిస్క్రిపెన్సీలు కూడా అనుమానాలకు దారితీయవచ్చు. పిటిషన్ ఫార్వర్డింగ్ పద్ధతుల్లో మార్పులు వచ్చాయి. పలు సందర్భాల్లో పిటిషన్‌ను స్టేట్ డిపార్ట్‌మెంట్‌కు ఎప్పుడు పంపాలి అనే విషయంలో కొత్త మార్గదర్శకాలు అమలులోకి వచ్చాయి. మిలటరీ సిబ్బంది కుటుంబ సభ్యులకు ప్రత్యేక వెసులుబాట్లు కల్పించారు. అమెరికా మిలటరీలో పనిచేస్తున్న వారు విదేశాల్లో పోస్టింగ్‌లో ఉన్నప్పుడు వారు డైరెక్ట్‌గా ఫామ్ I-130ను స్టేట్ డిపార్ట్‌మెంట్‌కు దాఖలు చేయవచ్చు.

భారతీయులకు ఇది అడ్డంకేనా, లేక వ్యవస్థ బలోపేతమా?

హెచ్1బీ వీసా బ్యాక్‌లాగ్‌లో ఇరుక్కున్న భారతీయులకు పెళ్లి ఒక ప్రాధాన్య మార్గంగా ఉన్నప్పటికీ, ఈ కొత్త మార్గదర్శకాలు మరింత బాధ్యతాయుతమైన ధృవీకరణను కోరుతున్నాయి. ఇది అడ్డంకి కాకుండా నిబంధనల పట్ల నమ్మకాన్ని పెంచే మార్గంగా మలచుకోవచ్చు. పెళ్లి ద్వారా గ్రీన్ కార్డు పొందే వారు.. పత్రాలు చక్కగా సిద్ధం చేయాలి. USCIS నుండి వచ్చే ఆర్ఎఫ్.ఈ (Request for Evidence)లకు సమయానుసారం స్పందించాలి. ప్రాసెస్ మొత్తం గురించి అవగాహన కలిగి ఉండాలి

ఈ మార్పులు వీసా ఆలస్యం చేయగలవు కానీ, వీసా పొందే అవకాశాలను పూర్తిగా నిలిపివేయవు. వ్యవస్థను దుర్వినియోగం చేయకుండా, నిజమైన సంబంధాలను కలిగి ఉన్న దరఖాస్తుదారులకు ఇంకా అవకాశం ఉంది. అందుకే మీరు పెళ్లి ద్వారా డి.వి. లాటరీ గ్రీన్ కార్డు కోసం ప్రయత్నిస్తున్నట్లయితే శ్రద్ధగా ప్రణాళికలు రచించండి. డాక్యుమెంట్లను సిద్ధం చేయండి. USCIS మార్గదర్శకాలను పాటించండి. అప్పుడు అమెరికన్ డ్రీమ్ మీకు చేరువలో ఉంటుంది.