టీవీకే విజయ్ కన్నీటి ట్వీట్.. వైరల్

తమిళనాడులోని కరూర్ జిల్లాలో నటుడు తలపతి విజయ్ నిర్వహించిన పబ్లిక్ ర్యాలీలో జరిగిన భారీ తొక్కిసలాట కారణంగా 36 మంది దుర్మరణం పాలయ్యారు, అనేక మంది తీవ్రంగా గాయపడ్డారు. మృతుల్లో మహిళలు, పిల్లలు కూడా ఉన్నారని అధికారులు తెలిపారు. కేవలం 10,000 మందికి మాత్రమే అనుమతి ఉన్నప్పటికీ, సుమారు 2 లక్షల మంది అభిమానులు ర్యాలీకి హాజరు కావడంతో ఈ ఘోర విషాదం చోటుచేసుకుంది. ఈ సంఘటన రాష్ట్రవ్యాప్తంగా, సినీ ప్రపంచంలోనూ తీవ్ర దిగ్భ్రాంతిని కలిగించింది.

విజయ్ కన్నీటి ట్వీట్: "నా గుండె ముక్కలైపోయింది"

ఈ విషాద ఘటన అనంతరం నటుడు విజయ్ తిరుచ్చి విమానాశ్రయంలో మీడియా ప్రశ్నలకు మౌనంగా ఉండటం చర్చనీయాంశమైంది. అయితే కొంత సమయం తర్వాత, ఆయన తన అధికారిక సోషల్ మీడియా ఖాతా ద్వారా ఒక ఎమోషనల్ ట్వీట్ చేశారు, ఇది త్వరలోనే వైరల్‌గా మారింది.

*విజయ్ తన ట్వీట్‌లో ఇలా పేర్కొన్నారు:

"నా గుండె ముక్కలైపోయింది. నా హృదయం విషాదంతో నిండిపోయింది. కరూర్ లో ప్రాణాలు కోల్పోయిన సోదరులు, సోదరీమణుల కుటుంబాలకు నా గంభీర శాంతి సూచనలు. గాయపడ్డవారి త్వరిత స్వస్థత కోసం ప్రార్థిస్తున్నాను." అని ఏమోషనల్ అయ్యారు.

నటుడి ఈ భావోద్వేగ ప్రకటనపై మిశ్రమ స్పందనలు వ్యక్తమవుతున్నాయి. కొంతమంది ఆయన దుఃఖాన్ని అర్థం చేసుకుంటుండగా, మరికొందరు ఆయన కరూర్ హాస్పిటల్‌ను సందర్శించకుండానే చెన్నైకు వెళ్లడాన్ని విమర్శించారు.

* ప్రధాని మోడీ, సీఎం స్టాలిన్ స్పందన

ఈ విషాదంపై దేశ నాయకులు తమ దిగ్భ్రాంతిని వ్యక్తం చేశారు. ప్రధాన మంత్రి నరేంద్ర మోడీ ఈ ఘటనపై తీవ్ర ఆగ్రహం.. దిగ్భ్రాంతిని వ్యక్తం చేశారు. మృతుల కుటుంబాలకు సానుభూతి తెలియజేసి, గాయపడ్డవారు త్వరగా కోలుకోవాలని ఆకాంక్షించారు.

తమిళనాడు ముఖ్యమంత్రి ఎం.కె. స్టాలిన్ తన ప్రగాఢ శోకాన్ని ప్రకటించారు. గాయపడ్డవారికి ఉచితంగా అత్యుత్తమ వైద్యసేవలు అందించాలని అధికారులను ఆదేశించారు.

సీఎం స్టాలిన్ మృతుల కుటుంబాలకు రూ. 10 లక్షల ఎక్స్-గ్రేషియా, గాయపడ్డవారికి రూ. 1 లక్ష ఎక్స్-గ్రేషియాను ప్రకటించారు.

బాధిత కుటుంబాలను వ్యక్తిగతంగా పరామర్శించడానికి స్టాలిన్ రేపు కరూర్ ను సందర్శించనున్నారు.

ఈ దుర్ఘటన తమిళనాడులో అభిమాన ర్యాలీల నిర్వహణ, భారీ జనసందోహం నిర్వహణలో భద్రతా ప్రమాణాలపై అనేక ప్రశ్నలను లేవనెత్తింది. అధికారులు.. ఈవెంట్ నిర్వాహకులపై కఠిన చర్యలు తీసుకునే అవకాశం ఉంది.