ట్రంప్–పుతిన్ రహస్య ఒప్పందం బహిర్గతం

2025 ప్రారంభంలో అమెరికా అధ్యక్షుడు డొనాల్డ్ ట్రంప్ ప్రభుత్వం ఉక్రెయిన్‌కు మద్దతు పేరుతో చేసిన ప్రతిపాదనపై ప్రపంచవ్యాప్తంగా చర్చ మొదలైంది. లీకైన సమాచారం ప్రకారం.. ట్రంప్ వైట్‌హౌస్ ఉక్రెయిన్‌ ఖనిజాలు, చమురు, వాయువు, పోర్టులు, విద్యుత్‌ రంగాల నుండి వచ్చే 50% ఆదాయాన్ని అమెరికాకు ఇవ్వాలని డిమాండ్‌ చేసినట్టు ఆరోపణలు వచ్చాయి. ఇందులో భవిష్యత్తులో విముక్తి పొందే ప్రాంతాల ఆదాయం కూడా ఉండవచ్చని సమాచారం. ఈ ప్రతిపాదనను అనేక అంతర్జాతీయ మీడియా ఉక్రెయిన్‌కు, అమెరికా విలువలకు ద్రోహం అని అభివర్ణించింది.

- సహాయం నిలిపివేత, పుతిన్‌కు అనుకూల వైఖరి

ట్రంప్ ప్రభుత్వం ఉక్రెయిన్‌కు సైనిక సహాయం తాత్కాలికంగా నిలిపివేయడం, ఉక్రెయిన్‌కు నాటో సభ్యత్వం ఇవ్వకూడదని స్పష్టంగా చెప్పడం, రష్యా వాదనలను పరోక్షంగా సమర్థించడం వంటి చర్యలు వివాదాన్ని మరింత పెంచాయి. అంతర్జాతీయ పత్రికలు ఈ నిర్ణయాలను ద్రోహంగా పేర్కొన్నాయి.

-కీవ్‌ను పక్కన పెట్టిన రహస్య చర్చలు

బెలారస్ అధ్యక్షుడు లుకాషెంకో ద్వారా పుతిన్–ట్రంప్ మధ్య రహస్యంగా చర్చలు జరగడం, వాటిలో ఉక్రెయిన్ లేదా యూరప్ దేశాలను భాగస్వామ్యం చేయకపోవడం మరింత ఆందోళన కలిగించింది. యూరప్ నాయకులు ఈ ప్రక్రియను “మురికి ఒప్పందం”గా విమర్శిస్తూ.. ఇది రెండో ప్రపంచ యుద్ధానికి ముందు మ్యూనిక్ ఒప్పందంలా ఉక్రెయిన్‌ను పక్కన పెట్టే ప్రమాదం ఉందని హెచ్చరించారు.

- పుతిన్ వ్యూహం – సమయాన్ని లాగడం

పుతిన్ ఉద్దేశపూర్వకంగా దీర్ఘకాలిక ఫోన్ కాల్స్, మాటలతో సమయం వృథా చేసి, యుద్ధరంగంలో దాడులు కొనసాగిస్తున్నాడని పాశ్చాత్య విశ్లేషకులు అంటున్నారు. ఫాక్స్ న్యూస్ విశ్లేషకులు కూడా పుతిన్, ట్రంప్‌ను "మాటలతో మోసగించాడని" వ్యాఖ్యానించారు.

-భవిష్యత్తు సమ్మిట్‌పై భయం

ట్రంప్–పుతిన్ సదస్సు, అది ఉక్రెయిన్ అధ్యక్షుడు జెలెన్స్కీ లేకుండా జరగవచ్చన్న వార్తలు, కీవ్ , మిత్రదేశాల్లో తీవ్ర ఆందోళన రేపాయి. విమర్శకులు దీన్ని రష్యా దాడులకు బహుమతిగా, అంతర్జాతీయ నిబంధనలకు వ్యతిరేకంగా పేర్కొన్నారు.

నిజమైన రహస్య ఒప్పందానికి పక్కా సాక్ష్యాలు లేకపోయినా, బహిరంగ రికార్డులో ఉన్న ప్రతిపాదనలు, నిర్ణయాలు ఇలా ఉన్నాయి. ఈ చర్యలు ప్రపంచవ్యాప్తంగా ఒకే సందేశాన్ని పంపాయి.“ఉక్రెయిన్‌ పట్ల అమెరికా ద్రోహంగా అభివర్ణిస్తున్నాయి..