'బండానా గర్ల్' 2 సెకన్ల వీడియో.. 'ఎక్స్' అల్లకల్లోలం.. ఏమైంది? ఎంత ఆదాయం వస్తుంది..
ఇటీవలి కాలంలో అలాంటి వింత ఉదంతం ఎక్స్ లో సంచలనం సృష్టిస్తోంది.
By: A.N.Kumar | 22 Nov 2025 4:00 PM IST
సోషల్ మీడియాలో ఎవరు, ఎప్పుడు, ఎలా స్టార్ అవుతారో చెప్పడం కష్టమే. ప్రత్యేక ప్రతిభ లేకపోయినా కొన్ని సందర్భాల్లో కేవలం ఒక చిన్న క్లిప్ లేదా ఫోటో సరిపోతుంది.. అది రాత్రికిరాత్రే ఒక సాధారణ వ్యక్తిని దేశం మొత్తం మాట్లాడుకునేలా చేస్తుంది. ఇటీవలి కాలంలో అలాంటి వింత ఉదంతం ఎక్స్ లో సంచలనం సృష్టిస్తోంది.
2 సెకన్ల వీడియో… 85 మిలియన్ వ్యూస్!
మూడు వారాల క్రితం @w0rdgenerator అనే హ్యాండిల్తో ఒక యువతి పోస్ట్ చేసిన రెండు సెకన్ల సెల్ఫీ వీడియో ఇప్పుడు ఎక్స్లో అత్యధికంగా చూసిన క్లిప్స్లో ఒకటిగా మారింది. “Makeup ate today” అనే క్యాప్షన్తో ఆమె ఆ వీడియోను షేర్ చేసింది. తెలుపు రంగు ఎథ్నిక్ టాప్, సిల్వర్ ఈయరింగ్స్, ప్యాటర్న్డ్ బండానా ధరించి, ఆటోలో ప్రయాణిస్తూ క్షణం పాటు కెమెరాను చూసే ఒక చిన్న షాట్ ఇది అంతే.
ఈ సాదాసీదా వీడియో ఇప్పుడు 85 మిలియన్ వ్యూస్ దాటేసి, త్వరలోనే 100 మిలియన్ వ్యూస్ అందుకునే దిశగా సాగుతోంది. ప్రత్యేకమైన కాన్సెప్ట్, ఎఫెక్ట్స్, స్టంట్స్ ఏమీ లేకపోయినా ప్రపంచవ్యాప్తంగా లక్షల మంది ఈ వీడియోను చూశారు, షేర్ చేశారు. ఈ క్లిప్పై ఆధారపడి మీమ్స్, రీపోస్ట్స్, కోట్స్తో ఎక్స్ టైమ్లైన్ నిండిపోయింది. మీడియా ప్రకారం ఆ యువతి పేరు ప్రియంగా అని తెలిసింది.
అందరికీ ఒకే సందేహం: ఆమెకు ఎంత పేమెంట్ వస్తుంది?
వీడియో వైరల్ కావడంతో ఇప్పుడు నెట్జన్లు చర్చిస్తున్న పెద్ద ప్రశ్న ఏమిటంటే “ఎక్స్ రేవెన్యూ షేరింగ్లో ఆమెకు ఎంత అమౌంట్ వస్తుంది?” అని.. ఎలోన్ మస్క్ ప్లాట్ఫారమ్ను తీసుకున్న తర్వాత, ఎక్స్ తన వినియోగదారులతో ఆదాయాన్ని పంచుకోవడం ప్రారంభించిన విషయం తెలిసిందే. ప్రతి రెండు వారాలకు ఒకసారి, వెరిఫైడ్ యూజర్లకు వారి ఎంగేజ్మెంట్ ఆధారంగా పేమెంట్ అందుతుంది. ఈ వీడియో మొదటి రెండు వారాల్లోనే 40 మిలియన్ వ్యూస్, మూడు వారాల్లో 85 మిలియన్ వ్యూస్ సాధించడం వల్ల, కొంతమంది యూజర్లు ఆమెకు “లక్షల్లో” పేమెంట్ వస్తుందని అంచనా వేస్తున్నారు.
కానీ అనుభవజ్ఞుల మాట ఏమిటంటే… ఎక్స్ను సంవత్సరాలుగా ఉపయోగిస్తున్న అనుభవజ్ఞులు మాత్రం వేరే కోణాన్ని చెబుతున్నారు. వారి ప్రకారం.. ప్లాట్ఫారమ్ ఒకే వీడియో వ్యూస్ ఆధారంగా పేమెంట్ ఇవ్వదు. ఇతర వెరిఫైడ్, ప్రీమియం యూజర్లతో మొత్తం ఎంగేజ్మెంట్ లైక్స్, రీపోస్ట్స్, రిప్లైలు, ప్రొఫైల్ ఇంటరాక్షన్ వంటి అంశాల ఆధారంగా మాత్రమే రేవెన్యూ జెనరేట్ అవుతుంది. పెద్ద సంఖ్యలో వ్యూస్ వచ్చినా, అవి ఎక్కువగా నాన్-ప్రీమియం యూజర్లవి అయితే పేమెంట్ చాలా తక్కువగానే ఉండొచ్చు. అందువల్ల, “85 మిలియన్ వ్యూస్ అంటే లక్షలు వస్తాయి” అనే ఊహాగానాలు నిజం కాకపోవచ్చని చాలామంది అంటున్నారు.
మరేం జరుగుతుంది?
ఇంత వైరల్ అయిన వీడియోకు సోషల్ మీడియా గుర్తింపు మాత్రం ఖాయం. ఆమెకు ఫాలోవర్స్ పెరుగుతారు. బ్రాండ్లకు కనిపిస్తుంది. భవిష్యత్తులో స్పాన్సర్షిప్లు వచ్చే అవకాశం ఉంటుంది. కానీ రేవెన్యూ విషయంలో వాస్తవ పేమెంట్ చాలా వరకు ఆమె ప్రొఫైల్ మొత్తం ఎంగేజ్మెంట్పై ఆధారపడి ఉంటుంది, కేవలం 2 సెకన్ల వీడియోపై కాదు. ఎంత వచ్చినా, ఒక సాధారణ యువతి నుంచి రాత్రికిరాత్రే గ్లోబల్ వైరల్ ఫిగర్గా మారిన ఈ సంఘటన సోషల్ మీడియా శక్తిని మరోసారి నిరూపించింది!