ఓజీ vs వివేకం : లైవ్ లో వైసీపీ-జనసేన ఫైట్.. వైరల్

పవన్ కళ్యాణ్ నటించిన తాజా చిత్రం "ఓజీ" విడుదలైనప్పటి నుంచి కేవలం సినిమా ప్రేమికుల మధ్యే కాకుండా.. తెలుగు రాష్ట్రాల రాజకీయాల్లోనూ హాట్ టాపిక్‌గా మారింది. ఈ సినిమాను కేవలం వినోదంగా చూడకుండా, దాన్ని రాజకీయ కోణంలో విశ్లేషించే ప్రయత్నాలు జోరుగా సాగుతుండడంతో వాదోపవాదాలు మరింత వేడెక్కుతున్నాయి.

"ఓజీ"పై రాజకీయ రంగు

"ఓజీ" విడుదల జనసేన శ్రేణుల్లో కొత్త ఉత్సాహాన్ని నింపింది. ఈ సినిమా పవన్ కళ్యాణ్ కెరీర్‌లో ఒక మలుపుతిప్పే చిత్రం అవుతుందని, రికార్డులు సృష్టిస్తుందని వారు గట్టిగా ప్రచారం చేస్తున్నారు. మరోవైపు వైఎస్సార్ కాంగ్రెస్ పార్టీ (వైసీపీ) నేతలు మాత్రం ఈ సినిమాపై ప్రతికూల వ్యాఖ్యలు చేస్తూ, దీన్ని ఏదో పెద్ద రాజకీయ నేరం జరిగినట్టుగా చిత్రీకరించే ప్రయత్నం చేస్తున్నారు. గతంలో వచ్చిన "హరిహర వీరమల్ల" సినిమా సమయంలోనూ ఇటువంటి రాజకీయ వాతావరణమే కనిపించింది.

టీవీ డిబేట్‌లో వైరల్ అయిన కౌంటర్

ఇదే క్రమంలో తాజాగా జరిగిన ఓ టీవీ ఛానల్ డిబేట్‌లో ఆసక్తికరమైన సన్నివేశం చోటు చేసుకుంది. చర్చలో పాల్గొన్న వైసీపీ నేత వెంకటరెడ్డి మాట్లాడుతూ తాను "ఓజీ" సినిమాను ఎట్టి పరిస్థితుల్లో చూడబోనని, తాను కేవలం మెసేజ్ ఓరియంటెడ్ సినిమాలనే ఇష్టపడతానని స్పష్టం చేశారు.

దీనికి సమాధానంగా జనసేన ప్రతినిధి బండారు వంశీకృష్ణ వెంటనే, పదునైన కౌంటర్ ఇచ్చారు. "వెంకటరెడ్డి గారు... మీకు మెసేజ్ కావాలంటే యూట్యూబ్‌లో 'వివేకం' సినిమా ఉంటుంది. అదే చూడండి. మీకు బాగా మెసేజ్ వస్తుంది," అంటూ వ్యాఖ్యానించారు.

సోషల్ మీడియాలో జోష్

బండారు వంశీకృష్ణ చేసిన ఈ వ్యాఖ్య ఇప్పుడు సోషల్ మీడియాలో తీవ్రంగా వైరల్ అవుతోంది. జనసేన శ్రేణులు దీనిని పెద్ద ఎత్తున షేర్ చేస్తున్నారు. ఆ వ్యాఖ్యలోని వ్యంగ్యం, రాజకీయ చురకత్తికి అభిమానులు ఫిదా అవుతున్నారు.

మొత్తానికి పవన్ కళ్యాణ్ చిత్రం "ఓజీ"పై మొదలైన చర్చ... సినిమా రికార్డులను, విజయాన్ని దాటి ఇప్పుడు రాజకీయ వేదికల్లో ఒక ప్రధాన ఎజెండాగా మారింది. అభిమానులు సినిమా ఘన విజయంపై ఆనందం వ్యక్తం చేస్తుంటే, ప్రతిపక్షాలు మాత్రం దానిని రాజకీయ కోణంలోకి మలచడం ఆసక్తికరమైన మలుపు తీసుకుంది.