బల్లులు లేని దేశాలు ఇవే బ్రో.. ఎందుకో తెలుసా?

మన ఇంట్లో గోడల మీదో, వంటగది మూలల్లోనో బల్లి కనిపించడం చాలా సాధారణం. కొందరికి వాటిని చూస్తే భయం, మరికొందరికి అసహ్యం. అసలు బల్లి లేని ఇల్లు ఉంటుందా? అని మనం ఆశ్చర్యపోతుంటాం. కానీ, ప్రపంచంలో కొన్ని దేశాలు ఉన్నాయి.. అక్కడ మీరు ఎంత వెతికినా ఒక్క బల్లి కూడా కనిపించదు. అవును, మీరు విన్నది నిజమే! సరీసృపాలకు 'నో ఎంట్రీ' బోర్డు తగిలించిన ఆ దేశాల విశేషాలేంటో, అక్కడ బల్లులు ఎందుకు ఉండవో ఇప్పుడు తెలుసుకుందాం.

మంచు కొండల గ్రీన్‌లాండ్.. సరీసృపాలకు నో ఛాన్స్:

అందమైన ఆర్కిటిక్ ద్వీపం గ్రీన్‌లాండ్ ఎప్పుడూ తెల్లని మంచు దుప్పటి కప్పుకుని ఉంటుంది. ఇక్కడ ఉష్ణోగ్రతలు ఎప్పుడూ గడ్డకట్టే స్థాయి కంటే చాలా తక్కువగా ఉంటాయి. బల్లులు, పాములు వంటివి 'శీతల రక్త జంతువులు' అంటే.. ఇవి బతకాలంటే వాతావరణంలో కనీస వేడి ఉండాలి. కానీ గ్రీన్‌లాండ్‌లో ఆ పరిస్థితి అస్సలు ఉండదు. అందుకే అక్కడ బల్లులు, పాములు, కప్పలు వంటివి మనుగడ సాగించలేవు. అక్కడ బల్లిని చూడాలంటే మనం ఫోటోల్లోనో లేదా టీవీల్లోనో చూడాల్సిందే.

ఐస్‌లాండ్ చలికి బల్లులు తట్టుకోలేవు:

అగ్నిపర్వతాలు, జలపాతాలకు నిలయమైన ఐస్‌లాండ్ సాహస యాత్రికులకు స్వర్గధామం. అయితే ఇక్కడ సగటు ఉష్ణోగ్రత కేవలం 2 నుంచి 5 డిగ్రీల మధ్యే ఉంటుంది. ఈ విపరీతమైన చలిని బల్లులు అస్సలు తట్టుకోలేవు. అందుకే ఇక్కడ బల్లులు సహజంగా పెరగవు. విచిత్రమేంటంటే.. బయట దేశాల నుంచి ఇక్కడికి బల్లులను తీసుకురావడాన్ని చట్టరీత్యా నేరంగా పరిగణిస్తారు. ఇక పర్యావరణ సమతుల్యత దెబ్బతినకూడదనే ఉద్దేశంతో ప్రభుత్వం ఈ కఠిన నిర్ణయం తీసుకుంది.

ఐర్లాండ్, అంటార్కిటికాల్లోనూ ఇదే పరిస్థితి:

ఐర్లాండ్‌లో బల్లులు లేకపోవడానికి ఒక భౌగోళిక కారణం ఉంది. హిమయుగం ముగిసిన సమయంలో సముద్ర మట్టాలు పెరగడం వల్ల ఐర్లాండ్ ప్రధాన యూరప్ ఖండం నుంచి విడిపోయి ద్వీపంగా మారింది. యూరప్ నుంచి బల్లులు, పాములు అక్కడికి వలస వెళ్లేలోపే భూభాగం విడిపోవడంతో అక్కడ వాటి జాడ లేకుండా పోయింది. ఇక అంటార్కిటికా విషయం చెప్పక్కర్లేదు. ఇక భూమిపై అత్యంత శీతల ప్రాంతం కావడంతో అక్కడ పెంగ్విన్‌లు తప్ప బల్లుల వంటి జీవులు బతకడం అసాధ్యం.

న్యూజిలాండ్‌లో పాములు కూడా ఉండవు:

న్యూజిలాండ్‌లో కూడా మనకు కనిపించే సాధారణ బల్లులు ఉండవు. అక్కడ 'టువాటరా' అనే బల్లి తరహా ప్రాచీన జీవి ఉంటుంది తప్ప, మిగతావి కనిపించవు. అలాగే ఇక్కడ పాములు కూడా అస్సలు ఉండవు. న్యూజిలాండ్ ప్రధాన భూభాగం నుంచి విడిపోయే సమయానికి పాములు అక్కడికి చేరుకోకపోవడమే దీనికి కారణం. ఇక నేటికీ అక్కడ పాములను పెంచడం లేదా తీసుకురావడంపై కఠిన నిషేధం ఉంది. బల్లులు, పాములు లేని ఈ దేశాలు వినడానికి వింతగా ఉన్నా, అది అక్కడి వాతావరణం మరియు ప్రకృతి ప్రత్యేకత.