రూ. 700 కోట్లకు అపార్ట్మెంట్.. అందులో ఏముందంటే..?
ఈ డీల్ ముంబై హై-ఎండ్ రియల్ ఎస్టేట్ మార్కెట్ బలాన్ని స్పష్టంగా చూపిస్తోంది. నమన్ జానా ప్రాజెక్ట్ కోసం 0.64 ఎకరాల స్థలాన్ని ₹260 కోట్లకు కొనుగోలు చేసి, నిర్మాణం ప్రారంభించారు.
By: Tupaki Political Desk | 9 Oct 2025 6:00 PM IST
దేశ ఆర్థిక రాజధాని ముంబై గురించి ప్రత్యేకంగా పరిచయం అవసరం లేదు. ఆ నగరం ప్రపంచ పటంలో ఎప్పుడూ ఆశ్చర్యాన్ని రేకెత్తిస్తోంది. కఠిన పేదవాడి నుంచి బిలియనీర్ల వరకు పట్టణం ఆశ్రయం ఇస్తుంది. ప్రపంచంలోనే అతిపెద్ద బిలియనీర్లు అయిన అంబానీ, ఆదానీ కుటుంబాలు సైతం అక్కడే నివసిస్తున్నాయి. వంద కోట్లకు విల్లా కొనగలరని అనుకుంటాం, కానీ ముంబై లగ్జరీ మార్కెట్ మాత్రం వేరే ప్రపంచం. ముంబైలోని వర్లీ సీ-ఫేస్లోని నమన్ జానా టవర్ లో ఒక డబుల్ డ్యూప్లెక్స్ అపార్టుమెంట్ ₹700 కోట్లకు అమ్మకానికి రావడం ఈ నగర రియల్ ఎస్టేట్ చరిత్రలో కొత్త రికార్డు సృష్టించింది. యూఎస్వీ ఫార్మాస్యూటికల్స్ చైర్మన్ లీనా గాంధీ తివారీ ఈ సీ కార్నర్ డబుల్ డ్యూప్లెక్స్ను ₹639 కోట్లకు కొనుగోలు చేశారు. స్టాంప్ డ్యూటీ, జీఎస్టీ వంటి పన్నులతో మొత్తం లావాదేవీ ₹703 కోట్లకు చేరింది.
అపార్టుమెంట్ ఫీచర్లు
32 నుంచి 35వ అంతస్తుల వరకు విస్తరించిన ఈ డబుల్డ్యూప్లెక్స్ మొత్తం 22,572 చదరపు అడుగుల విస్తీర్ణం కలిగి ఉంది. ప్రతి చదరపు అడుగుకు సగటు ధర ₹2.83 లక్షలకు పైగా ఉండడంతో, ఇది ముంబై లగ్జరీ మార్కెట్లో కొత్త రికార్డు సృష్టించింది. ప్రాజెక్టు 0.64 ఎకరాల స్థలంలో నిర్మించబడింది. 150 మీటర్ల ఎత్తు, 22 ఎక్స్క్లూజివ్ రెసిడెన్స్లు, 11 పార్కింగ్ లెవెల్స్, గ్రాండ్ పోడియం, ఎకో-ఫ్రెండ్లీ ఆర్కిటెక్చర్, స్మార్ట్ హోమ్ ఆటోమేషన్ వంటి ఫీచర్లు ఈ అపార్టుమెంట్ ప్రత్యేకతను పెంచుతున్నాయి.
రియల్ ఎస్టేట్ బలాన్ని చాటుతూ
ఈ డీల్ ముంబై హై-ఎండ్ రియల్ ఎస్టేట్ మార్కెట్ బలాన్ని స్పష్టంగా చూపిస్తోంది. నమన్ జానా ప్రాజెక్ట్ కోసం 0.64 ఎకరాల స్థలాన్ని ₹260 కోట్లకు కొనుగోలు చేసి, నిర్మాణం ప్రారంభించారు. కానీ ప్రాజెక్ట్ సేల్స్ పొటెన్షియల్ ₹3,500 కోట్లకు పైగా ఉంటుందనేది అంచనా. డెవలపర్లు 13 రెట్లు రిటర్న్ పొందగల అవకాశాన్ని ఇది ఇస్తుంది. దీన్ని ముంబైలోని రియల్ ఎస్టేట్ పెట్టుబడుల విజయ గాథగా చూడవచ్చు.
లగ్జరీ లైఫ్ స్టైల్
ముంబైలో విల్లా కొనడం సాధారణం, కానీ ₹700 కోట్ల అపార్టుమెంట్ ఒక వ్యక్తి కొనుగోలు చేయడం ప్రతికూలతను మించిపోయే సంఘటన. ఇది సరిగా చూపుతున్నది లగ్జరీ మార్కెట్లో పెద్ద పెట్టుబడులు, సొంత ప్రత్యేకత, రాబడికి పెరుగుదల ఎలా కలిసిపోతాయో రియల్ ఎస్టేట్ అంటే కేవలం భవనం మాత్రమే కాదు ఈ డీల్ ముంబై హై ఎండ్ రెసిడెన్షియల్ మార్కెట్ బలంను తెలియజేస్తోంది. నమన్ జానా 0.64 ఎకరాలను రూ. 260 కోట్లకు కొనుగోలు చేసి.. అపార్టుమెంట్ నిర్మిస్తోంది. సేల్స్ పొటెన్షియల్ ₹3,500 కోట్లకు పైగా ఉంది. డెవలపర్లకు 13 రెట్లు రిటర్న్ను అందిస్తోంది.