ట్రంప్ కు ఇండియన్ ఆర్మీ స్ట్రాంగ్ కౌంటర్

ఉక్రెయిన్‌పై రష్యా యుద్ధానికి భారతదేశమే కారణమని ఆరోపించిన అమెరికా మాజీ అధ్యక్షుడు డొనాల్డ్ ట్రంప్‌కు భారత ఆర్మీ గట్టిగా స్పందించింది. ట్రంప్ వ్యాఖ్యలు వివాదాస్పదంగా మారిన నేపథ్యంలో భారత ఆర్మీకి చెందిన ఈస్టర్న్ కమాండ్ ఓ పాత పత్రిక క్లిప్పింగ్‌ను ట్వీట్ చేస్తూ అమెరికా గత వైఖరిని ప్రపంచానికి గుర్తుచేసింది.

-ఆయుధాల సరఫరాలో అమెరికా పాత్ర

ఈస్టర్న్ కమాండ్ ట్వీట్ చేసిన పత్రిక కటింగ్ ప్రకారం 1954 నుండి 1971 మధ్యకాలంలో అమెరికా, పాకిస్తాన్‌కు దాదాపు $2 బిలియన్ల విలువైన ఆయుధాలు సరఫరా చేసింది. ఈ ఆయుధాలతోనే పాకిస్తాన్ ఆర్మీ అప్పటి ఈస్ట్ పాకిస్తాన్ (ప్రస్తుత బంగ్లాదేశ్)లో దారుణమైన దాడులు చేపట్టిందని ఆ వార్తలో స్పష్టంగా ఉంది. ఈ క్లిప్పింగ్‌ను ట్వీట్ చేయడం ద్వారా భారత ఆర్మీ, అమెరికా ద్వంద్వ నైతికతను బహిర్గతం చేసింది.

- పాకిస్తాన్ నరమేధానికి అమెరికా ఆయుధాల మద్దతు

1971లో బంగ్లాదేశ్ విముక్తి సంగ్రామం సమయంలో పాకిస్తాన్ ఆర్మీ చేసిన అఘాయిత్యాలకు అమెరికా నుండి వచ్చిన ఆయుధాలే ప్రధానంగా వాడినట్టు ఆ కాలంలోని పత్రికలు వెల్లడించాయి. లక్షలాది నిరాయుధులపై జరిపిన దాడుల్లో అమెరికా ఆయుధాలు కీలకంగా ఉపయోగపడినట్లుగా ఈ క్లిప్పింగ్ సూచిస్తోంది.

-భారత ఆర్మీ ట్వీట్ దేనికి సంకేతం?

ట్రంప్ భారతదేశంపై చేసిన విమర్శలకు నేరుగా సమాధానం ఇవ్వకపోయినా ఈస్టర్న్ కమాండ్ ట్వీట్ చేసిన పత్రిక కటింగ్‌ ఒక కౌంటర్‌ వ్యాఖ్యలాగే పనిచేసింది. అమెరికా ఇంతకాలంగా పాకిస్తాన్‌కు చేసిన మద్దతును గుర్తు చేయడం ద్వారా ట్రంప్ వ్యాఖ్యలు ఎంత స్వార్థపూరితమైనవో, అంత రాజకీయ ప్రేరణ కలిగినవో అనే విషయం ఇండైరెక్ట్‌గా హైలైట్ చేశారు.

-అంతర్జాతీయంగా స్పందన

ఈ ట్వీట్ తర్వాత సామాజిక మాధ్యమాల్లో #IndiaCounterToTrump అనే హ్యాష్‌ట్యాగ్ ట్రెండ్ అవుతోంది. నెటిజన్లు భారత ఆర్మీ స్పందనను స్వాగతిస్తున్నారు. ట్రంప్ వాఖ్యలపై భారత్ మాత్రమే కాక, ఇతర దేశాల నుంచీ విమర్శలు వస్తున్నాయి.

ట్రంప్ వ్యాఖ్యలు మరోసారి అమెరికా రాజకీయాలలోని అనిర్వచనీయమైన వైఖరిని వెలుగులోకి తెచ్చాయి. కానీ భారత ఆర్మీ ఇచ్చిన చురక సమాధానం ద్వారా దేశ సార్వభౌమ్యాన్ని, చరిత్రపై గౌరవాన్ని మరోసారి చూపించింది. అమెరికా ద్వంద్వ ధోరణి చరిత్రలో ఎప్పటికీ మిగిలిపోతుందని ఈ ఘటన స్పష్టం చేస్తోంది.