ఫిబ్రవరిలో 28 రోజులే ఎందుకు ఉంటాయి? దీని వెనుక కథ పె..ద్దదే

మరో మూడు రోజుల్లో ఫిబ్రవరి నెల ముగుస్తుంది. క్యాలెండర్ లోని 12 నెలల్లో మరే నెలకు లేని ప్రత్యేకత ఫిబ్రవరి సొంతం. మిగిలిన నెలల్లో అయితే 30 రోజులు లేదంటే 31 రోజులు. కానీ.. ఫిబ్రవరి మాత్రం 28 రోజులకే ముగిసే పరిస్థితి. ఇంతకూ ఫిబ్రవరిలో 28 రోజులే ఉండాలని ఎవరు ఫిక్స్ చేశారు? అప్పటివరకు ఏం జరిగింది? అసలు ఫిబ్రవరి నెల ఎందుకు వచ్చింది? లాంటి ప్రశ్నలు ఎప్పుడైనా మీ మదిలో మెదిలాయా? ఈ ప్రశ్నలకు సమాధానాలు వెతికితే.. బోలెడన్ని విషయాలు వెలుగు చూస్తాయి. ఇంతకూ మిగిలిన నెలలకు భిన్నంగా ఫిబ్రవరి ఎందుకు ఉంటుందన్న విషయంలోకి వెళితే..

సింఫుల్ గా ఒక్క మాటలో చెప్పాలంటే ప్రాచీన రోమన్ల మూఢనమ్మకాలే ఫిబ్రవరి 28 రోజులు ఉండేందుకు కారణమైందని చెప్పాలి. ఆ మాటకు వననననస్తే.. మొదట్లో క్యాలెండర్ లో పన్నెండు నెలల కాదు.. పది నెలలే (మార్చి నుంచి డిసెంబరు) ఉండేవి. అయితే.. క్రీస్తు పూర్వం 713లో రోమన్ రాజు నుమా పోంపిలియస్ చంద్రుని గమనాన్ని అనుసరించి క్యాలెండర్ ను 12 నెలలుగా మారుస్తూ జనవరి, ఫిబ్రవరి నెలలను చేర్చారు.

ఇక్కడే మరో అంశాన్ని ప్రస్తావించాలి. రోమన్లకు సరి సంఖ్యను అరిష్టంగా భావిస్తారు. 12 చంద్ర చక్రాలు పూర్తి కావటానికి సుమారు 354 రోజులు పడుతుంది. కాబట్టి మొదటి క్యాలెండర్ 354 రోజులతోనే ప్రారంభమైంది. ఇది సరిసంఖ్య కావటంతో చక్రవర్తి మరో రోజును అదనంగా కలిపి మొత్తం 355 రోజులు చేశారు. తర్వాత ప్రతి నెలలోనూ బేసి సంఖ్యలు ఉండేలా 29 లేదా 31 రోజులకు డివైడ్ చేశారు.

అప్పటికి ఒక నెలలో సరి సంఖ్య ఉండాల్సిన పరిస్థితి ఏర్పడింది. అప్పటి క్యాలెండర్ లో ఫిబ్రవరి చివరి నెలగా ఉండేది. ఆ నెలను చనిపోయిన వారిని స్మరించుకునే నెలగా భావించేవారు. దీన్ని అశుభ నెలగా భావిస్తూ 28రోజులు కేటాయించారు. తర్వాత జూలియస్ సీజర్ క్యాలెండర్ను సవరించినప్పుడు భూమి సూర్యుడి చుట్టూ తిరగడాన్ని అనుసరించి సవంత్సరానికి 365 రోజులు డిసైడ్ చేశారు. దాని ప్రకారం నెలలను సవరించారు. ఆ సందర్భంలోనూ ఫిబ్రవరిలో 28 రోజులను మాత్రం అలానే ఉంచేవారు. అదిప్పటికి కంటిన్యూ అవుతోంది. సూర్య సంవత్సరానికి సరిపడేలా ప్రతి నాలుగేళ్లకు ఒకసారి ఫిబ్రవరి నెలకు మరో రోజు అదనంగా చేర్చటం ద్వారా లీప్ ఇయర్ కాన్సెప్టును తెర మీదకు తీసుకొచ్చారు. అదండి ఫిబ్రవరినెలలో 28 రోజులు ఉండటానికి అసలు కారణం.