రష్యన్ మహిళతో సె*క్స్ తర్వాత బిల్ గేట్స్ కు ఏమైంది..!

ఎప్ స్టీన్ సె*క్స్ కుంభకోణం అగ్రరాజ్యం అమెరికాను కుదిపేసిన సంగతి తెలిసిందే. పేద, మధ్యతరగతి బాలికలు, యువతులకు పెద్ద మొత్తంలో ఆశ చూపించి.. న్యూయార్క్, వర్జిన్ ఐలండ్స్, ఫ్లోరిడా, మెక్సికోలోని నివాసాలకు పిలిపించి అఘాయిత్యాలకు పాల్పడ్డారనేది ఇందులోని ప్రధాన ఆరోపణ. దీంతో.. ఈ వ్యవహారం తీవ్ర సంచలనంగా మారింది. ఈ నేపథ్యంలో ఈ ఎప్ స్టీన్ ఫైల్స్ లో బిల్ గేట్స్ గురించి సంచలన విషయం తెరపైకి వచ్చింది.

అవును... అమెరికాను కుదిపేసిన ఎప్ స్టీన్ సె*క్స్ కుంభకోణంలో మరో కీలక విషయం తెరపైకి వచ్చింది. ఇందులో ప్రధానంగా బిల్ గేట్స్, ఎలాన్ మస్క్ ల ప్రస్థావన రావడం గమనార్హం. ఇందులో భాగంగా.. బిల్ గేట్స్ ఓ రష్యన్ మహిళతో లైంగిక సంబంధం నెరిపాడని.. అందువల్ల ఆయన సుఖవ్యాధుల బారిన పడ్డారని ఎప్ స్టీన్ ఫైల్స్ ఆరోపించింది. ఇదే సమయంలో.. ఆ తర్వాత తన భార్య మెలిండా గేట్స్ కు రహస్యంగా ఇవ్వడానికి యాంటీబయాటిక్స్ కోరాడని ఆరోపించింది.

ఈ వాదనలు 2013లో ఎప్ స్టీన్ తనకు తాను రాసుకున్న ఇ-మెయిల్స్ లో కనిపించాయని.. యూఎస్ డిపార్ట్మెంట్ ఆఫ్ జస్టీస్ విడుదల చేసిన లక్షలాది పత్రాల్లో ఇవి చేర్చబడ్డాయని చెబుతున్నారు. అయితే ఈ ఆరోపణలను బిల్ గేట్స్ బృందం తీవ్రంగా ఖండించింది. ఈ వాదనలు పూర్తిగా అసంబంద్ధమైనవని, పూర్తి అసత్యాలని గేట్స్ ప్రతినిధి అన్నారు. ఇదే సమయంలో... తనను బ్లాక్ మెయిల్ చేయడానికే ఎప్‌ స్టీన్ ఇలాంటి అబద్ధపు ప్రచారాలు చేశాడని గేట్స్ చెప్పారు.

ఎప్ స్టీన్ కు సంబంధించిన సుమారు 30 లక్షల పేజీలతో పాటు 2,000 వీడియోలు, 1,80,000 ఫోటోలను విడుదల చేసినట్లు అమెరికా న్యాయ శాఖ తెలిపింది. ఈ సందర్భంగా స్పందించిన డిప్యూటీ అటార్నీ జనరల్ టాడ్ బ్లాంచే మాట్లాడుతూ... 1,000 మందికి పైగా బాధితుల గుర్తింపులను రక్షించాల్సిన అవసరం ఈ ఆలస్యానికి కారణమని తెలిపారు.

ఎలాన్ మస్క్ కు ఆహ్వానం..!:

తాజాగా విడుదలైన ఫైల్స్ లో మరో ఆసక్తికర విషయం తెరపైకి వచ్చింది. ఇందులో భాగంగా... ఎప్ స్టీన్, ఎలాన్ మస్క్ మధ్య జరిగిన పలు సంభాషణల గురించి కూడా వెలుగులోకి వచ్చింది. వర్జిన్ దీవులలోని తన ద్వీపాన్ని సందర్శించాలని ఎప్ స్టీన్ పలుమార్లు ఎలాన్ మస్క్ కు ఇ-మెయిల్ ద్వారా ఆహ్వానాలు పంపినట్లు చెబుతున్నారు. అయితే ఈ ఆహ్వానాన్ని టెస్లా అధినేత పలుమార్లు తిరస్కరించినట్లు కూడా తాజాగా విడుదలైన పత్రాల్లో ఉంది!

కాగా... పేద, మధ్యతరగతి బాలికలు, యువతులకు పెద్ద మొత్తంలో ఆశ చూపించి అఘాయిత్యాలకు పాల్పడ్డారనే ఆరోపణలతో ఎప్ స్టీన్ సెక్స్ కుంభకోణం తీవ్ర సంచలనంగా మారిన సంగతి తెలిసిందే. ఇది సుమారు రెండు దశాబ్ధాల పాటు సాగగా.. 2005లో బట్టబయలైంది. దీంతో.. నిందితుడిని అరెస్ట్ చేసి జైల్లో ఉంచగా 2019 ఆగస్టులో ఎప్ స్టీన్ జైల్లోనే అనుమానాస్పద స్థితిలో మరణించాడు. దీన్ని పోలీసులు ఆత్మహత్యగా తేల్చారు.