ట్రంప్ మిస్సింగ్.. అసలేమైంది? ఎందుకు దాస్తున్నారు?

అమెరికా అధ్యక్షుడు డొనాల్డ్ ట్రంప్ అనారోగ్యంపై ఇటీవల మరోసారి ఊహాగానాలు చెలరేగుతున్నాయి. ఆయన బహిరంగ కార్యక్రమాల్లో కనిపించకపోవడం, మీడియాకు దూరంగా ఉండటం ఈ అనుమానాలకు ప్రధాన కారణం. దీనితో సోషల్ మీడియాలో "ట్రంప్ మిస్సింగ్" అనే పోస్టులు విస్తృతంగా వైరల్ అవుతున్నాయి.

ఊహాగానాలకు కారణాలు

ట్రంప్ పబ్లిక్ ఈవెంట్లకు దూరంగా ఉండటానికి కొన్ని కారణాలు ఉన్నాయి. ఆగస్టు 30, 31 తేదీల్లో ట్రంప్ షెడ్యూల్‌లో ఎలాంటి బహిరంగ కార్యక్రమాలు లేకపోవడం. ఆయన తన ఆలోచనలను, అభిప్రాయాలను కేవలం తన సొంత సోషల్ మీడియా ప్లాట్‌ఫామ్ అయిన "ట్రూత్ సోషల్" ద్వారానే తెలియజేస్తున్నారు. ఇది ఆయన ఆరోగ్యంపై మరింత అనుమానాలను పెంచింది.

డొనాల్డ్ ట్రంప్ ఆరోగ్య స్థితి

జూలై 2025లో, వైట్ హౌస్ వైద్యుల బృందం డొనాల్డ్ ట్రంప్‌కు క్రోనిక్ వీనస్ ఇన్ఫ్యూయేన్సీ (CVI) ఉన్నట్లు నిర్ధారించింది. ఈ పరిస్థితిలో కాళ్ల నుండి రక్తం గుండెకు సమర్థవంతంగా తిరిగి రాదు. ఇది కాళ్ళలో వాపు.. ఇతర లక్షణాలకు దారితీస్తుంది. ఇది వృద్ధులలో చాలా సాధారణంగా కనిపించే ఒక సమస్య. దీనికి సాధారణ చికిత్సలో కంప్రెషన్ స్టాకింగ్స్ ధరించడం, బరువు తగ్గడం, కాళ్ళను పైకి ఎత్తడం వంటివి ఉంటాయి. ట్రంప్ చేతులపై కనిపించే గాయాల గురించి వైట్ హౌస్ వివరణ ఇచ్చింది. అవి తరచుగా కరచాలనం చేయడం వల్ల, అతను రోజువారీగా తీసుకునే ఆస్పిరిన్ కారణంగా వచ్చాయని పేర్కొంది. వయసు పెరిగే కొద్దీ చర్మం సున్నితంగా మారడం వల్ల ఆస్పిరిన్ వాడకం చిన్న గాయాలకు కూడా కారణమవుతుంది.

- చేతిపై గాయం

ఇటీవల ట్రంప్ చేతిపై ఒక గాయం కనిపించింది. దీన్ని కప్పిపుచ్చడానికి ఆయన మేకప్ వేసుకున్నారని కూడా వార్తలు వచ్చాయి. దీనిపై నెటిజన్లు తీవ్ర ఆందోళన వ్యక్తం చేశారు. సెప్టెంబర్ 1న అమెరికాలో కార్మిక దినోత్సవం కావడంతో ఈ వారాంతంలో ఆయన విశ్రాంతి తీసుకుంటున్నారని కొందరు వాదిస్తున్నారు.

- ఆరోగ్య పరిస్థితిపై స్పష్టత

ట్రంప్ ఆరోగ్యంపై వస్తున్న ఊహాగానాలకు సంబంధించి కొన్ని స్పష్టతలు కూడా వచ్చాయి. ట్రంప్ వ్యక్తిగత వైద్యుడు సీన్ బార్బబెల్లా ఆ గాయంపై స్పందించారు. తరచుగా కరచాలనం చేయడం, ఆస్ప్రిన్ వంటి మందులు వాడటం వల్ల ఆ గాయం ఏర్పడిందని, అది పెద్ద సమస్య కాదని వివరించారు. ఆయన ప్రస్తుతం పూర్తి ఆరోగ్యంగా ఉన్నారని కూడా స్పష్టం చేశారు. ట్రంప్ తరచుగా ట్రూత్ సోషల్‌లో పోస్టులు పెడుతున్నారు. ఇది ఆయన చురుగ్గా ఉన్నారని, ఆరోగ్యం బాగానే ఉందని సూచిస్తోంది.

79 ఏళ్ల వయసులో ఉన్న ట్రంప్ ఆరోగ్యంపై గతంలో కూడా అనేకసార్లు వార్తలు వచ్చాయి. ఆయన చేతిపై కనిపించిన చిన్న గాయం, అలాగే పబ్లిక్ ఈవెంట్లకు కొంతకాలం దూరంగా ఉండటం ఈ తాజా ఊహాగానాలకు కారణమైంది. అయితే, వైద్యుల ప్రకటన, ఆయన సొంత సోషల్ మీడియా కార్యకలాపాలను బట్టి చూస్తే, ఆయన ఆరోగ్యంపై వస్తున్న వార్తలు కేవలం ఊహాగానాలు మాత్రమేనని తెలుస్తోంది. వ్యూహాత్మకంగా ఆయన కొన్ని రోజులు విశ్రాంతి తీసుకుంటుండవచ్చు.

ట్రంప్ మానసిక - శారీరక సామర్థ్యంపై అడపాదడపా అనుమానాలు వ్యక్తమవుతున్నప్పటికీ, ఈ అంశంపై అధికారికంగా ఎటువంటి స్పష్టమైన సమాచారం లేదు. కొన్నిసార్లు ఆయనకు సంబంధించిన కొన్ని వీడియో క్లిప్‌లు మరియు ఆయన ప్రవర్తన ఆధారంగా ఈ సందేహాలు తలెత్తాయి. అయితే, దీనిపై నిపుణులు లేదా అధికారిక వర్గాల నుంచి ఎటువంటి నిర్ధారణ లేదు.