ఐఫోన్ 17 సిరీస్ విడుదల : ధరలు, ఫీచర్లు, లభ్యత ఎలా ఉన్నాయంటే?

యాపిల్ కంపెనీ మంగళవారం జరిగిన 'Awe Dropping' ఈవెంట్‌లో తన సరికొత్త ఐఫోన్ 17 సిరీస్‌ను ప్రపంచానికి పరిచయం చేసింది. ఈ సిరీస్‌లో నాలుగు మోడళ్లు ఉన్నాయి. ఐఫోన్ 17, ఐఫోన్ 17 ప్రో, ఐఫోన్ 17 ప్రో మ్యాక్స్ , సరికొత్త ఐఫోన్ ఎయిర్. ఈ కొత్త మోడళ్లలో డిస్‌ప్లే, కెమెరా, పెర్ఫార్మెన్స్ పరంగా గణనీయమైన అప్‌గ్రేడ్‌లు ఉన్నాయని యాపిల్ వెల్లడించింది.

* ఐఫోన్ ఎయిర్.. యాపిల్ చరిత్రలోనే అత్యంత సన్నని ఐఫోన్

ఈ ఈవెంట్‌లో ప్రధాన ఆకర్షణగా నిలిచిన ఐఫోన్ ఎయిర్, కేవలం 5.6 మిల్లీమీటర్ల సన్నదనంతో యాపిల్ చరిత్రలోనే అత్యంత సన్నని ఐఫోన్‌గా నిలిచింది. ఇది 6.5 అంగుళాల సూపర్ రెటినా ఎక్స్.డి.ఆర్ డిస్‌ప్లేతో వస్తుంది. దీనికి టైటానియం ఫ్రేమ్, సెరామిక్ షీల్డ్ 2 గ్లాస్ రక్షణగా ఉన్నాయి. ఈ మోడల్‌లో ప్రో మాదిరిగానే శక్తివంతమైన ఏ19 ప్రో చిప్‌సెట్‌ను వాడారు. దీని ప్రారంభ ధర అమెరికాలో $999, భారతదేశంలో ₹1,19,900.

*ఐఫోన్ 17, ఐఫోన్ 17 ప్రో , ప్రో మాక్స్: అప్‌గ్రేడ్‌లు ఇవే

ఐఫోన్ 17: ఇందులో 6.3 అంగుళాల సూపర్ రెటినా ఎక్స్.డి.ఆర్ డిస్‌ప్లే ఉంది. మొదటిసారిగా అన్ని ఐఫోన్ 17 మోడళ్లకు 120 హెచ్‌జెడ్ (Hz) ప్రోమోషన్ రిఫ్రెష్ రేట్‌ను అందించారు. ఇది మరింత మెరుగైన విజువల్ అనుభూతిని ఇస్తుంది. దీనిలో ఏ19 చిప్‌సెట్ ఉంది. 48 మెగాపిక్సెల్ (MP) డ్యుయల్ కెమెరా సిస్టమ్, సరికొత్త 18 ఎం.పి ఫ్రంట్ కెమెరా ఇందులో ఉన్నాయి. దీని ప్రారంభ ధర అమెరికాలో $799, భారతదేశంలో ₹82,900.

ఐఫోన్ 17 ప్రో & ప్రో మాక్స్: ఈ ప్రీమియం మోడళ్లు మరింత మెరుగైన డిజైన్‌తో అల్యూమినియం ఫ్రేమ్‌ను తిరిగి ప్రవేశపెట్టాయి. ఈ మార్పుకు కారణం వేగంగా వేడిని తగ్గించడం. ఈ మోడళ్లు ఏ19 ప్రో చిప్‌సెట్‌తో పనిచేస్తాయి. వీటిలో ప్రత్యేకంగా వేపర్ చాంబర్ కూలింగ్ సిస్టమ్‌ను అమర్చారు. ఇది గేమింగ్ , ఇతర హై-ఎండ్ పనుల సమయంలో ఫోన్ వేడి అవ్వకుండా కాపాడుతుంది. కెమెరా పరంగా ఇందులో మూడు 48 ఎం.పి కెమెరాలను ఉపయోగించారు. ఐఫోన్ 17 ప్రో మ్యాక్స్ మోడల్‌లో 8x ఆప్టికల్ జూమ్‌తో కొత్త టెలిఫోటో లెన్స్ కూడా ఉంది.

* ధరలు & లభ్యత

ఐఫోన్ 17: అమెరికాలో $799, భారతదేశంలో ₹82,900

ఐఫోన్ 17 ప్రో: అమెరికాలో $1,099, భారతదేశంలో ₹1,34,900

ఐఫోన్ 17 ప్రో మ్యాక్స్: అమెరికాలో $1,199, భారతదేశంలో ₹1,49,900

కొత్త ఐఫోన్ సిరీస్‌కు ప్రీ-ఆర్డర్లు సెప్టెంబర్ 12న ప్రారంభమవుతాయి. విక్రయాలు సెప్టెంబర్ 19 నుండి మొదలవుతాయి. కొత్త కలర్ ఆప్షన్లలో లావెండర్, మిస్ట్ బ్లూ, వైట్, బ్లాక్, సేజ్ , కాస్మిక్ ఆరెంజ్ రంగులు అందుబాటులో ఉంటాయి. ఈ కొత్త లాంచ్ ఐఫోన్ అభిమానులను ఎంతగానో ఆకట్టుకుంటుందని మార్కెట్ విశ్లేషకులు భావిస్తున్నారు.