95 ఏళ్ల పడిలో సర్పంచ్ గా నామినేషన్..

ప్రతి నాయకుడు యువత రాజకీయాల్లోకి రావాలని స్పీచులు దంచికొడతాడు. యువత పూనుకుంటే దేశాన్ని, ప్రపంచాన్ని మార్చవచ్చని చెప్తారు. కానీ నేడు యువత మాత్రం అందుకు భిన్నంగా వ్యవహరిస్తున్నారు. రాజకీయాలకు దూరం కాకున్నా.. ముందుండి నడిపించేందుకు జంకుతున్నారు.. ఈ నేపథ్యంలో ప్రజలకు సేవ చేయాలన్న సంకల్పంతో కొందరు వృద్ధాప్యంలో కూడా ప్రజల్లోకి వస్తున్నారు. అలాంటి వ్యక్తే రామచంద్రారెడ్డి. అటు యువత లేక.. ఇటు నాలాంటి అనుభవం ఉన్న వ్యక్తి లేక ప్రజలకు మంచి పాలన ఎలా అందుతుంది అనుకున్నాడో ఏమో.. 95వ పడిలో రాజకీయాల్లో చురుకుగా పాల్గొంటున్నాడు. ఇప్పుడు సర్పంచ్ బరిలో నిలిచారు. కొడుకుతో కలిసి గ్రామంలో జోరుగా ప్రచారం కూడా చేస్తున్నాడు.

సేవకు కట్టుబడిన కుటుంబం..

గ్రామాల్లో రాజకీయ నాయకుల పేరు వినిపిస్తే ‘అది కేవలం ఎన్నికలప్పుడు మాత్రమే’ అనే మాట ఎక్కువగా వినిపిస్తుంది. ఈ వ్యాఖ్యల్లో వాస్తవం ఉన్నప్పటికీ, కొన్ని అరుదైన మినహాయింపులు మన ముందుకు వస్తాయి. సూర్యాపేట బీఆర్ఎస్ మాజీ మంత్రి జగదీశ్ రెడ్డి తండ్రి 95 ఏళ్ల రామచంద్రా రెడ్డి అలాంటి మినహాయింపుల జాబితాలో నిలిచే వ్యక్తి. ఆయన కథ, కేవలం ఒక నాయకుడి కథ కాదు. అది ఒక విలువ, నిబద్ధత, రాజకీయ పట్ల అంకితభావం పాఠం.

సాధారణంగా 70 ఏళ్లు దాటితే శారీరకపరంగా ఇబ్బందులు ఎదురవుతాయి. 80 దాటితే ఇంట్లో విశ్రాంతి తీసుకోమని కుటుంబ సభ్యులే ఒత్తిడి చేస్తారు. కానీ 95 సంవత్సరాల వయసులోనూ దేన్నీ లెక్కచేయకుండా, గ్రామాల మధ్యలో తిరుగుతూ పార్టీ పతాకాన్ని ఎగురవేస్తే.. అది కేవలం ‘పార్టీ భక్తి’ కాదు, ఒక వ్యక్తి జీవితకాల విశ్వాసం.

ఆకట్టుకుంటున్న ఆయన స్పీచ్..

నాగార్‌కర్నూల్ ప్రాంతంలో జరిగిన సర్పంచ్ ఎన్నికల సమావేశంలో ఆయన పాల్గొనడం ప్రజలకు ఆశ్చర్యాన్ని కలిగించింది. 95 ఏళ్ల వృద్ధుడు మైక్రోఫోన్ పట్టుకొని ప్రజలతో మాట్లాడుతూ కనిపించగానే, ఆ సభలో ఉండే ప్రతి ఒక్కరూ ఒక క్షణం ఆగిపోయారు. ఈ వయసులోనూ స్వేచ్ఛగా మాట్లాడే ఉత్సాహం, గ్రామస్తులతో మమేకం అయ్యే తీరు. ఇవి రాజకీయాల్లో కనిపించని విలువలు.

ఎన్నికల ప్రచారమంటే 12–14 గంటలు పరోక్షంగా ప్రయాణాలు, సమావేశాలు, ఇంటింటి వద్ద ప్రచారం ఇవి శారీరకంగా, మానసికంగా కూడా ఒత్తిడి కలిగించే కార్యక్రమాలు. సాధారణ వ్యక్తికి కూడా ఇది కష్టమే. కానీ 95 ఏళ్ల నేత ఆ పని చేస్తే, అది తరం మధ్య వ్యత్యాసాన్ని చెరిపేసే గీత అవుతుంది. ఇంకా ఒక ముఖ్యమైన విషయం ఏమిటంటే.. రాజకీయాలు ఒక కుటుంబ వారసత్వంగా వచ్చినప్పటికీ, రామచంద్ర రెడ్డి పాత్ర దాన్ని ‘పాలిటికల్ డ్యూటీ’ నుండి ‘సామాజిక బాధ్యత’ స్థాయికి తీసుకెళ్లింది.

ఇంకా చురుకుగా తిరుగుతూ..

అయన కుటుంబం మొత్తం రాజకీయాలపై ఒక పునాది వేసుకున్నట్లే కనిపిస్తున్నా, రామచంద్ర రెడ్డి పాల్గొనడం ప్రజల్లో ఒక విశ్వాసాన్ని పెంచింది. ‘వారిని నమ్మితే తప్పు ఉండదు’ అనే భావన గ్రామాల్లో కనిపిస్తోంది. పార్టీని బలపర్చడమే ఆయన లక్ష్యం కాదు.. తరాల మధ్య విలువలు ఎలా కొనసాగాలో చూపించడం కూడా ఆయన సంకల్పం. రాజకీయాలు కేవలం అధికార సాధనమే కాదు. సమాజానికి సేవ అనే ఆయన ఇచ్చిన సందేశం యువతలో కూడా చర్చకు వస్తోంది.

95 ఏళ్ల వయసులో ప్రచారం చేయడం ఒక చిన్న విషయం కాదు. అది ఒక నాయకుడి మనోబలం, నిబద్ధత, విలువలపై అచంచల ధృఢత. ఎక్కడో కుర్చీలో కూర్చొని విశ్రాంతి తీసుకునే వయసులోనూ, ప్రజల్లో తిరిగి పార్టీ కోసం పనిచేయడం. ఇది రాజకీయ ప్రపంచంలో కనిపించని గొప్ప విలువ. ఈ యుగంలో నాయకులంటే ఫొటోలు, ప్రచారం, హడావుడే ఎక్కువ. కానీ రామచంద్ర రెడ్డి చూపిస్తున్న మార్గంలో ప్రతి నాయకుడు నడవాలి. సేవాభావం, పట్టుదల, నిజాయితీ అన్న పాఠాన్ని మరోసారి గుర్తు చేసింది. రాజకీయాలు ఎంత మారినా, కొన్ని విలువలు మాత్రం మారకూడదు. 95 ఏళ్ల రామచంద్ర రెడ్డి ఆ విలువలకు జీవం పోసే నాయకుడు.