కేజీఎఫ్ తర్వాత యష్ కు అసలైన పరీక్ష!

భారతీయ సినీ పరిశ్రమలో ఒక బ్లాక్‌బస్టర్ సినిమా స్టార్ కెరీర్‌ను పూర్తిగా మార్చేసిన సందర్భాలు చాలా ఉన్నాయి. అయితే ఆ స‌క్సెస్‌ను నిలబెట్టుకోవడం మాత్రం అంత ఈజీ కాదు. ఒక సినిమా ఇచ్చిన గుర్తింపు తర్వాత వచ్చే ప్రతి ప్రాజెక్ట్‌పై అంచనాలు ఎన్నో రెట్లు పెరుగుతాయి. అలాంటి కీలక దశలోనే ప్రస్తుతం కన్నడ స్టార్ యష్ నిలిచారు. కెరీర్‌లో అత్యంత భారీ స‌క్సెస్ ను అందుకున్న తర్వాత ఆయన వేస్తున్న ప్రతి అడుగు ఇప్పుడు ప్రత్యేకంగా పరిశీలించబడుతోంది.

చ‌రిత్ర‌ను ప‌రిశీలిస్తే, ఒక భారీ స‌క్సెస్ కేవలం హీరోకే కాదు, మొత్తం ఇండ‌స్ట్రీ ఇమేజ్‌ను కూడా మార్చిన ఉదాహరణలున్నాయి. తెలుగు సినిమాను ప్రపంచవ్యాప్తంగా నెక్ట్స్ లెవెల్ కు తీసుకెళ్లిన బాహుబలి ఎలాంటి ప్రభావం చూపిందో, కన్నడ చిత్రసీమకు కొత్త మార్కెట్‌ను తెరిచిన కేజీఎఫ్ కూడా అదే తరహా మార్పును తీసుకొచ్చింది. ఆ సినిమా తర్వాత కన్నడ ఇండస్ట్రీపై దేశవ్యాప్తంగా మాత్రమే కాదు, విదేశీ మార్కెట్లలో కూడా ఆసక్తి పెరిగింది. దీంతో యష్ ప‌ర్స‌న‌ల్ స్టార్‌డమ్‌తో పాటు ఆయన భుజాలపై ఇండస్ట్రీ ప్రతిష్ఠ కూడా చేరింది.

అయితే ఇదే పరిస్థితి ఇప్పుడు ఆయనకు పెద్ద‌ పరీక్షగా మారింది. ఒక భారీ హిట్ తర్వాత వచ్చే సినిమాకు ఆడియ‌న్స్ అంచనాలు పూర్తిగా మారిపోతాయి. ఈ సినిమాతో ఫ్యాన్స్ మరో స‌క్సెస్ ను మాత్రమే కాకుండా, అంతకుమించిన ఎక్స్‌పీరియెన్స్‌ని కోరుకుంటారు. రెగ్యుల‌ర్ కమర్షియల్ హిట్ కూడా చాలదనే పరిస్థితి ఏర్పడుతుంది. అందుకే మొదటి స‌క్సెస్ ను మించి మరోసారి అదే రేంజ్ ఇంపాక్ట్ ను చూపించడం ప్రతి పాన్ ఇండియా స్టార్‌కు కఠినమైన సవాల్‌గా మారుతోంది.

ప్రస్తుతం యష్ చేతిలో ఉన్న టాక్సిక్ మరియు రామాయ‌ణ వంటి భారీ ప్రాజెక్టులు ఈ పరీక్షలో కీలక పాత్ర పోషించనున్నాయి. ఈ రెండు సినిమాలు ఆశించిన ఫ‌లితాన్ని అందుకుంటే, ఆయనను కేవలం కన్నడ స్టార్‌గా కాకుండా ఇండియ‌న్ సినిమా గ్లోబల్ ఫేసెస్ లో ఒకరిగా నిలబెట్టే అవకాశం ఉంది. అదే సమయంలో అంచనాలకు తగ్గ ఫలితం రాకపోతే, భారీ స‌క్సెస్ త‌ర్వాత కెరీర్‌ను కొనసాగించడం ఎంత క్లిష్టమో మరోసారి డిస్క‌ష‌న్ కు వస్తుంది. వాస్త‌వానికిది యష్ ఒక్కరికే పరిమితమైన సిట్యుయేష‌న్ కాదు. బాహుబలి తర్వాత ప్రభాస్, పుష్ప తర్వాత అల్లు అర్జున్ వంటి ప్రతి పాన్ ఇండియా స్టార్ కూడా ఇదే తరహా ప్రెజ‌ర్ ను ఎదుర్కొన్నారు. ఒకసారి దేశవ్యాప్తంగా మార్కెట్ ఏర్పడిన తర్వాత ప్రతి సినిమా రిలీజ్ జాతీయ స్థాయి అంచనాల మధ్యే జరుగుతోంది. దీంతో కథల ఎంపిక నుంచి రిలీజ్ ప్లాన్ వరకు ప్రతి డెసిష‌న్ మరింత కీలకంగా మారింది.

అందుకే యష్ కెరీర్‌లో ప్రస్తుతం మొదలవుతున్న దశను సాధారణ సినీ జ‌ర్నీగా చూడలేం. ఇదొక‌ స్టార్ తన సెన్సేష‌న‌ల్ స‌క్సెస్ ను ప‌ర్మినెంట్ బ్రాండ్‌గా మార్చుకునే జ‌ర్నీనా, లేక ఒక్క సినిమా ప్రభావాన్ని దాటి కొత్త అధ్యాయాన్ని రాసే ప్రయత్నమా అన్న ప్రశ్నకు సమాధానం చెప్పే సమయంగా చూస్తున్నారు. రాబోయే రెండు సినిమాల రిజ‌ల్ట్స్ కేవలం యష్ ఫ్యూచ‌ర్‌నే కాదు, పాన్ ఇండియా స్టార్‌డమ్‌కు కొత్త ప్రమాణాలను కూడా డిసైడ్ చేసే అవకాశముంది.