టాలీవుడ్‌కు ప్రాధాన్యం పెంచిన కోలీవుడ్ హీరోస్ .. అసలు గేమ్ ప్లాన్ ఇదే !

ఇటీవలి కాలంలో దక్షిణ భారత చిత్రసీమలో ఒక ఆసక్తికరమైన మార్పు కనిపిస్తోంది. కోలీవుడ్ స్టార్ హీరోలైన కార్తి, ధనుష్, సూర్య, అలాగే శివకార్తికేయన్ వంటివారు కేవలం తమిళంలో సినిమాలు చేస్తూ వాటిని తెలుగులోకి డబ్ చేయడం మాత్రమే కాకుండా, నేరుగా 'తెలుగు ఓన్లీ' ప్రాజెక్టులపై దృష్టి సారిస్తున్నారు. ఒకప్పుడు సొంత మార్కెట్‌కే ప్రాధాన్యత ఇచ్చిన ఈ తమిళ తంబీలు, ఇప్పుడు టాలీవుడ్ ప్రొడక్షన్ హౌస్‌లు మరియు దర్శకులతో చేతులు కలిపి వరుస ప్రాజెక్ట్‌లు లైన్‌లో పెట్టడం వెనుక బలమైన వ్యూహాత్మక ప్లాన్ ఉంది. అదేంటో చుస్తెద్దాం.

టాలీవుడ్ మార్కెట్ స్కోప్ & బాక్సాఫీస్ పొటెన్షియల్:

ఈ బిగ్ చేంజ్ వెనుక ఉన్న ప్రధాన కారణం తెలుగు సినిమా బాక్సాఫీస్ విస్తృతి. ప్రస్తుతం టాలీవుడ్ నిర్మించే చిత్రాల బడ్జెట్లు, రాబట్టే వసూళ్లు పాన్-ఇండియా స్థాయిలో ఉంటున్నాయి. తెలుగులో నేరుగా సినిమాలు చేయడం ద్వారా ఇక్కడి నైజాం, ఆంధ్రా, సీడెడ్ థియేట్రికల్ మార్కెట్‌ను 100% గ్రాబ్ చేయవచ్చు. ఇక డబ్బింగ్ సినిమాలకంటే స్ట్రెయిట్ తెలుగు సినిమాలకు ఇక్కడి డిస్ట్రిబ్యూటర్లు, ప్రేక్షకుల నుంచి లభించే ఆదరణ మరియు ఓపెనింగ్స్ చాలా ఎక్కువగా ఉంటాయి.

మాస్ కంటెంట్ & కమర్షియల్ డైరెక్టర్స్:

తెలుగు దర్శకులకు ఉన్న కమర్షియల్ విజన్, మాస్ ఎలిమెంట్స్‌ను ప్రజెంట్ చేసే విధానం కోలీవుడ్ హీరోలను బాగా ఆకర్షిస్తోంది. ధనుష్ 'సార్' సినిమాతో, శివకార్తికేయన్ 'ప్రిన్స్'తో నేరుగా తెలుగు దర్శకులతో పనిచేశారు. ఇప్పుడు కార్తి కూడా 'మ్యాడ్' ఫేమ్ కళ్యాణ్ శంకర్‌తో పాటు శైలేష్ కొలనుతో 'HIT 4' ప్రాజెక్ట్ చేస్తున్నారు. అలాగే సూర్య కూడా రీసెంట్ హిట్ విశ్వనాథన్ అండ్ సన్స్ తో వెంకీ అట్లూరి తో మూవీ చేసి హిట్ అందుకున్నాడు. ఇక రాబోయే రోజుల్లో టాలీవుడ్ టాప్ ప్రొడక్షన్స్‌లో స్ట్రెయిట్ ప్రాజెక్ట్స్‌కి ఆసక్తి చూపుతున్నారు. తెలుగు దర్శకుల మాస్ పల్స్ తమ ఇమేజ్‌ను మరింత నెక్స్ట్ లెవెల్‌కి తీసుకెళ్తుందని వీరి నమ్మకం.

స్ట్రాంగ్ ప్రొడక్షన్ హౌసెస్ & బిజినెస్ నెట్‌వర్క్:

సితార ఎంటర్‌టైన్‌మెంట్స్, వాల్ పోస్టర్ సినిమా, మైత్రీ మూవీ మేకర్స్, ఏషియన్ సినిమాస్ వంటి నిర్మాణ సంస్థలకు ప్రపంచవ్యాప్తంగా అద్భుతమైన డిస్ట్రిబ్యూషన్ నెట్‌వర్క్ ఉంది. ఈ ప్రొడక్షన్ హౌసెస్‌లో సినిమాలు చేయడం వల్ల హీరోలకు భారీ ప్రమోషన్లు దక్కడంతో పాటు ఓటీటీ, శాటిలైట్ హక్కులకు విపరీతమైన డిమాండ్ లభిస్తోంది. ఇక ఇది హీరోల బిజినెస్ వ్యాల్యూను, రెమ్యూనరేషన్ మార్కెట్‌ను గణనీయంగా పెంచుతోంది.

గ్లోబల్ రీచ్ & 'పాన్-ఇండియా' రూట్ :

ఈ రోజుల్లో ఏ ప్రాంతీయ సినిమా అయినా పాన్-ఇండియా రేంజ్‌కి వెళ్లాలంటే టాలీవుడ్ ఒక ప్రధాన కేంద్రంగా మారింది. తెలుగు చిత్రసీమ ఇచ్చే పుష్‌తో హిందీ, కన్నడ, మలయాళ మార్కెట్లలోకి సులభంగా దూసుకెళ్లవచ్చు. అందుకే కోలీవుడ్ స్టార్స్ కేవలం చెన్నై బోర్డర్‌కే పరిమితం కాకుండా, తమ కెరీర్‌ను గ్లోబల్ రేంజ్‌లో నిలబెట్టుకోవడానికి టాలీవుడ్‌ను తమ ప్రైమరీ అడ్డాగా మార్చుకుంటున్నారు.