ఈ వారం బింజ్ వాచ్‌కు బెస్ట్ ఆప్షన్స్… OTT ఫ్రెష్ రిలీజులు!

వారాంతం వచ్చేసిందంటే చాలు ఓటీటీ ప్రియులకు పండగే.. ఇంట్రెస్టింగ్ సినిమాలు, వినోదాత్మక వెబ్ సిరీస్‌లతో డిజిటల్ ప్లాట్‌ఫామ్‌లు సరికొత్త కంటెంట్‌ను మన ముందుకు తీసుకువచ్చాయి. నెట్‌ఫ్లిక్స్, ప్రైమ్ వీడియో, జియో హాట్‌స్టార్, ఆహా, సోనీ లివ్ వంటి ప్రముఖ ఓటీటీల్లో క్రైమ్ థ్రిల్లర్లు, రొమాంటిక్ డ్రామాలు, యాక్షన్ ఎంటర్‌టైనర్లు సందడి చేస్తున్నాయి. ఈ వారం మీ బింజ్ వాచ్ లిస్ట్‌లో చేర్చుకోవాల్సిన కొన్ని బెస్ట్ అండ్ ఫ్రెష్ డిజిటల్ రిలీజ్‌ల వివరాలు మీకోసం..

నెట్‌ఫ్లిక్స్: క్రైమ్ కామిడీ నుంచి యాక్షన్ దాకా:

నెట్‌ఫ్లిక్స్‌లో ఈ వారం విభిన్నమైన కంటెంట్ అందుబాటులోకి వచ్చింది. తమిళం, తెలుగు, హిందీతో సహా పలు భాషల్లో స్ట్రీమ్ అవుతున్న క్రైమ్ కామిడీ 'కాన్ సిటీ' ప్రేక్షకులను భలేగా ఆకట్టుకుంటోంది. అలాగే హిందీ, తెలుగు, తమిళ భాషల్లో వస్తున్న రొమాంటిక్ డ్రామా సిరీస్ 'ముసాఫిర్ కేఫ్' , ఫ్రాంకో-ఇంగ్లీష్ యాక్షన్ థ్రిల్లర్ 'ఎలీట్ ఫోర్స్' మాస్ అండ్ క్లాస్ ఆడియన్స్ ని అలరిస్తున్నాయి. కామిడీ లవర్స్ కోసం '72 అవర్స్', వెస్ట్రన్ డ్రామా 'రాన్సమ్ క్యాన్యన్ 2' కూడా రెడీగా ఉన్నాయి.

ప్రైమ్ వీడియో:

మైథలాజికల్ యాక్షన్ & సైన్స్ ఫిక్షన్ సస్పెన్స్: అమెజాన్ ప్రైమ్ వీడియోలో గ్రాండ్ రిలీజ్‌గా వచ్చిన 'నాగబంధం' తెలుగు, తమిళ, హిందీ భాషల్లో అడ్వెంచర్ ప్రియులను కట్టిపడేస్తోంది. సైన్స్ ఫిక్షన్ అభిమానుల కోసం 'మాస్టర్స్ ఆఫ్ ది యూనివర్స్', తమిళ సస్పెన్స్ ఇన్వెస్టిగేషన్ కోరుకునే వారి కోసం 'ఈగో రామన్' స్ట్రీమింగ్ అవుతున్నాయి. ఇక వీటితో పాటు యువతను ఆకట్టుకునేలా 'క్యాంపస్ బీట్స్', హాస్యభరితమైన 'ఆదర్శ్ బాల విద్యాలయ' షోలు కూడా డిజిటల్ స్క్రీన్‌పై రచ్చ చేస్తున్నాయి.

జియో హాట్‌స్టార్: సైన్స్ ఫిక్షన్ & మెడికల్ క్రైమ్ థ్రిల్లర్స్:

జియో హాట్‌స్టార్ సబ్‌స్క్రైబర్ల కోసం హాలీవుడ్ లెవెల్ డ్రామాలు అందుబాటులోకి వచ్చాయి.ఇక సైన్స్ ఫిక్షన్ ప్రపంచంలో తిప్పే 'స్టార్ ట్రెక్: స్ట్రేంజ్ న్యూ వరల్డ్స్' సీజన్ 4తో పాటు మెడికల్ థ్రిల్లర్ 'వాట్సన్' సీజన్ 2 ఆకట్టుకుంటున్నాయి. యాక్షన్ అండ్ హై-వోల్టేజ్ సస్పెన్స్ ఇష్టపడే వారి కోసం 'ది అన్ డిక్లేర్డ్ వార్' సీజన్ 2 స్ట్రీమ్ అవుతోంది. వీటితో పాటు కామెడీ ప్రియుల కోసం 'ది F-వార్డ్' సిరీస్ నవ్వుల పువ్వులు పూయిస్తోంది.

ప్రాంతీయ ఓటీటీలు: డిఫరెంట్ జోనర్లలో సర్‌ప్రైజ్‌లు:

సౌత్ ఇండియన్ కంటెంట్ ఇష్టపడే వారి కోసం రీజినల్ ప్లాట్‌ఫామ్‌లు అదిరిపోయే ఆప్షన్లు తెచ్చాయి. ఇక సోనీ లివ్‌లో 'పల్లిచట్టంబి' యాక్షన్ థ్రిల్లర్‌గా అలరిస్తుంటే, ఆహా తమిళంలో 'మైలాంజి' క్యూట్ రొమాంటిక్ డ్రామాగా వీక్షకులను ఆకట్టుకుంటోంది. సన్ నెక్స్ట్‌లో మలయాళ హర్రర్ కామిడీ 'సీక్రెట్స్ ఆఫ్ కళింగ' భయపెడుతూనే నవ్విస్తోంది. జీ5లో 'ప్రేమ్ షాట్స్', 'అగా ఆయ్ ఆహో ఆయ్' వంటి ఫ్యామిలీ అండ్ రొమాంటిక్ సిరీస్‌లు సందడి చేస్తున్నాయి.

వీకెండ్ వాచ్‌లిస్ట్ లాక్ చేసుకోండి:

మీ మూడ్‌కి తగ్గట్టుగా క్రైమ్ సస్పెన్స్ నుంచి మైండ్ రిలీఫ్ కామిడీల వరకు ప్రతీ జోనర్‌లోనూ ఈ వారం బోలెడన్ని ఆప్షన్లు ఉన్నాయి.ఇక పాప్‌కార్న్ సిద్ధం చేసుకుని, మీ ఫేవరెట్ ఓటీటీ ప్లాట్‌ఫామ్‌లో ఈ ఫ్రెష్ రిలీజ్‌లను బింజ్ వాచ్ చేసేయండి. ఈ వారాంతాన్ని డిజిటల్ వినోదంతో మరింత ఎంజాయ్ చేయండి.