సైలెంట్ గా కానిచ్చేస్తున్న నాగ‌వంశీ

యూత్‌ఫుల్ కామెడీ ఎంట‌ర్టైన‌ర్ గా వ‌చ్చిన మ్యాడ్ సినిమా బాక్సాఫీస్ వ‌ద్ద సూప‌ర్ హిట్ గా నిల‌వ‌డ‌మే కాకుండా మంచి క‌లెక్ష‌న్ల‌ను కూడా అందుకుంది. నార్నే నితిన్, సంగీత్ శోభ‌న్, రామ్ నితిన్ ముఖ్య పాత్ర‌ల్లో తెర‌కెక్కిన ఈ సినిమా పెద్ద‌గా హైప్ లేకుండానే వ‌చ్చి బ్లాక్ బ‌స్ట‌ర్ గా నిలిచింది. దీంతో మేక‌ర్స్ ఈ సినిమాకు సీక్వెల్ గా మ్యాడ్ స్వ్కేర్ ను తీశారు.

మ్యాడ్ ఫ్రాంచైజ్ లో మూడో సినిమాగా మ్యాడ్3

మ్యాడ్ కు సీక్వెల్ గా వ‌చ్చిన మ్యాడ్ స్క్వేర్ కు మిక్డ్స్ రెస్పాన్స్ వ‌చ్చిన‌ప్ప‌టికీ, ఈ మూవీ కూడా క‌మ‌ర్షియ‌ల్ గా మంచి స‌క్సెస్ ను అందుకుంది. మ్యాడ్ సినిమాలో విష్ణు ఓయి క్యారెక్ట‌ర్ బాగా ఎలివేట్ అయింది. ఇంకా చెప్పాలంటే సినిమా మొత్తం ఆ పాత్ర చుట్టూనే తిరుగుతుంది. ల‌డ్డూ మామ క్యారెక్ట‌ర్ లో విష్ణు యాక్టింగ్ కూడా ఆడియ‌న్స్ అంద‌రినీ ఆక‌ట్టుకుంది.

మ్యాడ్ స్క్వేర్ క్లైమాక్స్ లో ఆ సినిమాకు సీక్వెల్ ఉంటుంద‌ని మేక‌ర్స్ ఆల్రెడీ క్లారిటీ ఇచ్చిన సంగ‌తి తెలిసిందే. మ్యాడ్ క్యూబ్ (మ్యాడ్3) టైటిల్ తో రానున్న ఈ మూవీ గురించి విష్ణు రీసెంట్ గా ఇంట్రెస్టింగ్ విష‌యాన్ని వెల్ల‌డించారు. విష్ణు న‌టించిన మిత్ర మండ‌లి మూవీ అక్టోబ‌ర్ 16న రిలీజ్ కానున్న నేప‌థ్యంలో ఆ చిత్ర ప్ర‌మోష‌న్స్ లో మ్యాడ్3 గురించి ఆయ‌న మాట్లాడారు.

మ్యాడ్3 షూటింగ్ మొద‌లు

ఆల్రెడీ మ్యాడ్3 షూటింగ్ మొద‌లైంద‌ని, త్వ‌ర‌లోనే ఈ మూవీకి సంబంధించిన అఫీషియ‌ల్ అప్డేట్ సోష‌ల్ మీడియాలో కూడా రానుందని చెప్పారు. ఆల్రెడీ మ్యాడ్ ఫ్రాంచైజ్ కు ఆడియ‌న్స్ లో మంచి హైప్, క్రేజ్ ఏర్పడ్డాయి. వ‌చ్చే ఏడాది స‌మ్మ‌ర్ టార్గెట్ గా ఈ సినిమా రూపొందుతుంద‌ని, క‌ళ్యాణ్ శంక‌ర్ మ్యాడ్ 3ని మ‌రింత ఎంట‌ర్టైనింగ్ గా తెర‌కెక్కిస్తున్నార‌ని స‌మాచారం. మ్యాడ్, మ్యాడ్2 ను నిర్మించిన సితార ఎంట‌ర్టైన్మెంట్స్ సంస్థ‌లో నాగ‌వంశీనే ఈ సినిమాను కూడా నిర్మిస్తున్నారు. అయితే వార్2 సినిమాతో త‌న కాన్ఫిడెన్స్ ఓవ‌ర్ కాన్ఫిడెన్స్ అయింద‌ని విమ‌ర్శ‌ల పాలైన వంశీ కావాల‌నే ఈ సినిమాను సైలెంట్ గా సెట్స్ పైకి తీసుకెళ్లార‌ని అంటున్నారు.