డైరెక్ట‌ర్ గా విశాల్ స‌క్సెస్ అయిన‌ట్టేనా?

యాక్షన్ హీరోగా తనకంటూ ప్రత్యేకమైన ఇమేజ్‌ను నిర్మించుకున్న విశాల్ ఇప్పుడు డైరెక్ట‌ర్ గా కూడా కొత్త అధ్యాయాన్ని ప్రారంభించడం ఇండస్ట్రీలో ఆసక్తికర చర్చకు దారితీసింది. ఒక నటుడు దర్శకత్వ బాధ్యతలు తీసుకోవడం కొత్త విషయం కాకపోయినా, ఒక సినిమా నిర్మాణ ప్రక్రియలో ఎదురైన పరిస్థితుల మధ్య మెగాఫోన్ పట్టి దానిని పూర్తి చేయడం మాత్రం సాధారణ విషయం కాదు. అదే కారణంగా విశాల్ తాజా ప్రయాణాన్ని చాలామంది ఆయన కెరీర్‌లో కీలక మలుపుగా చూస్తున్నారు.

సినిమా ప్రారంభ దశలో వేరే డైరెక్ట‌ర్ తో ముందుకు సాగిన ప్రాజెక్ట్, అనివార్య కారణాల వల్ల కొత్త దిశలోకి వెళ్లి విశాల్ డైరెక్ట‌ర్ గా బాధ్య‌త‌లు తీసుకోవాల్సిన పరిస్థితి రావ‌డంతో ఆయ‌న డైరెక్ట‌ర్ అవ‌తార‌మెత్తారు. ఇది రిస్క్ తో కూడుకున్న వ్య‌వహార‌మే. ఎందుకంటే యాక్టింగ్, నిర్మాణ సమన్వయం, సాంకేతిక విభాగాల నిర్వహణ, కథనం పర్యవేక్షణ వంటి అనేక అంశాలను ఒకేసారి బ్యాలెన్స్ చేయాల్సి ఉంటుంది. ఈ నేపథ్యంలో విశాల్ తీసుకున్న డెసిష‌న్ కేవలం క్రియేటివ్ అడుగు మాత్రమే కాకుండా, ప్రాజెక్ట్‌ను గమ్యానికి చేర్చాలనే బాధ్యతాయుతమైన నిర్ణయంగా కూడా చూడొచ్చు.

ఈ మార్పులో మరో ముఖ్యమైన అంశం క్రియేటివ్ కంట్రోల్. హీరోగా నటిస్తున్న సినిమాను స్వయంగా డైరెక్ట్ చేయడం ద్వారా కథ, పాత్రల తీరు, యాక్షన్ డిజైన్, ఎమోషనల్ ఎలిమెంట్స్ వంటి అంశాలపై ప్రత్యక్ష నియంత్రణ లభిస్తుంది. ఇటీవలి కాలంలో స్టార్ నటులు తమ సినిమాలపై మరింత క్రియేటివ్ కంట్రోల్ ను కోరుతున్న నేపథ్యంలో విశాల్ డెసిష‌న్ ఆ ధోరణికి దగ్గరగా కనిపిస్తోంది.

ఇది ఒక్క విశాల్‌కే పరిమితమైన పరిణామం కాదు. తమిళ, తెలుగు చిత్ర పరిశ్రమల్లో హీరోలు దర్శకత్వం వైపు అడుగులు వేస్తున్న ట్రెండ్ క్రమంగా బలపడుతోంది. స్టార్ పవర్‌ను కేవలం మార్కెట్ పరిమితుల్లో కాకుండా, కంటెంట్ రూపకల్పనలో కూడా వినియోగించాలనే ఆలోచన పెరుగుతోంది. ప్రేక్షకుల అభిరుచిలో వచ్చిన మార్పు, పాన్ ఇండియా మార్కెట్ ప్రభావం, వ్యక్తిగత కథలను చెప్పాలనే తపన ఈ మార్పుకు ప్రధాన కారణాలుగా కనిపిస్తున్నాయి.

ఈ నేప‌థ్యంలో ఇవాళ ప్రేక్ష‌కుల ముందుకొచ్చిన విశాల్ డైరెక్టోరియ‌ల్ డెబ్యూ మ‌కుటం సినిమాకు మంచి టాక్ వినిపిస్తోంది. డైరెక్ట‌ర్ గా విశాల్ డెబ్యూ అదిరిపోయిందని, ఫ‌స్ట్ షో నుంచే విశాల్ టేకింగ్, స్క్రీన్‌ప్లే, మేకింగ్ ను ఆడియ‌న్స్ ప్ర‌శంసిస్తూ పోస్టులు చేస్తున్నారు. ఈ టాక్ విశాల్ ఫ్యూచ‌ర్ పై ఇంపాక్ట్ చూపే అవ‌కాశాలూ లేక‌పోలేదు. ఇప్ప‌టివ‌ర‌కు హీరోగానే ఉన్న విశాల్, ఇక‌పై కేవలం నటుడిగా కాకుండా, డైరెక్ట‌ర్ గా కూడా ప్రాజెక్టులను రూపొందించే దిశగా ముందుకు వెళ్లొచ్చు. అదే జరిగితే ఇది ఒక సినిమా సక్సెస్ కంటే ఎక్కువగా, విశాల్ కెరీర్‌ను రీ డిఫైన్ చేసే టర్నింగ్ పాయింట్‌గా నిలిచే అవకాశం ఉంది.