విజయ్ ఫ్యామిలీకి గుడ్ న్యూస్?.. సంగీత డివోర్స్ పిటిషన్ వెనక్కి!

తమిళనాడు రాజకీయాల్లో, అలాగే సినీ వర్గాల్లో తీవ్ర చర్చనీయాంశంగా మారిన తమిళనాడు ముఖ్యమంత్రి జోసెఫ్ విజయ్ మరియు ఆయన సతీమణి సంగీతల విడాకుల వ్యవహారంలో ఒక ఆసక్తికరమైన వార్త బయటకు వచ్చింది. గత కొన్ని నెలలుగా కోర్టు పరిధిలో ఉన్న విడాకుల పిటిషన్‌ను సంగీత వెనక్కి తీసుకున్నట్లు ఊహాగానాలు జోరందుకున్నాయి. ఇటీవల ఆయన కుమారుడు విజయ్ గురించి పాజిటివ్‌గా మాట్లాడారు.ఈ పరిణామంతో విజయ్ అభిమానుల్లో సరికొత్త ఆశలు చిగురిస్తున్నాయి. ఈ అంశానికి సంబంధించిన వివరాలు ఇప్పుడు చూద్దాం.

గత ఆరేడు నెలలుగా ముమ్మర చర్చ:

గత ఆరేడు నెలలుగా తమిళనాడు సినీ, రాజకీయ వర్గాల్లో విజయ్ - సంగీతల దాంపత్య జీవితంపై రకరకాల వార్తలు చక్కర్లు కొట్టాయి. ముఖ్యంగా ఎన్నికల సమయానికి ముందు సంగీత విడాకులు కోరుతూ కోర్టును ఆశ్రయించడం అప్పట్లో పెద్ద సంచలనంగా మారింది. ఇక దీంతో వీరి కుటుంబంలో విభేదాలు వచ్చాయని, ఇక వీరిద్దరూ విడిపోవడం ఖాయమనే ప్రచారం ముమ్మరంగా జరిగింది.

కోర్టు కేసు కొట్టివేత ప్రచారం:

ఇక తమిళనాడులోని చెంగల్పట్టు ఫ్యామిలీ కోర్టులో సంగీత దాఖలు చేసిన పిటిషన్‌ను ఆమె తాజాగా ఉపసంహరించుకున్నారనే వార్త వైరల్ అవుతోంది. భర్తపై పెట్టిన పిటిషన్‌ను వాపసు తీసుకుంటున్నట్లు తెలుపడంతో న్యాయస్థానం ఈ విడాకుల కేసును అధికారికంగా కొట్టేసిందని ప్రచారం జరుగుతోంది. దీంతో విజయ్ ఫ్యామిలీకి మరియు ఆయన అభిమానులకు ఇది ఒక రకంగా ఊరట కలిగించే వార్తగానే చెప్పుకోవచ్చు.

27 ఏళ్ల బంధంలో ఊహించని మలుపు:

విజయ్, సంగీత 1999లో వివాహ బంధంతో ఒక్కటయ్యారు. వీరికి ఇద్దరు పిల్లలు ఉన్నారు. సుదీర్ఘంగా 27 ఏళ్ల పాటు ఎంతో అన్యోన్యంగా సాగిన వీరి వైవాహిక జీవితంలో సరిగ్గా విజయ్ రాజకీయ ప్రయాణం ఊపందుకుంటున్న సమయంలో ఈ వివాదం రావడం తీవ్ర చర్చకు దారితీసింది. అయితే ఇప్పుడు మనస్పర్థలు తొలిగిపోయి ఇద్దరి మధ్య రాజీ కుదిరిందని, మళ్లీ కలిసిపోయారని టాక్.

అధికారిక ప్రకటన వచ్చే వరకు వేచి చూడాల్సిందే:

సంగీత తన విడాకుల పిటిషన్‌ను వెనక్కి తీసుకున్నట్లు ప్రచారం జరుగుతున్నప్పటికీ, దీనిపై ఇరువైపుల నుంచి ఎటువంటి అధికారిక ప్రకటన వెలువడలేదు. ప్రస్తుతం ఇవన్నీ మీడియా మరియు సోషల్ మీడియా వర్గాల్లో వస్తున్న ఊహాగానాలు మాత్రమే. కాబట్టి ఈ విషయంలో క్లారిటీ రావాలంటే దంపతుల నుంచి లేదా వారి న్యాయవాదుల నుంచి అధికారిక ప్రకటన వచ్చే వరకు వేచి చూడక తప్పదు.

ఏదేమైనా చాలా కాలంగా సాగుతున్న ఈ విడాకుల వివాదానికి ఎండ్ కార్డ్ పడి, విజయ్ - సంగీతలు మళ్లీ కలిసి ఉంటే అభిమానులకు అంతకంటే గుడ్ న్యూస్ మరొకటి ఉండదు. ఒకవేళ విడాకుల పిటిషన్ ఉపసంహరణ వార్త నిజమే అయితే, విజయ్ కుటుంబంలో మళ్లీ సంతోషాలు వెల్లివిరిసినట్లే. త్వరలోనే ఈ వ్యవహారంపై ఒక స్పష్టత వచ్చే అవకాశం ఉంది.