ఆ ఇద్దరి చేతుల్లో వెంకీ 500 కోట్లు!

టాలీవుడ్ సీనియర్ హీరోలలో విక్టరీ వెంకటేష్ రూటే సెపరేట్. భారీ ప్రయోగాలు చేయడం కంటే, ఆడియన్స్‌కు ఏం కావాలో అదే ఇస్తూ బాక్సాఫీస్ వద్ద సక్సెస్ కొట్టడం ఆయన స్టైల్. ప్రస్తుతం వెంకీ చేతిలో ఉన్న రెండు క్రేజీ ప్రాజెక్టుల లెక్కలు చూస్తుంటే ట్రేడ్ వర్గాలకు కూడా మైండ్ బ్లాక్ అవుతోంది. ఒక్కో సినిమా 250 కోట్ల గ్రాస్ వసూలు చేసే పొటెన్షియల్ ఉన్నవే కావడంతో, ఆ ఇద్దరు దర్శకుల చేతుల్లో వెంకీ మామ ఏకంగా 500 కోట్ల టార్గెట్‌ను ఫిక్స్ చేసినట్లు కనిపిస్తోంది.

మొదటగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో రాబోతున్న 'ఆదర్శ కుటుంబం - AK 47' గురించి చెప్పుకోవాలి. 2026 సమ్మర్‌లో విడుదల కానున్న ఈ సినిమాపై భారీ అంచనాలు ఉన్నాయి. త్రివిక్రమ్ మార్క్ ఫ్యామిలీ ఎమోషన్స్ గనుక పక్కాగా పడితే, ఈ సినిమా బాక్సాఫీస్ వద్ద 'బిగ్ ఫిష్'గా మారి సులభంగా 250 కోట్ల మార్కును టచ్ చేసే అవకాశం ఉంది. జూలై 2026లో ఈ సినిమా థియేటర్లలోకి రాబోతోంది.

ఇక రెండోది 'హిట్ మెషిన్' అనిల్ రావిపూడితో చేయబోయే '#VenkyAnil4'. ఇప్పటికే వీరిద్దరి కాంబోలో వచ్చిన సినిమాలు బాక్సాఫీస్ వద్ద వసూళ్ల వర్షం కురిపించాయి. ముఖ్యంగా గతేడాది వచ్చిన 'సంక్రాంతికి వస్తున్నాం' సినిమా భారీ వసూళ్లు సాధించిన నేపథ్యంలో, ఈ కొత్త మూవీపై క్రేజ్ మామూలుగా లేదు. అనిల్ రావిపూడి ప్రస్తుతం ఫుల్ ఫామ్‌లో ఉండటం ఈ సినిమాకు అతిపెద్ద అడ్వాంటేజ్.

ఈ సినిమాను కూడా పక్కా కమర్షియల్ ఎంటర్టైనర్‌గా ప్లాన్ చేస్తున్నారు. ఫిబ్రవరి మొదటి వారంలో ఇది 'సంక్రాంతికి వస్తున్నాం' సీక్వెలా లేక సరికొత్త కథా అనేది తేలనుంది. 2027 సంక్రాంతి టార్గెట్‌గా వస్తున్న ఈ చిత్రం కూడా మరో 250 కోట్ల గ్రాస్ సాధించే సత్తా ఉన్నదే. అంటే త్రివిక్రమ్, అనిల్ రావిపూడి అనే ఇద్దరు టాప్ డైరెక్టర్ల చేతుల్లో వెంకీ మామ కేవలం రెండేళ్లలో 500 కోట్ల గ్రాస్ కలెక్షన్స్ పై కన్నేశారు. క్లిక్కయితే టోటల్ లెక్క 600 కోట్లను కూడా దాటవచ్చు.

నిజానికి గతంలో వెంకటేష్ నటించిన ఎఫ్ 2, ఎఫ్ 3 వంటి సినిమాలు ఇప్పటికే బాక్సాఫీస్ వద్ద తమ స్టామినాను నిరూపించుకున్నాయి. ఇప్పుడు మార్కెట్ రేంజ్ పెరగడం, టికెట్ ధరలు పెరగడంతో ఈ 500 కోట్ల టార్గెట్ అనేది అసాధ్యమేమీ కాదు. కంటెంట్ గనుక యూత్ కి, ఫ్యామిలీస్ కి కనెక్ట్ అయితే వెంకీ మామ రికార్డులను తిరగరాయడం ఖాయం. ఏదేమైనా విక్టరీ వెంకటేష్ తన కెరీర్ లోనే బిగ్గెస్ట్ ల్యాండ్ మార్క్ ని చేరుకోవడానికి సిద్ధమవుతున్నారు. పక్కా ప్లానింగ్‌తో బ్యాక్ టు బ్యాక్ భారీ ప్రాజెక్టులను లైన్‌లో పెట్టడం వెంకీ మామ విజన్‌కు నిదర్శనం. మరి 2026 సమ్మర్ నుండి 2027 సంక్రాంతి వరకు ఈ 500 కోట్ల వేట ఎలా సాగుతుందో వేచి చూడాలి.