బుక్ మై షోలో ట్రెండింగ్.. లెక్క పెంచుకుంటున్న కనకరాజు

వరుణ్ తేజ్ హీరోగా నటించిన లేటెస్ట్ మూవీ కొరియన్ కనకరాజు థియేటర్లలోకి రావడానికి ఇంకా ఎంతో టైమ్ లేదు. ఈ సినిమా రేపే అఫీషియల్ గా రిలీజ్ కాబోతుండటంతో ఆడియన్స్ లో మంచి బజ్ క్రియేట్ అవుతోంది. ఈ బజ్ ని దృష్టిలో పెట్టుకుని మేకర్స్ ఈరోజు సాయంత్రం నుంచే స్పెషల్ ప్రీమియర్స్ ప్లాన్ చేశారు. ఇంకొన్ని గంటల్లోనే ఈ సినిమాకు సంబంధించిన ఫస్ట్ పబ్లిక్ టాక్ బయటకు రానుంది.

ప్రస్తుతం ఆన్లైన్ టికెట్ బుకింగ్స్ లో ఈ సినిమా సూపర్ ఫాస్ట్ గా దూసుకుపోతోంది. బుక్ మై షో యాప్ ఓపెన్ చేస్తే ఎక్కడ చూసినా ఈ సినిమా పేరే గట్టిగా ట్రెండ్ అవుతోంది. ఎంటర్టైన్మెంట్ కు స్కోప్ ఉన్న కాన్సెప్ట్ కావడంతో జనాలు అడ్వాన్స్ బుకింగ్స్ చేసుకోవడానికి బాగా ఇంట్రెస్ట్ చూపిస్తున్నారు. మెయిన్ సెంటర్స్ లో బుకింగ్స్ అన్నీ ఆల్మోస్ట్ ఫుల్ అయిపోవడం విశేషం.

గతంలో గద్దలకొండ గణేష్ సినిమా రిలీజ్ టైమ్ లో వరుణ్ మూవీకి ఈ రేంజ్ లో బజ్ కనిపించింది. ఆ టైమ్ లో కూడా బుకింగ్స్ ఓపెనింగ్స్ చాలా స్ట్రాంగ్ గా ఉన్నాయి. మళ్లీ ఇన్నాళ్లకు బుక్ మై షో లాంటి ప్లాట్ ఫామ్స్ లో ఆయన సినిమా ఒకటి ఇంతలా ట్రెండింగ్ అవ్వడం అందరినీ ఆకర్షిస్తోంది. చాలా కాలం తర్వాత ఒక మోస్తరు సినిమాకి ఈ స్థాయి అడ్వాన్స్ బుకింగ్స్ జరగడం ట్రేడ్ వర్గాలకు కూడా పాజిటివ్ వైబ్స్ ఇస్తోంది.

ముందుగా కేవలం కొన్ని ఎంపిక చేసిన థియేటర్లలో మాత్రమే ఈరోజు అడ్వాన్స్ ప్రీమియర్ షోలు వేయాలని టీమ్ ప్లాన్ చేసుకుంది. ఆ ఉద్దేశ్యంతోనే బుకింగ్స్ ఓపెన్ చేయగా నిమిషాల్లోనే టికెట్స్ అన్నీ సోల్డ్ అవుట్ అయిపోయాయి. ఈ స్థాయిలో డిమాండ్ ఉంటుందని బహుశా మేకర్స్ సైతం ఊహించి ఉండరు. ఆడియన్స్ నుంచి వస్తున్న రెస్పాన్స్ చూసి డిస్ట్రిబ్యూటర్లు వెంటనే అలర్ట్ అయ్యారు.

పబ్లిక్ నుంచి డిమాండ్ ఉండటంతో రెండు తెలుగు రాష్ట్రాల్లో ప్రీమియర్స్ కోసం చాలా కొత్త స్క్రీన్స్ యాడ్ చేశారు. ఆంధ్రప్రదేశ్, తెలంగాణలోని దాదాపు అన్ని ప్రధాన కేంద్రాల్లో ఈరోజు స్పెషల్ షోలు పడుతున్నాయి. ఏమాత్రం గ్యాప్ లేకుండా కొత్తగా పెంచిన స్క్రీన్స్ కూడా వెంటనే ఫుల్ అయిపోతున్నాయి. దీంతో సినిమాపై జనాలు పెట్టుకున్న అంచనాలు మామూలుగా లేవని అర్థమవుతుంది.

తన గత సినిమాల రిజల్ట్స్ ఎలా ఉన్నా ఈసారి మాత్రం వరుణ్ తేజ్ బాక్సాఫీస్ దగ్గర ఒక సాలిడ్ కమ్ బ్యాక్ ఇచ్చేలా క్లియర్ గా అర్థం అవుతోంది. కంప్లీట్ హారర్ కామెడీ ఎంటర్టైనర్ గా వస్తున్న ఈ కథ జనాలను థియేటర్లలో హాయిగా నవ్విస్తుందని మేకర్స్ భావిస్తున్నారు. ఈ రోజు సాయంత్రం పడబోయే ప్రీమియర్స్ తో ఈ కొరియన్ కనకరాజు బాక్సాఫీస్ టార్గెట్ ఏంటో పూర్తిగా తేలిపోతుంది.