రాఖీ స్పెషల్.. అన్నాచెల్లెళ్ల బంధాన్ని గుర్తు చేసే 10 సినిమాలు

తెలుగు సినిమాలో అన్నాచెల్లెళ్ల సెంటిమెంట్‌కు ఒకప్పుడు మంచి డిమాండ్ ఉండేది. హీరో ఎంత మాస్‌గా ఉన్నా చెల్లెలి దగ్గరకు వచ్చేసరికి కథ మొత్తం మరోలా ఉండేది. ఆమెకు సమస్య వస్తే అన్న పోరాటం మొదలయ్యేది. ఈ ఫార్ములాతో వచ్చిన సినిమాల్లో కొన్ని కమర్షియల్‌గా కూడా మంచి విజయాలు సాధించాయి. రాఖీ రోజు కావడంతో అలాంటి సినిమాల్లో ఇప్పటికీ గుర్తుండిపోయే వాటిని ఒకసారి చూసేయొచ్చు.

రాఖీ.. హిట్లర్

ఎన్టీఆర్ రాఖీ ఈ లిస్ట్‌లో ముందే ఉంటుంది. టైటిల్ నుంచి కథ వరకు అన్నాచెల్లెళ్ల బంధమే నడుస్తుంది. చెల్లెలికి జరిగిన అన్యాయం తర్వాత అన్నగా ఎన్టీఆర్ తీసుకునే నిర్ణయాల చుట్టూ సినిమా వెళ్తుంది. చిరంజీవి హిట్లర్‌లో మాత్రం ఒక్క చెల్లెలు కాదు, ఐదుగురు చెల్లెళ్లకు అన్నగా కనిపించాడు. వాళ్ల విషయంలో కఠినంగా ఉంటూనే, వాళ్ల కోసం ఎంతదూరమైనా వెళ్లే పాత్ర అది.

పవన్.. మహేష్

పవన్ కళ్యాణ్ అన్నవరం కూడా ఇదే సెంటిమెంట్‌తో వచ్చింది. చెల్లెలి జీవితంలో ఎదురైన సమస్యల తర్వాత అన్న ఎలా మారాడన్నదే కథ. మహేష్ బాబు అర్జున్‌లో కూడా సిస్టర్ కు పెళ్లే కథను మరో మలుపు తిప్పుతుంది. ఆమెకు ప్రమాదం ఉందని తెలిసిన తర్వాత మహేష్ చేసే పోరాటం సినిమాకు హైలెట్.

ఎమోషనల్ మూవీస్

పుట్టింటికి రా చెల్లి ఈ జానర్‌లో మరింత ఎమోషనల్‌గా వెళ్లిన సినిమా. అర్జున్, మధుమిత అన్నాచెల్లెళ్లుగా నటించారు. రాజశేఖర్ గోరింటాకులో కూడా చెల్లెలి బంధానికి పెద్ద స్థానం ఉంటుంది. ఇక నువ్వొస్తానంటే నేనొద్దంటానాలో ప్రేమకథ ప్రధానంగా ఉన్నా, త్రిషకు అన్నగా శ్రీహరి చేసిన శివరామకృష్ణ పాత్రను మాత్రం మర్చిపోలేం. చెల్లెలిని కష్టపడి పెంచిన అన్నగా ఆ పాత్ర సినిమాకు మంచి బలం ఇచ్చింది. శివరామరాజు కూడా ఈ లిస్ట్‌లో మిస్ చేయలేం. ముగ్గురు అన్నదమ్ములకు చెల్లెలంటే ఎంత ప్రేమో సినిమా మొదటి నుంచే కనిపిస్తుంది. ఆమె కోసం ఏదైనా వదులుకోవడానికి సిద్ధంగా ఉంటారు. ఆ ఎమోషన్ బాగా హైలెట్ అయ్యింది.

ఇంకాస్త వెనక్కి వెళ్తే రక్త సంబంధం పేరు తప్పకుండా వస్తుంది. ఎన్టీఆర్, సావిత్రి అన్నాచెల్లెళ్లుగా నటించిన ఈ సినిమా అప్పటి తరంలో ఈ బంధాన్ని బలంగా చూపించింది. బంగారు గాజులు కూడా అదే తరహాలో గుర్తుండిపోయింది. పల్నాటి పౌరుషం లాంటి సినిమాల్లో కుటుంబ బంధాలు, అన్నాచెల్లెళ్ల అనుబంధానికి మంచి స్థానం దక్కింది. కాలం మారేకొద్దీ ఇలాంటి కథలు తగ్గినా, ఆ సెంటిమెంట్ మాత్రం పూర్తిగా తెలుగు సినిమా నుంచి వెళ్లిపోలేదు.

రాఖీ స్పెషల్ టాప్ 10

1. రాఖీ

2. హిట్లర్

3. అన్నవరం

4. అర్జున్

5. పుట్టింటికి రా చెల్లి

6. గోరింటాకు

7. నువ్వొస్తానంటే నేనొద్దంటానా

8. రక్త సంబంధం

9. బంగారు గాజులు

10. పల్నాటి పౌరుషం