రొమాన్స్ లో కొత్త కోణం వెత‌కాల్సిందే!

కమర్షియల్ సినిమాలలో రొమాన్స్ అనేది ఎప్పుడూ కీలకమైన అంశమే. అయితే దశాబ్దాలుగా తెరపై హీరో-హీరోయిన్ల మధ్య వచ్చే రొమాంటిక్ సన్నివేశాల తీరుతెన్నులు దాదాపు ఒకేలా సాగుతున్నాయి. ఒకరినొకరు అర్థం చేసుకోవడం, ప్రేమ పాటలు, పెదవి ముద్దులు , బికినీ వేషధారణలు, బెడ్‌రూమ్ సన్నివేశాలు వంటి రొటీన్ ఫార్ములాలను ప్రేక్షకులు ఎన్నోసార్లు చూసేశారు. నేటి ఆధునిక కాలంలో ప్రేక్షకుల అభిరుచులు వేగంగా మారుతున్న నేపథ్యంలో ఇకపై పాత పద్ధతుల్లో రొమాన్స్‌ను పండించడం సాధ్యం కాదనే చర్చ జోరుగా సాగుతోంది.

నవతరం మేకర్స్ రొమాన్స్‌ను కొత్త కోణంలో చూపించాల్సిన సమయం ఆసన్నమైంది. కేవలం గ్లామర్ ఒలికించడం, శారీరక సాన్నిహిత్యాన్ని హైలైట్ చేయడం మించి పాత్రల మధ్య మానసిక బంధాన్ని, భావోద్వేగాల లోతును ఆవిష్కరించాల్సిన అవసరం ఉంది. నేటి తరానికి చెందిన యువ ప్రేక్షకులు రొటీన్ డ్యూయెట్లు, రొమాంటిక్ క్లిషేల కంటే సున్నితమైన భావోద్వేగాలు, సహజమైన ప్రేమ ప్రయాణాలకే ఎక్కువ ప్రాధాన్యత ఇస్తున్నారు. దీంతో దర్శకులు సంప్రదాయ హద్దులను దాటి సరికొత్త ఆలోచనలతో రొమాంటిక్ డ్రామాలను తెరకెక్కించాల్సిన తరుణం వచ్చింది.

రొమాన్స్‌ను ఎంత కొత్తగా? ఆసక్తికరంగా తెరపై ఆవిష్కరిస్తే సినిమా అంత గొప్ప విజయాన్ని అందుకునే అవకాశాలు ఉంటాయి. ఇటీవల కాలంలో కొన్ని చిన్న చిత్రాలు, ప్రయోగాత్మక సినిమాలు పెద్దగా హంగులు లేకపోయినా? కేవలం కొత్త తరహా లవ్ స్టోరీలతో బాక్సాఫీస్ వద్ద అద్భుతాలు సృష్టిస్తున్నాయి. దీనిని బట్టి ప్రేక్షకులు ఇప్పుడు రొమాంటిక్ సన్నివేశాల మోతాదు కంటే ఆ జంట మధ్య ఉన్న కెమిస్ట్రీ, వారి ప్రవర్తనలో ఉండే సహజత్వానికే ఎక్కువ కనెక్ట్ అవుతున్నారని స్పష్టమవుతోంది.

ప్రేమంటే ఆకర్షణ మాత్రమే కాదని జీవితంలోని ఒడిదుడుకుల్లో ఒకరికి ఒకరు తోడుగా నిలబడే విధానం అని చూపించినప్పుడే ఆ కథకు జీవం వస్తుంది. రొమాన్స్ అనే పదానికి కొత్త అర్ధాన్ని వెతికే ప్రయత్నం మేకర్స్ వైపు నుంచి జరగాలి. నేటి డిజిటల్ యుగంలో సోషల్ మీడియా ప్రభావం వల్ల యువత ఆలోచనా విధానం చాలా మారింది. వారి రిలేషన్‌షిప్ గోల్స్, భావోద్వేగాలను వెండితెరపైకి అచ్చంగా తీసుకురావడంలోనే దర్శకుల ప్రతిభ దాగి ఉంది.

ఈ నేపథ్యంలో సీనియర్ మేకర్స్ నుండి యంగ్ అండ్ డైనమిక్ డైరెక్టర్ల వరకు అందరూ రొమాంటిక్ జోనర్‌ను కొత్త కోణంలో అన్వేషిస్తున్నారు. అనవసరమైన శారీరక సాన్నిహిత్యాల కంటే చూపులతో, మౌనంతో, చిన్న చిన్న హావభావాలతో ప్రేమను పండించే కళకు మళ్లీ ఆదరణ పెరుగుతోంది. బోల్డ్ కంటెంట్ ఉన్నా? అందులో బలమైన భావోద్వేగం ఉన్నప్పుడే అది ప్రేక్షకులను కదిలిస్తుంది.

అంతిమంగా రొమాన్స్ అనే సబ్జెక్ట్‌కు ఎప్పటికీ ఎండ్‌కార్డ్ ఉండదు. కాకపోతే దాన్ని చూపించే విధానం మారాలి. పాత కాలపు రొటీన్ చిలిపి చేష్టలు.. రొమాంటిక్ ఫార్ములాలకు స్వస్తి పలికి నేటి తరానికి సరిపడే సరికొత్త లవ్ ఎక్స్‌పీరియన్స్‌ను అందిస్తేనే సినిమాలు విజువల్ వండర్స్‌గా నిలుస్తాయి. రొమాన్స్‌లో కొత్త కోణాలను ఆవిష్కరించిన దర్శకులే భవిష్యత్తు ఇండస్ట్రీలో ట్రెండ్‌సెట్టర్లుగా నిలుస్తాయి.