ఫ్యాన్స్ 'అతి' ప్రేమపై సమంత, నిధి రియాక్షన్.. ఏమన్నారంటే..

స్టార్ హీరోయిన్లు పబ్లిక్ లోకి వచ్చినప్పుడు ఫ్యాన్స్ ఎగబడటం, తోపులాట జరగడం ఈ మధ్య కామన్ అయిపోయింది. రీసెంట్ గా జరిగిన రెండు వేర్వేరు ఘటనల్లో స్టార్ హీరోయిన్లు సమంత, నిధి అగర్వాల్ ఇలాంటి పరిస్థితులనే ఎదుర్కొన్నారు. అయితే ఇద్దరూ కూడా ఫ్యాన్స్ విషయంలో చాలా మెచ్యూర్డ్ గా ఆలోచించి, వారిపై కోప్పడకుండా చాలా పాజిటివ్ గా రియాక్ట్ అవ్వడం ఇప్పుడు ఇండస్ట్రీలో హాట్ టాపిక్ గా మారింది.

ముందుగా సమంత వివరాల్లోకి వెళితే.. హైదరాబాద్ లో ఆమెను ఫ్యాన్స్ చుట్టుముట్టిన వీడియో సోషల్ మీడియాలో బాగా వైరల్ అయ్యింది. ఆమె సేఫ్టీ గురించి అందరూ కంగారు పడ్డారు. కానీ సమంత మాత్రం ఇందులో పానిక్ అవ్వాల్సిన అవసరం లేదని, ఫ్యాన్స్ కేవలం హలో చెప్పడానికి, ఫోటోల కోసమే వస్తారు తప్ప హాని చేయరని చాలా కూల్ గా క్లారిటీ ఇచ్చారు. తనకు హైదరాబాద్, ముంబైలో పూర్తి రక్షణ ఉందని ఆమె చెప్పుకొచ్చారు.

ఇదే సమయంలో సమంత 2025 గురించి చెప్పిన విషయాలు మాత్రం సెన్సేషనల్ గా ఉన్నాయి. ఈ వీడియో నేపధ్యంలో మాట్లాడుతూనే.. 2025 తన జీవితాన్ని మార్చేసిందని, ముఖ్యంగా తాను పెళ్లి చేసుకున్నానని మరో క్లారిటీ ఇచ్చారు. ఇది తన లైఫ్ లో జరిగిన బెస్ట్ థింగ్ అని, అలాగే నిర్మాతగా మారి సొంత సినిమా తీయడం కూడా తనను కొత్త మనిషిగా మార్చిందని ఆమె ఆసక్తికర వ్యాఖ్యలు చేశారు.

మరోవైపు 'రాజా సాబ్' బ్యూటీ నిధి అగర్వాల్ పరిస్థితి కూడా దాదాపు ఇలాగే ఉంది. ఆమె రీసెంట్ గా బయటకు వచ్చినప్పుడు ఫ్యాన్స్ కొంచెం అతిగా ప్రవర్తించారు. ఆ తోపులాటలో ఆమె చాలా ఇబ్బంది పడినట్లు, ఫ్యాన్స్ బ్రూటల్ బిహేవియర్ పట్ల అన్ ఈజీగా ఫీల్ అయినట్లు తెలిసింది. ఆ వీడియోలు చూసిన వారు ఎవరైనా సరే, ఆ పరిస్థితిలో కచ్చితంగా సీరియస్ అవుతారు.

అయితే నిధి అగర్వాల్ మాత్రం ఆశ్చర్యకరమైన నిర్ణయం తీసుకున్నారు. తనను ఫ్యాన్స్ అంత ఇబ్బంది పెట్టినా సరే, వారిపై కేసు పెట్టడానికి లేదా పోలీసులకు కంప్లైంట్ ఇవ్వడానికి ఆమె నిరాకరించారు. వారిది అభిమానమే తప్ప, ఉద్దేశపూర్వకంగా చేసింది కాదని భావించి ఆమె ఫిర్యాదు చేయడానికి ఒప్పుకోలేదట. జరిగిన దాన్ని వదిలేయడం ఆమె సహనానికి నిదర్శనం.

అటు సమంత, ఇటు నిధి.. ఇద్దరూ కూడా అభిమానుల అత్యుత్సాహాన్ని మంచి మనసుతో సీరియస్ కాకుండా సింపుల్ గా వదిలేశారు. సమంత ఏకంగా తనకు ఎలాంటి భయం లేదని చెప్పగా, నిధి ఏకంగా కంప్లైంట్ వద్దని చెప్పి పెద్ద మనసు చాటుకున్నారు. స్టార్స్ ఇంత ఓపికగా ఉన్నప్పుడు, ఫ్యాన్స్ కూడా వారి పర్సనల్ స్పేస్ ని గౌరవిస్తే బాగుంటుందని నెటిజన్లు అభిప్రాయపడుతున్నారు.