కంటెంట్ సినిమాలతో కళకళలాడుతున్న ఎగ్జిబిటర్ల లోగిళ్లు!

సంక్రాంతి పండుగ హడావుడి ముగిశాక ఏడాది టాలీవుడ్ బాక్సాఫీస్ కొంతకాలం పాటు చప్పగా సాగింది. తొలి ఆరు నెలల్లో చెప్పుకోదగ్గ విజయాలు లేకపోవడంతో నిర్మాతలు, ఎగ్జిబిటర్లు ఆర్థిక ఇబ్బందులను ఎదుర్కొన్నారు. థియేటర్లలో జనాలు లేక సింగిల్ స్క్రీన్లు బోసిపోయి కనిపించడంతో? కనీసం కరెంట్ బిల్లులు కట్టడం కూడా కష్టంగా మారిందని థియేటర్ యజమానులు ఆవేదన వ్యక్తం చేసేవారు. బాక్సాఫీస్ పుంజుకుంటుందా? లేదా? అనే సందిగ్ధత ఇండస్ట్రీలో నెలకొంది. కానీ ఇప్పుడు సీన్ పూర్తిగా మారిపోతుంది.

భారీ హంగులు, పెద్ద స్టార్‌డమ్‌లతో పనిలేకుండా బలమైన కథ, సరికొత్త కంటెంట్‌తో వస్తున్న చిన్న సినిమాలు బాక్సాఫీస్ వద్ద రికార్డులు బద్దలు కొడుతున్నాయి. ఈ సక్సెస్‌లతో ఎగ్జిబిటర్లు ఊపిరి పీల్చుకోవడమే కాకుండా పోగొట్టుకున్న డబ్బును మళ్లీ వెనక్కి తెచ్చుకుంటున్నారు. సినిమా హాళ్లు మళ్లీ కళకళలాడుతుండటంతో ట్రేడ్ వర్గాల్లో కొత్త జోష్ వచ్చింది. ప్రేక్షకుల నాడి పూర్తిగా మారిపోతుంద‌ని ఇప్పుడిప్పుడే మేకర్స్‌కు అర్థమవుతోంది. కేవలం హీరోల క్రేజ్‌ను నమ్ముకుంటే సరిపోదని పకడ్బందీ స్క్రిప్ట్ ఉంటేనే ఆడియన్స్ థియేటర్లకు వస్తున్నారని నమ్ముతున్నారు.

మౌత్ టాక్ పాజిటివ్‌గా వస్తుండటంతో వీకెండ్స్ అనే తేడా లేకుండా సోమవారం నుంచి శుక్రవారం వరకు కూడా హౌస్‌ఫుల్ బోర్డులు దర్శనమిస్తున్నాయి. ఈ పరిణామం వల్ల ఎగ్జిబిటర్లకు రోజూవారీ కలెక్షన్ల బెడద తప్పింది. మల్టీప్లెక్స్‌లతో పాటు బీ, సీ సెంటర్లలోని సింగిల్ స్క్రీన్ల యజమానులు కూడా సంతోషంగా ఉన్నారు. సరికొత్త పద్ధతుల్లో చేస్తున్న ప్రమోషన్లు కూడా ప్రేక్షకులను థియేటర్ల వైపు పరుగులు పెట్టించేలా చేస్తున్నాయి.

ఈ ట్రెండ్ చూశాక టాలీవుడ్ నిర్మాతల ఆలోచనా విధానంలోనూ స్పష్టమైన మార్పు వచ్చింది. కేవలం వందల కోట్ల బడ్జెట్ సినిమాలే కాకుండా వైవిధ్యమైన కంటెంట్ ఉన్న చిన్న సినిమాలను ప్రొడ్యూస్ చేయడానికి నిర్మాతలు ముందుకొస్తున్నారు. ప్రేక్షకులను సీట్లలో కూర్చోబెట్టాలంటే బలమైన ఎమోషన్స్, కడుపుబ్బా నవ్వించే వినోదం ఉంటే చాలని మరోసారి రుజువైంది. ఆరంభంలో ఎదురైన నిరాశను పక్కన పెట్టి కంటెంట్ సినిమాల ద్వారా ఎగ్జిబిటర్లు, నిర్మాతలు మళ్లీ ఇండస్ట్రీని గాడిలో పెడుతున్నారు. ఇదే ఊపు రాబోయే నెలల్లోనూ కొనసాగితే బాక్సాఫీస్ వద్ద కాసుల వర్షం ఆగదు. రాబోయే పండుగ సీజన్లలోనూ ఇలాంటి వైవిధ్యమైన చిత్రాలే వస్తాయని ప్రేక్ష‌కులంతా ఆశీస్తున్నారు.

కంటెంట్ చిత్రాల విజయాల పరంపర టాలీవుడ్‌కే పరిమితం కాకుండా ఇతర భాషల పరిశ్రమలపై కూడా బలమైన ప్రభావాన్ని చూపుతోంది. మంచి కథ ఉంటే భాషతో సంబంధం లేకుండా తెలుగు ప్రేక్షకులు ఎప్పుడూ బ్రహ్మరథం పడతారని మరోసారి రుజువైంది. చిన్న సినిమాలకు వస్తున్న ఆదరణ చూసి ఇతర ఇండస్ట్రీల నిర్మాతలు కూడా తెలుగు నటీనటులు , దర్శకులతో కలిసి పనిచేయడానికి ముందుకొస్తున్నారు. ఇది తెలుగు చలనచిత్ర పరిశ్రమ పరిధిని మరింత విస్తృతం చేస్తోంది.

భవిష్యత్తులో ఈ ట్రెండ్ మరింత బలపడి కొత్త దర్శకులకు, యువ నటీనటులకు మరిన్ని అవకాశాలు లభించడం ఖాయం. లాభాల గురించే కాకుండా? ప్రేక్షకులకు మంచి సినిమా అనుభూతిని పంచాలనే తపనతో మేకర్స్ అడుగులు వేస్తున్నారు. ఈ సానుకూల పరిణామాలు టాలీవుడ్‌ను మరింత ఉన్నత స్థాయికి తీసుకెళ్లడంలో కీలక పాత్ర పోషిస్తాయనడంలో ఎలాంటి సందేహం లేదు.