“ది ఇండియా స్టోరీ”… దేశం మొత్తం వినాల్సిన అసలు కథ ఇదే!

మనం ప్రతిరోజూ ఎంతో ఇష్టంగా తినే ఆహారంలోనే విషం వుందా ? పంటలు పండించేందుకు వాడుతున్న రసాయనాలు మన పిల్లల భవిష్యత్తును బుగ్గి పాలు చేస్తున్నాయా? ఈ నగ్న సత్యాన్ని కళ్లకు కడుతూ టాలీవుడ్ చందమామ కాజల్ అగర్వాల్, బాలీవుడ్ వెర్సటైల్ యాక్టర్ శ్రేయాస్ తల్పడే ప్రధాన పాత్రల్లో నటిస్తున్న లేటెస్ట్ మూవీ ‘ది ఇండియా స్టోరీ: స్లో పాయిజన్ ఇన్ ప్రోగ్రెస్’. తాజాగా విడుదలైన ఈ సినిమా హార్డ్ హిట్టింగ్ ప్రమోషనల్ వీడియో ఇప్పుడు ఇండస్ట్రీతో పాటు ప్రేక్షకుల్లోనూ తీవ్ర సంచలనం సృష్టిస్తోంది. జూలై 24 న థియేటర్లలోకి రాబోతున్న ఈ సినిమా విశేషాలు ఇప్పుడు చూద్దాం..

నిద్ర లేకుండా చేసే చేదు నిజం:

తాజా ప్రమోషనల్ వీడియోలో శ్రేయాస్ తల్పడే మాట్లాడుతూ.. "మీరు రోజు రాత్రి హ్యాపీగా భోజనం చేసి పడుకున్నారు గా.. కానీ మాకు మాత్రం నిద్ర పట్టలేదు. ఈ మూవీ చూస్తే మీకు కూడా అస్సలు నిద్ర పట్టదు" అంటూ సినిమా ఏ రేంజ్‌లో ఉండబోతోందో హింట్ ఇచ్చారు. మన రోజువారీ ఆహారంలో జరుగుతున్న కల్తీ, వ్యవసాయంలో వాడుతున్న పురుగుమందుల వెనుక ఉన్న భయంకరమైన నిజాలను ఈ సినిమా చూపించబోతోంది. నటి కాజల్ అగర్వాల్ సైతం మాట్లాడుతూ.. "నాకు చాలా భయం వేసింది. మనం తినే ఆహారం సేఫ్ అనుకుంటాం కానీ కాదు. ఆర్గానిక్ ఫుడ్ తీసుకోవాలని ఈ మూవీ తీశాకే తెలిసింది" అని షాకింగ్ విషయాలు పంచుకున్నారు.

గుండెల్ని పిండేసే ఎమోషనల్ కథ:

ఈ సినిమా కథ ఇటీవల వదిలిన టీజర్ లోనే చెప్పేసారు. ఇక పురుగుమందుల విషపూరిత ప్రభావం వల్ల తన ఏడేళ్ల చిన్నారి కూతురిని క్యాన్సర్‌తో కోల్పోయిన ఒక సాధారణ మధ్యతరగతి తండ్రి చుట్టూ తిరుగుతుంది. కూతురిని కోల్పోయిన ఆ తండ్రి ఆవేదన, ఆ తర్వాత ఒక నిజాయితీ గల లాయర్ కాజల్ అగర్వాల్ సాయంతో ఆహారంలో రసాయనాలు కలిపే ఆ కార్పొరేట్ కంపెనీలపై చట్టపరమైన పోరాటం చేయడం ఈ కథలోని ప్రధానాంశం. ఇక ఈ సోషల్ థ్రిల్లర్ మూవీని చేతన్ డి.కె డైరెక్ట్ చేయగా.. సాగర్ బి. షిండే కథ, స్క్రీన్‌ప్లే అందిస్తూ నిర్మించారు. జీ స్టూడియోస్ ఈ క్రేజీ ప్రాజెక్ట్‌ను నిర్మిస్తుంది.

ప్రతి ఒక్కరూ చూడాల్సిన సినిమా:

హిందుస్తాన్‌లోని ప్రతి ఇంటి కథగా తెరకెక్కిన ‘ది ఇండియా స్టోరీ’ జూలై 24న ప్రపంచవ్యాప్తంగా గ్రాండ్‌గా రిలీజ్ కానుంది. హిందీతో పాటు తెలుగు, తమిళ భాషల్లో కూడా ఒకేసారి ఈ చిత్రాన్ని రిలీజ్ చేస్తున్నారు. ఇక కేవలం కమర్షియల్ హంగుల కోసమే కాకుండా.. సమాజంలో తరచూ మన దృష్టికి రాని ఒక కీలక సమస్యను, మన పిల్లల ప్రాణాలతో ముడిపడి ఉన్న భయంకర సత్యాన్ని చూపించబోతున్న ఈ సినిమాను ప్రతి ఒక్కరూ తప్పకుండా చూడాల్సిన అవసరం ఎంతైనా ఉంది.