టాలీవుడ్‌లో ఊపందుకున్న కోరమీసాల మాస్ ట్రెండ్!

టాలీవుడ్‌లో ఎక్కడ చూసినా ఒకే ఒక్క మాస్ ట్రెండ్ నడుస్తోంది. అదే కోరమీసాల లుక్! గతంలో ఎప్పుడూ లేని విధంగా టాలీవుడ్ హీరోలంతా ఇప్పుడు ఆన్‌స్క్రీన్ ప్రెజెన్స్‌ను మరింత పవర్‌ఫుల్‌గా, రగ్డ్‌గా చూపించేందుకు ఈ ప్రత్యేకమైన గెటప్ వైపు మొగ్గు చూపుతున్నారు. కేవలం స్టైల్ స్టేట్‌మెంట్‌లా కాకుండా.. సినిమాలోని పాత్ర తీవ్రతను.. ఊరమాస్ మాడ్యులేషన్‌ను ఎలివేట్ చేయడానికి కోరమీసాల ట్రెండ్ ప్రధాన అస్త్రంగా మారుతోంది.

తెలుగు తెరపై వింటేజ్ మాస్ వైబ్స్ మళ్లీ ఊపందుకుంటున్న తరుణంలో దర్శకులు ఈ లుక్‌కు అధిక ప్రాధాన్యత ఇస్తున్నారు. పల్లెటూరి నేపథ్యంలో సాగే కథలైనా? రాయలసీమ లేదా తెలంగాణ యాసతో కూడిన ఊరమాస్ యాక్షన్ డ్రామాలైనా.. హీరోల ముఖంపై కనిపించే కోరమీసం ఆ సినిమాపై అంచనాలను ఒక్కసారిగా పెంచేస్తోంది. ఫస్ట్ లుక్ పోస్టర్లు విడుదలైన క్షణం నుంచే ఈ గెటప్ సోషల్ మీడియాలో ట్రెండింగ్‌గా మారుతుండటం విశేషం.

టాలీవుడ్‌లోని స్టార్ హీరోల నుంచి యువ నటుల వరకు అంతా రాబోయే చిత్రాల కోసం కోరమీసాల మేకోవర్‌ను ఆశ్రయిస్తున్నారు. మీసాలను మెలి తిప్పడం మాత్రమే కాకుండా దానికి తగినట్లుగా రగ్డ్ బాడీ లాంగ్వేజ్, ఫైర్ ఐస్‌తో కూడిన లుక్ ప్రేక్షకులకు సరికొత్త థ్రిల్‌ను పంచుతోంది. థియేటర్లలో ఈ గెటప్‌లో హీరో ఎంట్రీ ఇస్తుంటే పడే ఈలలు.. చప్పట్లు బాక్సాఫీస్ వద్ద పూనకాలు తెప్పిస్తున్నాయి.

ఈ మాస్ ట్రెండ్ వెనుక గ్లామర్ మాత్రమే కాకుండా బలమైన క్యారెక్టరైజేషన్ దాగి ఉంది. హీరోల పాత్రల్లోని పవర్‌ను, ఆవేశాన్ని.. గంభీరతను మాటల ద్వారానే కాకుండా వారి రూపం ద్వారానే బలంగా చెప్పడానికి దర్శకులు ఈ లుక్‌ను వాడుకుంటున్నారు. విలన్ల భరతం పట్టే సీన్లలో కోరమీసాల గెటప్ హీరోల ఎలివేషన్స్‌ను నెక్స్ట్ లెవెల్‌కు తీసుకువెళ్తోంది.

టెక్నికల్ గా చూస్తే సినిమాటోగ్రఫీ .. బ్యాక్‌గ్రౌండ్ మ్యూజిక్ కోరమీసాల మాస్ ట్రెండ్‌కు మరింత ప్రాణం పోస్తున్నాయి. కెమెరా కోణాలు హీరోల మీసాల మలుపును.. వారి సీరియస్ లుక్‌ను హైలైట్ చేసేలా ఉండటంతో పాటు దానికి తగిన ఆర్ఆర్ తగిలితే ఆ థియేటర్లలో విజిల్స్ మోత మోగిపోవాల్సిందే. సంగీత దర్శకులు కూడా ఇలాంటి మాస్ రోల్స్ కోసం ప్రత్యేకమైన బీట్స్‌ను కంపోజ్ చేస్తున్నారు.

టాలీవుడ్‌లో ప్రత్యామ్నాయ స్టైల్స్ ఎన్ని వస్తున్నా? నేటికీ సిసలైన నాటు మాస్ ట్రెండ్‌ను నిలబెట్టడంలో ఈ కోరమీ సాల లుక్ ఎప్పుడూ ముందే ఉంటుందని రుజువవుతోంది. టాలీవుడ్ లో కొత్త ఊపు తెచ్చిన ఈ మాస్ మేనియా భ‌విష్య‌త్ లో బాక్సాఫీస్ వద్ద మరిన్ని సంచలన రికార్డులను సృష్టించడం ఖాయంగా కనిపిస్తుంది.