కూతురి దర్శకత్వంలో బాలయ్య కొత్త సినిమా.. ఘనంగా పూజా కార్యక్రమం!
టాలీవుడ్ గాడ్ ఆఫ్ మాసెస్ నటసింహం నందమూరి బాలకృష్ణ, సక్సెస్ ఫుల్ డైరెక్టర్ కొరటాల శివ కాంబినేషన్లో ఒక భారీ క్రేజీ ప్రాజెక్ట్ అనౌన్స్ అయిన సంగతి తెలిసిందే.
By: Madhu Reddy | 25 Jun 2026 12:42 PM IST
టాలీవుడ్ గాడ్ ఆఫ్ మాసెస్ నటసింహం నందమూరి బాలకృష్ణ, సక్సెస్ ఫుల్ డైరెక్టర్ కొరటాల శివ కాంబినేషన్లో ఒక భారీ క్రేజీ ప్రాజెక్ట్ అనౌన్స్ అయిన సంగతి తెలిసిందే. బాలయ్య మాస్ అప్పీల్, కొరటాల శివ సోషల్ మెసేజ్ కలిసిన పవర్ఫుల్ స్టోరీ కావడంతో ఈ '#NBK112' సినిమాపై అంచనాలు ఆకాశాన్ని తాకుతున్నాయి. తాజాగా ఈ సినిమా అఫీషియల్ లాంచ్ వేడుక అమరావతిలో ఎంతో ఆధ్యాత్మిక వాతావరణంలో, సినీ రాజకీయ ప్రముఖుల సమక్షంలో అత్యంత ఘనంగా జరిగింది.
కూతురి యాక్షన్.. అల్లుడు క్లాప్:
ఈ సినిమా పూజా కార్యక్రమాల్లో ఒక అరుదైన, బ్యూటిఫుల్ మూమెంట్ చోటుచేసుకుంది. ముహూర్తపు షాట్కు బాలకృష్ణ కూతురు తేజస్విని క్లాకెట్ బోర్డ్ పట్టుకుని స్వయంగా ఫస్ట్ షాట్కు దర్శకత్వం వహించడం విశేషం. ఇక ఏపీ ఐటీ మంత్రి నారా లోకేష్ ఈ చిత్రానికి మొదటి క్లాప్ కొట్టగా, సినిమాటోగ్రఫీ శాఖ మంత్రి కందుల దుర్గేష్ కెమెరా స్విచ్ ఆన్ చేశారు. ప్రముఖ నిర్మాతలు సురేష్ బాబు, గోపీచంద్ మలినేని, సాహు గారపాటి, వెంకట సతీష్ కిలారు తదితరులు చిత్ర యూనిట్కు స్క్రిప్ట్ను అందజేశారు.
అమరావతి వేదికగా భారీ ప్లాన్:
SLV సినిమాస్, యువసుధ ఆర్ట్స్ బ్యానర్లపై సుధాకర్ చెరుకూరి, సుధాకర్ మిక్కిలినేని సంయుక్తంగా ఈ ప్రతిష్టాత్మక చిత్రాన్ని నిర్మిస్తున్నారు. ఇక అమరావతిలో జరిగిన ఈ లాంచ్ ఈవెంట్ ఒక మెమోరబుల్ మైల్స్టోన్ అని బాలకృష్ణ కొనియాడారు. ఆంధ్రప్రదేశ్లో సినిమా ఇండస్ట్రీ అభివృద్ధికి, ఇక్కడి అందమైన లొకేషన్లను వాడుకోవడానికి తాము ఎప్పుడూ ముందుంటామని బాలయ్య ఈ సందర్భంగా స్పష్టం చేశారు. ఏపీలో వరల్డ్ క్లాస్ ఇన్ఫ్రాస్ట్రక్చర్ను బిల్డ్ చేయాల్సిన అవసరం ఉందని ఆయన నొక్కి చెప్పారు.
మాస్ కాంబో.. నెక్స్ట్ లెవెల్ అంచనాలు:
బాలకృష్ణ డైలాగ్ డెలివరీకి, కొరటాల శివ రాసే పవర్ఫుల్ ఎమోషనల్ క్యారెక్టరైజేషన్కు అసలు సిసలైన మ్యాచ్ కుదిరిందని ఫ్యాన్స్ పండగ చేసుకుంటున్నారు. ఇక ఈ చిత్రానికి సంబంధించిన పూర్తి నటీనటులు, సాంకేతిక నిపుణుల వివరాలతో పాటు రెగ్యులర్ షూటింగ్ షెడ్యూల్ను మేకర్స్ త్వరలోనే అధికారికంగా ప్రకటించనున్నారు.
సొంత కూతురి డైరెక్షన్లో బాలయ్య బాబు ఫస్ట్ షాట్ ఓకే చేయడం నందమూరి అభిమానులకు ఒక కంటి పండుగ లాంటి విషయమే. అమరావతి కేంద్రంగా ఇండస్ట్రీని మరింత ముందుకు తీసుకెళ్తామంటూ బాలకృష్ణ ఇచ్చిన పిలుపు కూడా పరిశ్రమలో హాట్ టాపిక్గా మారింది. ఇక మరి కొరటాల శివ మార్క్ కథతో రాబోతున్న ఈ క్రేజీ యాక్షన్ ఎంటర్టైనర్ ఎలాంటి రికార్డులను తిరగరాస్తుందో చూడాలి. బాలయ్య, కొరటాల టీమ్కు ఆల్ ది బెస్ట్ చెప్పేద్దాం..