ఆ రెండు సినిమాలు డ్రాప్.. మిరాయ్ కు లైన్ క్లియర్

ఏ సినిమా మేకర్స్ అయినా సోలో రిలీజ్ కోసమే చూస్తారు. కానీ, అన్ని సినిమాలకు ఇలాంటి సోలో రిలీజ్ దొరకదు. పలుమార్లు బాక్సాఫీస్ వద్ద పోటీ నెలకొంటుంది. ఒకవేళ ఓ సినిమాకు ఫుల్ హైప్ ఉండి.. సింగిల్ రిలీజ్ డేట్ దొరికితే? భారీ అంచనాలతో ఉన్న సినిమా సోలోగా బాక్సాఫీస్ ముందుగు వస్తే? ఇంకేముంటుంది. ఆ సినిమాకు భారీ ఓపెనింగ్స్ ఖాయం.

తాజాగా యంగ్ హీరో తేజ సజ్జా సినిమాకు ఇదే జాక్ పాట్ తగిలేలాగా ఉంది. ఆయన లీడ్ రోల్ లో తెరకెక్కిన మిరాయ్ సెప్టెంబర్ 12న గ్రాండ్ గా రిలీజ్ కానుంది. రీసెంట్ గా ఈ సినిమా ట్రైలర్ రిలీజైంది. విజువల్ వండర్స్ గా ఉన్న ఈ ట్రైలర్ సినిమాపై భారీ స్థాయిలో అంచనాలు పెంచింది. అయితే ఈ సినిమాకు సెప్టెంబర్ 12న బాక్సాఫీస్ వద్ద పోటీ నెలకొంది. బెల్లంకొండ సాయి శ్రీనివాస్ నటించిన కిష్కింధాపురి, దుల్కర్ సల్మాన్ నటించిన కాంత కూడా సెప్టెంబర్ 12న గ్రాండ్ రిలీజ్ కు రెడీ అవుతోంది.

అయితే, ఈ రెండు సినిమాలు ప్రస్తుతం వాయిదా పడే అవకాశం ఉందని తెలుస్తోంది. సాయి శ్రీనివాస్ లేటెస్ట్ సినిమా కిష్కింధాపురి అనుకున్న తేదీకి విడుదల కావడం లేదని సమాచారం. ఈ సినిమా ఒక రోజు ఆలస్యంగా థియేటర్లలోకి రానుంది. ఇక దుల్కర్ కాంత సినిమా.. పాటలు రిలీజ్ అయ్యాయి. కానీ ఈ పాటలు తప్పా సినిమా ప్రమోషన్లు ప్రారంభం కాలేదు. మేకర్స్ ప్రమోషన్స్ కూడా ఏమీ ప్లాన్ చేయలేదు.

దీంతో ఈ సినిమా విడుదల తేదీకి సంబంధించి మేకర్స్ నుంచి ఎలాంటి సమాచారం లేదు. అంటే దాదాపు ఈ సినిమా కూడా అనుకున్నట్లు సెప్టెంబర్ 12న విడుదల కాదని అర్థముతోంది. ఈ లెక్కన తేజ సజ్జా మిరాయ్ సెప్టెంబర్ 12న సోలోగా రిలీజ్ కావడం దాదాపు ఖాయమైనట్లు. దీంతో రెండో వారంలో బాక్సాఫీస్ వద్ద సింగిల్ సినిమాగా రిలీజ్ కానుంది.

ఇక మరోవైపు, కిష్కింధాపురి సెప్టెంబర్ 13న రానుంది. అంటే ఈ సినిమా కూడా సోలో రిలీజ్ అవుతుంది. అయితే మిరాయ్ పాన్ఇండియా రేంజ్ లో గ్రాండ్ గా రిలీజ్ అవుతుంది. ఇధి కచ్చితంగా ఈ సినిమాకు భారీ స్థాయిలో వసూళ్లు సాధించే అవకాశం ఉంటుంది. కాగా, మిరాయ్ సినిమాపై ఇప్పటికే సినీ వర్గాల్లో, ప్రేక్షకుల్లో ఫుల్ హైప్ ఉంది.