సుకుమార్ రైటింగ్స్ కొత్త ప్రాజెక్ట్ స్టార్ట్.. ప్రొడక్షన్ No.1 లాంచ్ డేట్ ఫిక్స్!

టాలీవుడ్‌లో సరికొత్త క్రేజీ కాంబినేషన్‌కు తెరలేచింది. కంటెంట్ ఉన్న సినిమాలను నిర్మించడంలో దిట్ట అయిన లెక్కల మాస్టర్ సుకుమార్, సక్సెస్ ఫుల్ ప్రొడ్యూసర్ బన్నీ వాస్ కలిసి ఒక ఇంట్రెస్టింగ్ ప్రాజెక్ట్‌ను లైన్‌లోకి తెచ్చారు. వైవిధ్యమైన సినిమాలతో దూసుకుపోతున్న యంగ్ హీరో ప్రియదర్శి ప్రధాన పాత్రలో ఒక గ్రామీణ తెలంగాణ ఫ్యామిలీ కామెడీ డ్రామా రూపుదిద్దుకోబోతోంది. ఈ బిగ్ ప్రాజెక్ట్‌కు సంబంధించి జూన్ 25న హైదరాబాద్‌లోని అన్నపూర్ణ స్టూడియోస్ గ్లాస్ హౌస్‌లో ఉదయం 9:30 గంటలకు ముహూర్తపు పూజా కార్యక్రమాలను ప్లాన్ చేశారు.

సుకుమార్, బన్నీ వాస్ లీగ్.. నెక్స్ట్ లెవెల్ ఎంటర్‌టైన్‌మెంట్:

సుకుమార్ రైటింగ్స్, బన్నీ వాస్ వర్క్స్ బ్యానర్లపై సంయుక్తంగా తెరకెక్కనున్న ఈ 'ప్రొడక్షన్ నెం. 1' అనౌన్స్‌మెంట్‌తోనే మూవీ లవర్స్‌లో భారీ అంచనాలను పెంచేసింది. మంచి కథలను ఎంచుకుంటూ తక్కువ టైమ్‌లోనే ప్రామిసింగ్ హీరోగా ఎదిగిన ప్రియదర్శి ఇందులో లీడ్ రోల్ చేస్తుండటం సినిమాకు మెయిన్ అసెట్‌గా మారబోతోంది. ఇక యంగ్ డైరెక్టర్ వంశీరెడ్డి దొండపాటి ఈ సినిమా ద్వారా మనకు ప్యూర్ తెలంగాణ నేటివిటీ ఉన్న ఫన్ అండ్ ఎమోషనల్ ఫ్యామిలీ డ్రామాను చూపించబోతున్నారు.

వెండితెరకు పరిచయమవుతున్న 'ఫోక్ స్టార్' నాగదుర్గ:

ఇక ఈ సినిమాకు సంబంధించి మరో విశేషం చుస్తే, సోషల్ మీడియాలో ఏ జానపద పాట చేసినా మిలియన్లలో వ్యూస్ రాబట్టే పాపులర్ తెలంగాణ ఫోక్ డాన్సర్, సింగర్ నాగదుర్గ ఈ మూవీ ద్వారా హీరోయిన్‌గా అరంగేట్రం చేస్తోంది. ఇక రూరల్ తెలంగాణ బ్యాక్‌డ్రాప్‌లో సాగే కథ కావడంతో, నాగదుర్గ ఎంపిక పక్కాగా సరిపోతుందని ఇండస్ట్రీ వర్గాలు అంటున్నాయి. ప్రియదర్శి, నాగదుర్గల సరికొత్త పెయిరింగ్ వెండితెరపై ఒక ఫ్రెష్ ఫీల్‌ను తీసుకురావడం ఖాయంగా కనిపిస్తోంది.

జూన్ 25న గ్రాండ్ లాంచ్.. వచ్చే నెల నుంచి షూటింగ్:

ఈ క్రేజీ ప్రాజెక్ట్ ప్రారంభోత్సవానికి సంబంధించి డైరెక్టర్ సుకుమార్ తన ఇన్‌స్టాగ్రామ్ వేదికగా అఫీషియల్ ఇన్విటేషన్ కార్డ్‌ను పోస్ట్ చేస్తూ విషయాన్ని పంచుకున్నారు. జూన్ 25న ముహూర్తపు షాట్‌తో పూజా కార్యక్రమాలు పూర్తి చేసి, వచ్చే నెల నుంచే ఈ సినిమా రెగ్యులర్ షూటింగ్‌ను శరవేగంగా జరిపేందుకు మేకర్స్ ప్లాన్ చేస్తున్నారు. ఇక ఈ చిత్రానికి సంబంధించిన పూర్తి సాంకేతిక నిపుణుల వివరాలను త్వరలోనే అధికారికంగా వెల్లడించనున్నారు.

సక్సెస్‌ఫుల్ ప్రొడక్షన్ హౌసెస్, టాలెంటెడ్ హీరో ప్రియదర్శి, మరియు సోషల్ మీడియా సెన్సేషన్ నాగదుర్గ కాంబోలో వస్తున్న ఈ తెలంగాణ విలేజ్ డ్రామా థియేటర్లలో నవ్వుల పువ్వులు పూయించడం గ్యారెంటీ అనిపిస్తోంది. స్టార్ డైరెక్టర్ సుకుమార్ బ్లెస్సింగ్స్‌తో రేపు గ్రాండ్‌గా లాంచ్ కాబోతున్న ఈ టీమ్‌కు ఆల్ ది బెస్ట్ చెప్పేద్దాం..