టాలీవుడ్ ప్రిన్సెస్..బంగారు బొమ్మ.. శ్రీ‌లీల‌కు ఫ్యాన్స్ ఫిదా!
ట్యాలెంటెడ్ నటి శ్రీలీల తన లేటెస్ట్ సోషల్ మీడియా పోస్ట్‌తో ఇంటర్నెట్‌లో మరోసారి హాట్ టాపిక్‌గా మారారు
By: Sivaji Kontham | 16 Oct 2026 8:05 AM IST
ట్యాలెంటెడ్ నటి శ్రీలీల తన లేటెస్ట్ సోషల్ మీడియా పోస్ట్‌తో ఇంటర్నెట్‌లో మరోసారి హాట్ టాపిక్‌గా మారారు. ఈ బ్యూటీ షేర్ చేసిన స్టన్నింగ్ లుక్‌కు నెటిజన్లు ఫిదా అవుతుండగా.. సోషల్ మీడియాలో భారీ ఆద‌ర‌ణ లభిస్తోంది. అభిమానులు టాలీవుడ్ ప్రిన్సెస్..బంగారు బొమ్మ అంటూ ఆప్యాయంగా సంబోధిస్తూ కామెంట్ల వర్షం కురిపిస్తున్నారు.
కేవలం సాధారణ ప్రశంసలే కాకుండా.. అభిమానులు సోషల్ మీడియాలో ర‌క‌ర‌కాలుగా సరదాగా ముచ్చటించుకుంటున్నారు. అప్‌లోడ్ చేసిన ఫోటోకు, బ్యాక్‌గ్రౌండ్ సాంగ్‌కు మధ్య సంబంధం ఏమిటంటూ కొందరు ప్రశ్నిస్తుండగా.. మరికొందరు బ్లాక్ అండ్ గోల్డ్ అటైర్‌లో తన స్టైలింగ్ - ఓవరాల్ లుక్‌ను అభినందిస్తున్నారు.
ఆధునిక సెలెబ్రిటీ ఫ్యాండమ్ ప్రత్యేకతలను చాటేలా ఈ కామెంట్ సెక్షన్ నిండిపోయింది. వ‌రుస పెట్టి హార్ట్ ఎమోజీల ప్రవాహం కనిపిస్తోంది. ఇది శ్రీలీల చుట్టూ ఉన్న హై-ఎనర్జీ ఆన్‌లైన్ కమ్యూనిటీని, అలాగే తన పోస్ట్‌లు సృష్టించే డిజిటల్ ఇంటరాక్షన్‌ను తెలియజేస్తోంది.
మరోవైపు టాలీవుడ్ బ్యూటీ శ్రీలీల కార్తీక్ ఆర్యన్ సరసన తన హిందీ డెబ్యూ ప్రాజెక్ట్‌ను సంతకం చేసిన విష‌యం తెలిసిందే. అనురాగ్ బసు దర్శకత్వంలో తెరకెక్కుతున్న ఈ మ్యూజికల్ రోమాంటిక్ డ్రామా చాలా కాలంగా నిర్మాణంలో ఉంది. షూటింగ్ ఆలస్యం కావడం వల్ల అభిమానులు నిరాశ చెందినా.. ఇప్పుడు వారికి ఒక కొత్త అప్‌డేట్ రావ‌డం ఎంతో సంతోషాన్ని ఇస్తుంది.
ఈ రొమాంటిక్ చిత్రం 2027 ఏప్రిల్ 30న థియేటర్లలో విడుదల కానుంది. ఇది ఆషికి ఫ్రాంచైజీకి ఎలాంటి సంబంధం లేని ఒరిజినల్ లవ్ స్టోరీ అని..దీనికి `తూ మేరీ జిందగీ హై` అనే టైటిల్ ఖరారు చేసే అవకాశం ఉందని రిపోర్టులు చెబుతున్నాయి. దీనికి ప్రీతమ్ సంగీతం అందిస్తుండగా.. భూషణ్ కుమార్ టీ-సిరీస్ బ్యానర్‌పై ఈ చిత్రాన్ని నిర్మిస్తున్నారు.