సోషల్ మీడియా క్వీన్స్‌ తో సవాల్.. లెక్కలు మారుతున్నాయా?

ఒకప్పుడు సినిమా హీరోయిన్‌ గా గుర్తింపు తెచ్చుకోవాలంటే ఎన్నో ఛేంజెస్ దాటాల్సి వచ్చేది. మోడలింగ్, బ్యూటీ కాంటెస్టులు, చిన్న చిన్న పాత్రలు.. ఇలా స్లోగా ఇండస్ట్రీలో అడుగులు వేసేవారు. కానీ ఇప్పుడు కాలం మారింది. సోషల్ మీడియా కొత్త టాలెంట్‌ కు పెద్ద ప్లాట్ ఫామ్ గా మారింది. ఇన్‌ స్టాగ్రామ్, యూట్యూబ్, షార్ట్ వీడియో ప్లాట్‌ ఫామ్స్ ద్వారా గుర్తింపు తెచ్చుకున్న యువతులు సినిమా అవకాశాలను అందుకుంటున్నారు. దీంతో ఇప్పటికే స్టార్ హీరోయిన్లుగా కొనసాగుతున్న వారికి కొత్త పోటీ ఎదురవుతోంది.

సినీ ఇండస్ట్రీలో ఇప్పుడు కేవలం యాక్టింగ్ మాత్రమే కాకుండా సోషల్ మీడియా ఫాలోయింగ్ కూడా కీలకంగా మారింది. లక్షలాది మంది అభిమానులను సంపాదించుకున్న సోషల్ మీడియా ఇన్‌ ఫ్లుయెన్సర్లపై దర్శక నిర్మాతలు ఆసక్తి చూపిస్తున్నారు. వారికి ఇప్పటికే ఉన్న క్రేజ్ సినిమాలకు ప్రమోషన్స్ గా ఉపయోగపడుతుందనే ఆలోచన కూడా దీనికి కారణంగా కనిపిస్తోంది. గతంలో ఒక హీరోయిన్‌ కు గుర్తింపు రావాలంటే సినిమా విడుదలయ్యాకే ప్రేక్షకులకు చేరువయ్యే అవకాశం ఉండేది.

కానీ ప్రస్తుతం సోషల్ మీడియా కారణంగా సినిమా రాకముందే ఒక స్పెషల్ ఫ్యాన్ బేస్ ఏర్పడుతోంది. తమ రోజువారీ జీవితానికి సంబంధించిన విషయాలు, ఫ్యాషన్, డ్యాన్స్ వీడియోలు, ఫొటోషూట్ల ద్వారా భారీగా ఫాలోవర్లను సంపాదించుకుంటున్నారు. ఇదే వారిని సినీ అవకాశాల వైపు తీసుకెళ్తోంది. అయితే సోషల్ మీడియాలో ఉన్న పాపులారిటీ ఒక్కటే సినిమా కెరీర్‌ ను నిలబెట్టలేదని సినీ ఎక్స్పర్ట్స్ చెబుతున్నారు. ప్రేక్షకులను మెప్పించాలంటే యాక్టింగ్, పాత్రల ఎంపిక, హార్డ్ వర్క్ ముఖ్యమని అభిప్రాయపడుతున్నారు.

సోషల్ మీడియా ఒక ఛాన్స్ మాత్రమేనని, దానిని సరిగ్గా ఉపయోగించుకున్న వారే ఎక్కువ కాలం ఇండస్ట్రీలో కొనసాగగలరని అంటున్నారు. ఇక మరోవైపు సౌత్ సినీ ఇండస్ట్రీల్లో ఉన్న లాంగ్వేజ్ డిఫరెన్సెస్ తొలగిపోతున్నాయి. తెలుగు, తమిళం, కన్నడ, మలయాళ, హిందీ సినిమాల్లో హీరోయిన్లు లాంగ్వేజ్ బ్యారియర్స్ లేకుండా అవకాశాలు అందుకుంటున్నారు. ఒకే భాషకు పరిమితం కాకుండా పలు భాషల్లో సినిమాలు చేయడం ఇప్పుడు సాధారణంగా మారింది.

తెలుగు సినిమాల్లో ఇతర భాషలకు చెందిన హీరోయిన్లు కనిపిస్తుండగా.. టాలీవుడ్ బ్యూటీలు ఇతర ఇండస్ట్రీల్లో అవకాశాలు అందుకుంటున్నారు. దీనివల్ల హీరోయిన్లకు మార్కెట్ పెరగడంతో పాటు ప్రేక్షకులకు కొత్త ఫేసెస్ పరిచయం అవుతున్నాయి. నిర్మాతలు కూడా వివిధ భాషల ప్రేక్షకులను ఆకట్టుకునేందుకు అలానే చేస్తున్నారు. అయితే వివిధ ఇండస్ట్రీల్లో నటించడం అంత ఈజీ విషయం కాదు. కొత్త భాష నేర్చుకోవడం, ఆ ప్రాంత కల్చర్ అర్థం చేసుకోవడం, ప్రేక్షకుల టేస్ట్ కు తగ్గట్టుగా నటించడం వంటి సవాళ్లు ఉంటాయి.

ఏదేమైనా ప్రస్తుతం హీరోయిన్ల కెరీర్‌ లో రెండు మెయిన్ ఛేంజెస్ కనిపిస్తున్నాయి. ఒకటి సోషల్ మీడియా ద్వారా వచ్చే కొత్త జనరేషన్ పోటీ కాగా.. మరొకటి వివిధ ఇండస్ట్రీల్లో వస్తున్న ఛాన్సులు. అందుకే ఇలాంటి పరిస్థితుల్లో యాక్టింగ్, లుక్స్, సెలెక్షన్ విషయంలో స్పెషాలిటీ చూపించే హీరోయిన్లకే ఫ్యూచర్ లో మరిన్ని ఛాన్సులు దక్కే అవకాశం ఉందని చెప్పాలి.