లెక్క తప్పకుండా 'సింగ్ గీతం' బిజినెస్
సినిమాకు నాగ్ అశ్విన్ నిర్మాతగానే కాకుండా క్రియేటివ్ పార్టనర్ గా కూడా వ్యవహరించినట్లు తెలుస్తోంది. దేవిశ్రీ ప్రసాద్ సంగీతం ఆ ప్రయోగానికి మరో బలంగా మారింది.
By: M Prashanth | 14 Jun 2026 1:29 AM IST
ప్రయోగాత్మక సినిమాలు అంటే ప్రశంసలు వస్తాయి కానీ లాభాలు రావడం కష్టమనే అభిప్రాయం టాలీవుడ్ సినీ ఇండస్ట్రీలో చాలా రోజులుగా వినిపిస్తూనే ఉంది. అయితే ఆ లెక్కలను మార్చేస్తూ ఇప్పుడు సింగ్ గీతం మూవీ సోషల్ మీడియాలో హాట్ టాపిక్ గా మారింది. లెజెండరీ దర్శకుడు సింగీతం శ్రీనివాసరావు దర్శకత్వంలో తెరకెక్కిన ఆ చిత్రం విడుదలకు ముందే సరైన ప్లాన్ తో ముందుకు సాగి నిర్మాతలకు ఫుల్ రిలీఫ్ ఇచ్చిందనే టాక్ వినిపిస్తోంది.
వైజయంతీ మూవీస్ బ్యానర్ పై టాలెంటెడ్ డైరెక్టర్ నాగ్ అశ్విన్ నిర్మించిన ఆ సినిమా కంప్లీట్ కంటెంట్ పై నమ్మకంతో రూపొందింది. స్టార్ హీరోల హంగామా, భారీ యాక్షన్ ఎపిసోడ్లు, కమర్షియల్ ఫార్ములాలకు దూరంగా ఉంటూ, సంగీతాన్నే కథను ముందుకు నడిపించే మెయిన్ ఎలిమెంట్ గా మార్చడం ఆ మూవీ స్పెషాలిటీ. అంతేకాదు, 94 ఏళ్ల వయస్సులోనూ సింగీతం శ్రీనివాసరావు కొత్త ఆలోచనతో ప్రేక్షకుల ముందుకు రావడం సినీ ప్రియులను ఆశ్చర్యపరుస్తోంది.
సినిమాకు నాగ్ అశ్విన్ నిర్మాతగానే కాకుండా క్రియేటివ్ పార్టనర్ గా కూడా వ్యవహరించినట్లు తెలుస్తోంది. దేవిశ్రీ ప్రసాద్ సంగీతం ఆ ప్రయోగానికి మరో బలంగా మారింది. కథకు తగ్గట్టు మ్యూజిక్ ను యూజ్ చేసిన తీరు ప్రేక్షకుల్లో ఆసక్తిని పెంచింది. సాధారణంగా చిన్న, ప్రయోగాత్మక చిత్రాలు విడుదల తర్వాతే తమ ఫ్యూచర్ ను డిసైడ్ చేసుకుంటాయి. కానీ సింగ్ గీతం విషయంలో మాత్రం పరిస్థితి భిన్నంగా కనిపిస్తోంది.
విడుదలకు ముందే వివిధ రైట్స్ రూపంలో బిజినెస్ పరంగా సేఫ్ గా ఉండడంతో మూవీ టీమ్ ఎలాంటి ఒత్తిడి లేకుండా సినిమా రిలీజ్ ను వెల్ కమ్ చెప్పినట్లు తెలుస్తోంది. సగానికి పైగా బడ్జెట్ ముందే నాన్ థియేట్రికల్ రైట్స్ ద్వారా రికవరీ కావడంతో థియేటర్లలో వచ్చే రెస్పాన్స్ ను ఫైనాన్షియల్ యాంగిల్ లో కాకుండా, కూల్ గా ఆస్వాదించే అవకాశం టీమ్ కు దక్కింది.
ఇక సినిమా విడుదలైన తర్వాత కూడా చర్చ అంతా వసూళ్ల చుట్టూ తిరగడం లేదు. సోషల్ మీడియాలో చూస్తే కలెక్షన్ల కంటే సినిమాపై ప్రశంసలే ఎక్కువగా కనిపిస్తున్నాయి. సింగీతం చేసిన ప్రయోగం, సంగీతంతో కథ చెప్పిన తీరు, కొత్త తరానికి భిన్నమైన అనుభూతిని అందించే ప్రయత్నం గురించి ప్రేక్షకులు మాట్లాడుకుంటున్నారు. ఇలాంటి సినిమాలు థియేటర్లలో చూసి ప్రోత్సహించాలంటూ అభిమానులు పోస్టులు పెడుతున్నారు.
ఏదేమైనా లెక్క తప్పకుండా సింగ్ గీతం బిజినెస్ అనే మాటకు తగ్గట్టుగా సింగ్ గీతం మూవీ జర్నీ ఇప్పుడు కూల్ గా సాగుతోంది. ఒకవైపు క్రియేటివిటీకి ప్రశంసలు, మరోవైపు ముందుచూపుతో వేసిన బిజినెస్ స్టెప్స్ కలిసి సింగ్ గీతం సినిమాను స్పెషల్ మూవీగా నిలబెట్టాయి. అందుకే ఇప్పుడు సింగ్ గీతం టీమ్ రిజల్ట్ ఒత్తిడికి దూరంగా, ప్రేక్షకుల నుంచి వస్తున్న ప్రేమను ఆస్వాదిస్తూ కూల్ మోడ్ లో సక్సెస్ ను ఎంజాయ్ చేస్తోంది.