బ్లాక్ డ్రెస్​లో శోభిత.. మోడ్రన్ లుక్​లో స్టన్నింగ్!

గూఢచారి సినిమాతో తెలుగు ప్రేక్షకులకు దగ్గరై, ఇప్పుడు పాన్ ఇండియా స్థాయిలో తనకంటూ ప్రత్యేక గుర్తింపు తెచ్చుకున్నారు శోభిత ధూళిపాళ. కేవలం సినిమాలతోనే కాకుండా, తన యూనిక్ ఫ్యాషన్ సెన్స్​తో ఎప్పుడూ వార్తల్లో నిలుస్తుంటారు. లేటెస్ట్ గా ఈ బ్యూటీ ఇన్​స్టాగ్రామ్​లో షేర్ చేసిన కొత్త ఫొటోలు సోషల్ మీడియాలో హాట్ టాపిక్​గా మారాయి.

ఈ లేటెస్ట్ ఫొటోషూట్​లో శోభిత నలుపు రంగు స్టైలిష్ డ్రెస్​లో మెరిసిపోతున్నారు. స్లీవ్​లెస్​గా, హై నెక్​తో డిజైన్ చేసిన ఈ అవుట్​ఫిట్ ఆమె పర్ఫెక్ట్ గ్లామర్ ​ను ఎలివేట్ చేస్తోంది. నడుము భాగంలో వచ్చిన కట్​అవుట్స్, అక్కడ మెరుస్తున్న సన్నని సిల్వర్ చైన్ డీటైలింగ్ ఈ డ్రెస్​కు మరో హైలెట్. సింపుల్​గా కనిపిస్తూనే ఎంతో స్టైలిష్​గా ఉన్న ఈ లుక్ ఫ్యాషన్ ప్రియులను ఆకట్టుకుంటోంది.

"ప్రతి సీజన్​కు మోడ్రన్ పాలిష్" అంటూ ఆమె ఇచ్చిన క్యాప్షన్ ఆమె అప్పియరెన్స్​కు సరిగ్గా సరిపోయింది. హెవీ మేకప్ జోలికి వెళ్లకుండా, స్టన్నింగ్ లుక్​తో చాలా క్లాసీగా కనిపిస్తున్నారు. చెవులకు పెద్ద క్రిస్టల్ ఇయర్ రింగ్స్ మినహా వేరే ఆభరణాలు ఏమీ లేకుండానే ఇంత గ్రాండ్​గా కనిపించడం ఒక్క శోభితకే సాధ్యం అనిపిస్తోంది.

అక్కినేని నాగచైతన్యతో పెళ్లి తర్వాత శోభిత క్రేజ్ మరింత పెరిగింది. కెరీర్ పరంగానూ ఫుల్ బిజీగా గడుపుతున్నారు. 'మంకీ మ్యాన్'తో హాలీవుడ్​లోనూ సత్తా చాటిన ఆమె, ఎప్పుడూ వైవిధ్యమైన పాత్రలను ఎంచుకుంటూ తన ప్రత్యేకతను చాటుకుంటున్నారు. సాధారణంగా బ్లాక్ డ్రెస్ అంటేనే ఒక ప్రత్యేకమైన ఆకర్షణ ఉంటుంది. అందులోనూ శోభిత వంటి ఫ్యాషబ్ గర్ల్ ధరిస్తే ఆ లుక్ నెక్స్ట్ లెవెల్​లో ఉంటుంది. గోడకు ఆనుకుని ఆమె ఇచ్చిన ఫోజులు, ఆ లుక్స్ చూసి నెటిజన్లు ఫిదా అవుతున్నారు. రాబోయే రోజుల్లో వెండితెరపై ఆమె ఇంకా ఎలాంటి గ్లామర్ తో ఆకట్టుకుంటారో చూడాలి.