శర్వా.. ఈ లుక్ మామూలుగా లేదుగా!
టాలీవుడ్ లో పెద్దగా గాసిప్స్ కు చోటివ్వని అతికొద్ది మంది హీరోలలో శర్వానంద్ ఒకరు. ఏదైనా సినిమా వస్తే తప్ప బయట కనిపించడు.
By: Madhu Reddy | 24 Oct 2025 7:28 PM IST
టాలీవుడ్ లో పెద్దగా గాసిప్స్ కు చోటివ్వని అతికొద్ది మంది హీరోలలో శర్వానంద్ ఒకరు. ఏదైనా సినిమా వస్తే తప్ప బయట కనిపించడు. నటుడిగా విభిన్నమైన కథలు, పాత్రలతో ప్రేక్షకులను మెప్పిస్తుంటాడు. కానీ, ఈసారి సోషల్ మీడియాలో చేసిన ఒక పోస్ట్ మాత్రం అందరినీ ఒక్కసారిగా షాక్కు గురిచేసింది. లేటెస్ట్ ఫోటోషూట్కు సంబంధించిన కొన్ని స్టిల్స్ ఇప్పుడు ఇంటర్నెట్ను హీటెక్కిస్తున్నాయి.
ఎప్పుడూ చాలా డీసెంట్గా, క్లాసీగా కనిపించే శర్వానంద్, ఈసారి పూర్తిగా రూట్ మార్చాడు. ఆయన షేర్ చేసిన ఫోటోలు బ్లాక్ అండ్ వైట్ థీమ్లో ఉన్నాయి. అన్నింటిలోనూ ఆయన షర్ట్లెస్ లుక్లో కనిపించడం విశేషం. ఫిట్గా మారిన బాడీ, ఇంటెన్స్ ఎక్స్ప్రెషన్స్తో శర్వా చాలా స్టైలిష్గా, హాట్గా కనిపిస్తున్నాడు. ఈ మేకోవర్ చూసి ఫ్యాన్స్ ఫిదా అయిపోతున్నారు.
ఈ ఫోటోలు కేవలం ఒక సాధారణ ఫోటోషూట్ లా అనిపించడం లేదు. దీని వెనుక ఏదో బలమైన కారణమే ఉండి ఉంటుందనిపిస్తోంది. ముఖ్యంగా, ఆయన రీసెంట్గా అనౌన్స్ చేసిన 'బైకర్' సినిమా కోసం ఈ రేంజ్లో ట్రాన్స్ఫార్మ్ అయ్యాడా అనే చర్చ మొదలైంది. ఆ సినిమాలో డర్ట్ బైక్ రేసర్గా కనిపించనున్నాడు కాబట్టి, దానికి తగ్గట్టుగా ఫిజిక్ను రెడీ చేసుకుని ఉంటాడని ఫ్యాన్స్ అంచనా వేస్తున్నారు. ఈ డెడికేషన్ చూసి అందరూ ఆశ్చర్యపోతున్నారు.
అంతే కాకుండా రీసెంట్ గా శర్వా OMI పేరుతో ఒక బ్రాండ్ ను స్టార్ట్ చేశారు. ఇక దాని లోగో కూడా ఫొటో షూట్ లో హైలెట్ అయ్యింది. ఈ పోస్ట్ పెట్టిన క్షణాల్లోనే సోషల్ మీడియాలో వైరల్ అయింది. నెటిజన్లు, ఫ్యాన్స్ కామెంట్లతో హోరెత్తిస్తున్నారు. "అసలు గుర్తుపట్టలేకపోతున్నాం", "ఈ లుక్ అదిరిపోయింది", "శర్వాలో ఈ యాంగిల్ కూడా ఉందా?" అంటూ తమ ఆశ్చర్యాన్ని, ప్రశంసలను వ్యక్తం చేస్తున్నారు. చాలామంది సెలబ్రిటీలు కూడా ఈ ఫోటోలను లైక్ చేస్తూ, కామెంట్లు పెడుతున్నారు.
శర్వానంద్ ఎప్పుడూ తన పాత్రల కోసం కొత్తగా ట్రై చేయడానికి వెనకాడడు. లవర్ బాయ్ నుంచి సీరియస్ రోల్స్ వరకు, ప్రతీసారి తనను తాను కొత్తగా ఆవిష్కరించుకుంటూనే ఉన్నాడు. ఇప్పుడు ఈ ఫిజికల్ ట్రాన్స్ఫర్మేషన్తో, తనలోని మరో యాంగిల్ను బయటపెట్టాడు. ఇది అతని కెరీర్కు కచ్చితంగా ప్లస్ అవుతుంది. మొత్తం మీద, ఈ ఫోటోషూట్ శర్వానంద్ అప్కమింగ్ ప్రాజెక్టులపై అంచనాలను మరింత పెంచేసింది. ముఖ్యంగా 'బైకర్' సినిమాపై క్యూరియాసిటీని రెట్టింపు చేసింది. మరి ఈ కొత్త లుక్తో శర్వా బాక్సాఫీస్ వద్ద ఎలాంటి మ్యాజిక్ చేస్తాడో చూడాలి.