చరిత్ర సృష్టించిన సమంత.. హీరోయిన్లకు అతిపెద్ద సవాల్!

టాలీవుడ్ స్టార్ హీరోయిన్ సమంత, క్రేజీ డైరెక్టర్ నందిని రెడ్డి కాంబినేషన్‌లో వచ్చిన లేటెస్ట్ మూవీ ‘మా ఇంటి బంగారం’ బాక్సాఫీస్ దగ్గర సరికొత్త రికార్డులు సృష్టిస్తోంది. రిలీజై 24 రోజులు దాటినా ఈ సినిమా కలెక్షన్ల హవా అస్సలు తగ్గడం లేదు. తాజాగా మూవీ బాక్సాఫీస్ వద్ద రూ. 100 కోట్ల మైలురాయిని దాటేసి సరికొత్త హిస్టరీ క్రియేట్ చేసింది. టాలీవుడ్ చరిత్రలోనే ఒక ఫీమేల్ సెంట్రిక్ సినిమా ఈ రేంజ్ వసూళ్లు రాబట్టడం ఇదే మొదటిసారి కావడం విశేషం.

టాలీవుడ్‌లో కొత్త ట్రెండ్:

ఇప్పటివరకు వంద కోట్ల మార్క్‌ను ఎక్కువగా హీరోల సినిమాలే దాటాయి.కానీ ఒక హీరోయిన్ మెయిన్ లీడ్‌గా వచ్చిన సినిమా రూ. 100 కోట్ల గ్రాస్ వసూలు చేయడం టాలీవుడ్ చరిత్రలోనే అరుదైన రికార్డ్. ఇక ఈ భారీ సక్సెస్‌తో సమంత తన బాక్సాఫీస్ స్టామినా ఏంటో దేశవ్యాప్తంగా మరోసారి నిరూపించింది. భవిష్యత్తులో రాబోయే లేడీ ఓరియెంటెడ్ సినిమాలకు ‘మా ఇంటి బంగారం’ ఒక బెంచ్‌మార్క్‌గా నిలిచిపోనుంది.

అదిరిపోయిన సమంత-నందిని రెడ్డి కాంబో:

గతంలో వీరిద్దరి కాంబినేషన్‌లో వచ్చిన ‘ఓ బేబీ’ సినిమా ఎంత పెద్ద హిట్ అయిందో మనకు తెలిసిందే. ఇప్పుడు ‘మా ఇంటి బంగారం’ చిత్రంతో ఈ సక్సెస్ ఫుల్ కాంబినేషన్ మరోసారి మ్యాజిక్ రిపీట్ చేసింది. ఇక నందిని రెడ్డి మార్క్ ఎమోషన్స్, ఫ్యామిలీ డ్రామా ప్రేక్షకులకు బాగా కనెక్ట్ అయ్యాయి. థియేటర్లలో ఫ్యామిలీ ఆడియన్స్ ఈ సినిమాకు బ్రహ్మరథం పడుతుండటంతో 24వ రోజు కూడా కలెక్షన్ల వర్షం కురుస్తోంది.

ఓన్ బ్యానర్‌లోనే భారీ సక్సెస్:

ఈ సినిమాకు మరో స్పెషల్ ఏమిటంటే… సమంత తన సొంత నిర్మాణ సంస్థ ‘ట్రలాలా మూవింగ్ పిక్చర్స్’ బ్యానర్‌పై ఈ చిత్రాన్ని నిర్మించింది. ప్రొడ్యూసర్‌గా మారిన మొదటి సినిమాతోనే వంద కోట్ల క్లబ్‌లో అడుగుపెట్టడం సమంత కెరీర్‌లో ఒక మైండ్‌బ్లోయింగ్ అచీవ్‌మెంట్ అని చెప్పాలి.

సర్‌ప్రైజ్ వీడియో:

వెకేషన్ టైమ్‌లో భర్త ఇచ్చిన సర్‌ప్రైజ్ వీడియోను ఇన్‌స్టాగ్రామ్‌లో పోస్ట్ చేశారు. “రిలీజ్‌కు ముందే హీరోయిన్ సినిమా ఆడదేమో అని అన్నారు… కానీ డేరింగ్ ఉంటేనే విజయాలు వస్తాయని సినిమా నిరూపించింది. అని పేర్కొన్నారు. ఈ వీడియోలో సమంత బేబీ బంప్‌తో హ్యాపీ గా కనిపించారు.

సమంత వన్-వుమెన్ షోగా వచ్చిన ‘మా ఇంటి బంగారం’ బాక్సాఫీస్ దగ్గర సరికొత్త చరిత్రకు శ్రీకారం చుట్టింది. కేవలం కమర్షియల్ ఎలిమెంట్స్ మాత్రమే కాకుండా కంటెంట్ నమ్ముకుంటే థియేటర్లు ఎలా కళకళలాడుతాయో ఈ సినిమా నిరూపించింది. మరి రాబోయే రోజుల్లో ఈ విజువల్ వండర్ ఇంకెన్ని వసూళ్ల రికార్డులను తిరగరాస్తుందో చూడాలి.