మేకప్ లేకున్నా మెరిసిపోవడానికి కారణం అదే!

టాలీవుడ్ నుంచి బాలీవుడ్ వరకు సహజమైన నటనతో ఎలాంటి మేకప్ లేకుండానే తెరపై మెరిసిపోతున్న‌ నటి సాయిపల్లవి. అమ్మ‌డి అందం గురించి, చర్మ సంరక్షణ పద్ధతుల గురించి తెలుసుకోవాలని అభిమానులంతా ఎంతో ఆస‌క్తిగా ఉన్నారు. తాజాగా సాయి ప‌ల్ల‌వి న‌టిస్తోన్న‌ ప్రతిష్టాత్మక చిత్రం `రామాయణం` షూటింగ్ నేపథ్యంలో ఆమె అందానికి సంబంధించిన కొన్ని ఆసక్తికరమైన విషయాలు వెలుగులోకి వచ్చాయి. మేకప్ లేకుండానే సహజమైన కాంతిని సంతరించుకోవడానికి ప‌ల్ల‌వి అనుసరించే కొన్ని ఆరోగ్యకరమైన అలవాట్లు సోషల్ మీడియాలో వైరల్ అవుతున్నాయి.

సాయిపల్లవి తన చర్మాన్ని ఆరోగ్యంగా ఉంచుకోవడానికి ఎలాంటి కృత్రిమ రసాయనాలను ఉపయోగించకుండా పూర్తిగా సహజమైన ఉత్పత్తులకే ప్రాధాన్యత ఇస్తారు. మార్కెట్లో లభించే ఖరీదైన కాస్మోటిక్స్ కంటే ఇంటిలో లభించే పదార్ధాలతోనే చర్మాన్ని సంరక్షించుకోవడం ఆమె ప్రత్యేకత. చర్మానికి గాలి తగిలేలా చూసుకోవడం, కెమికల్స్ లేని ఆయుర్వేద .. నేచురల్ క్రీమ్‌లను మాత్రమే వాడటం దినచర్యలో భాగం. ఈ సింపుల్ పద్ధతుల వల్లే సాయి ప‌ల్ల‌వి చర్మం ఎల్లప్పుడూ యవ్వనంగా.. కాంతివంతంగా కనిపిస్తుందని బ్యూటీ నిపుణులు చెబుతున్నారు.

కేవలం పైపూతలే కాకుండా.. లోపలి నుంచి ఆరోగ్యం మెరుగుపడటమే అసలైన సౌందర్య రహస్యమని సాయిపల్లవి గట్టిగా నమ్ముతారు. డైట్ విషయంలో ఎంతో క్రమశిక్షణను పాటిస్తారు. రోజూ తీసుకునే ఆహారంలో విటమిన్లు, యాంటీ ఆక్సిడెంట్లు పుష్కలంగా ఉండే తాజా పండ్లు, పచ్చి కూరగాయలకు ప్రాధాన్యత ఇస్తారు. ఇది చర్మానికి అవసరమైన పోషణను అందించి ఎలాంటి మచ్చలు లేకుండా సహజమైన మెరుపును అందిస్తుంది. సమ తుల్యమైన ఆహారపు అలవాట్లే సాయి ప‌ల్ల‌వి అందం వెనుక ఉన్న అసలైన బలం.

అలాగే శరీరంలో హైడ్రేషన్ స్థాయిలను కాపాడుకోవడం కోసం రోజూ తగినంత మోతాదులో నీరు తాగుతుంటారు. నీరు తాగడం వల్ల శరీరంలోని వ్యర్థాలు బయటికి వెళ్లిపోవడమే కాకుండా చర్మం పొడిబారకుండా తాజాగా మారుతుంది. దీంతో పాటు నిద్ర వేళల్లో క్రమశిక్షణ, మానసిక ప్రశాంతత కోసం యోగా , ధ్యానం చేయడం వంటి చిన్న చిన్న అలవాట్లను ఎప్పుడూ పాటిస్తుంటారు. ఒత్తిడిని దూరంగా ఉంచడం వల్ల ముఖంపై ముడతలు రాకుండా నేచురల్ గ్లో అలాగే ఉంటుందది.

హెవీ మేకప్ లేకుండా సినిమాలలో నటించడం, బయట కూడా సింపుల్‌గా కనిపించడం సాయిపల్లవి వ్యక్తిత్వానికి ప్రత్యేక గుర్తింపు తెచ్చింది. సాధారణంగా సెలబ్రిటీలు అంటే గ్లామర్ ప్రపంచానికి పరిమితం అవుతుంటారు. కానీ సాయి ప‌ల్ల‌వి మాత్రం సహజసిద్ధమైన రూపంతోనే కోట్లాది మంది అభిమానుల హృదయాలను గెలుచుకున్నారు. ప్రస్తుతం సాయి ప‌ల్ల‌వి అనుసరిస్తున్న హెల్దీ లైఫ్‌స్టైల్ యువతకు మంచి ఉదాహరణగా నిలుస్తోంది. మేకప్ కంటే ఆరోగ్యం ముఖ్యం అనే సందేశాన్ని సాయి ప‌ల్ల‌వి జీవనశైలి ద్వారా చాటి చెబుతున్నారు.

అంతిమంగా బాహ్య సౌందర్యం కంటే అంతర్గత ఆరోగ్యమే ప్రధానమనే సూత్రాన్ని సాయిపల్లవి జీవితంలో తూచా తప్పకుండా పాటిస్తున్నారు. సరైన ఆహారం, తగినంత నిద్ర, సహజసిద్ధమైన ఉత్పత్తుల వాడకం ఉంటే ఎవరైనా సాయిపల్లవిలా మెరిసిపోవచ్చని నిరూపిస్తున్నారు. ప్రస్తుతం ఈ బ్యూటీ టిప్స్ సోషల్ మీడియాలో వైర‌ల్ అవుతున్నాయి.