రుక్మిణీ వసంత్ ఎథ్నిక్ స్టైల్‌తో సోషల్ మీడియా షేక్..స్టన్నింగ్ లుక్స్!

కన్నడ బ్యూటీ రుక్మిణీ వసంత్ తన క్యూట్ లుక్స్, యాక్టింగ్‌తో కుర్రకారు మనసు దోచుకుంటోంది. ‘సప్త సాగరదాచే ఎల్లో’ సినిమాతో సెన్సేషన్ క్రియేట్ చేసిన ఈ భామ, కేవలం సినిమాలతోనే కాదు.. తన లేటెస్ట్ ఫ్యాషన్ స్టైల్‌తోనూ సోషల్ మీడియాను షేక్ చేస్తోంది. తాజాగా ఆమె ట్రెడిషనల్ అండ్ మోడ్రన్ ఎథ్నిక్ అవుట్‌ఫిట్స్‌లో మెరిసిపోయిన ఫొటోలు నెట్టింట తెగ వైరల్ అవుతున్నాయి. ఈ ఫొటోల్లో ఆమె రాయల్ లుక్ చూసి ఫ్యాన్స్ ఫిదా అయిపోతున్నారు.ఆ విశేషాలు చూద్దాం..

చీరకట్టులో మెరిసిన కాంచనమాల:

ఇటీవల జరిగిన ఓ అవార్డ్స్ ఫంక్షన్‌లో రుక్మిణీ షాంపేన్-గోల్డ్ కలర్ నెట్ శారీలో తళుక్కుమంది. ఆ చీరపై చేసిన సీక్విన్స్, ముత్యాల వర్క్ అందరినీ ఆకట్టుకుంది. ఇక దానికి మ్యాచింగ్ బ్లౌజ్, సింపుల్ ఇయర్ రింగ్స్ పెట్టుకుని, జుట్టును చక్కగా వెనక్కి ముడివేసి దేవకన్యలా మెరిసిపోయింది. ఇక ఈ ట్రెడిషనల్ లుక్ ఇప్పుడు ఇన్‌స్టాగ్రామ్‌లో హాట్ టాపిక్‌గా మారింది.

స్ట్రాప్‌లెస్ లెహంగాలో దేవకన్యలా:

మరో లేటెస్ట్ ఫొటోషూట్‌లో రుక్మిణి వసంత్ హెవీ ఎంబ్రాయిడరీ ఉన్న స్ట్రాప్‌లెస్ లెహంగాలో అదరగొట్టింది. మెడలో సింపుల్ డైమండ్ నెక్లెస్, చేతులకు మెరిసే నెట్ స్లీవ్స్‌తో ఆమె ఇచ్చిన పోజులు నెటిజన్ల కంటిమీద కునుకు లేకుండా చేస్తున్నాయి. ఇక ఆమె ముఖంలోని ఆ చిరునవ్వు, కాన్ఫిడెన్స్ ఈ ఫొటోషూట్‌కే హైలైట్‌గా నిలిచాయి.

‘బీర్బల్’ టు ‘కాంతార’.. క్రేజీ జర్నీ:

2019లో ‘బీర్బల్’ సినిమాతో కెరీర్ స్టార్ట్ చేసిన రుక్మిణి, 2023లో వచ్చిన ‘సప్త సాగరదాచే ఎల్లో’తో ఒక్కసారిగా స్టార్ హీరోయిన్ అయిపోయింది. ఇక ఆ సినిమాలో నటనకు గాను ఫిల్మ్‌ఫేర్ క్రిటిక్స్ అవార్డు కూడా అందుకుంది. ఇక ‘కాంతార: చాప్టర్ 1’ సినిమాలో ప్రిన్సెస్ కనకవతిగా పవర్‌ఫుల్ రోల్ ప్లే చేసి సౌత్ ఇండియాలోనే మోస్ట్ వాంటెడ్ హీరోయిన్‌గా మారిపోయింది.

పాన్ ఇండియా రేంజ్‌లో బిజీ బిజీ:

తెలుగులో నిఖిల్ సరసన ‘అప్పుడో ఇప్పుడో ఎప్పుడో’ సినిమాతో ఎంట్రీ ఇచ్చిన ఈ ముద్దుగుమ్మ, తమిళ్‌లో విజయ్ సేతుపతితో ‘ఏస్’, శివకార్తికేయన్‌తో ‘మద్రాసి’ సినిమాలు చేసింది. ప్రెజెంట్ కన్నడ సూపర్ స్టార్ యష్ నటిస్తున్న ప్రతిష్టాత్మక చిత్రం ‘టాక్సిక్’ లో కూడా నటిస్తూ బిజీగా గడుపుతోంది.

గ్లామర్ షోకి దూరంగా ఉంటూనే, కేవలం తన క్లాసిక్ ఎథ్నిక్ లుక్స్‌తోనే రుక్మిణి వసంత్ సోషల్ మీడియాలో ట్రెండ్ సెట్ చేస్తోంది. ఇక టాలెంట్‌తో పాటు అదిరిపోయే ఫ్యాషన్ సెన్స్ ఉన్న ఈ బ్యూటీ, రాబోయే రోజుల్లో పాన్ ఇండియా లెవల్లో మరిన్ని వండర్స్ క్రియేట్ చేయడం ఖాయమని ఫ్యాన్స్ నమ్ముతున్నారు.