టాలీవుడ్ లో లక్కీలేడీగా మారిన మిరాయ్ బ్యూటీ.. ఆ అదృష్టం వరిస్తుందా?

టాలీవుడ్‌కి అశోక వనంలో అర్జున కళ్యాణం' సినిమాతో పరిచయమై, ఆ తర్వాత వచ్చిన 'మిరాయ్' చిత్రంతో మంచి విజయాన్ని అందుకుంది యంగ్ హీరోయిన్ రితిక నాయక్ రెండు వరుస హిట్లతో ఇండస్ట్రీలో లక్కీ హీరోయిన్‌గా పేరు తెచ్చుకుంది. ఇప్పుడు ఆమె వరుణ్ తేజ్‌తో కలిసి ‘కొరియన్ కనకరాజు’ సినిమాతో ప్రేక్షకుల ముందుకు రానుంది.. మరి ఈ సినిమాతో ఆమె హ్యాట్రిక్ కొట్టి, అదృష్టాన్ని అందిపుచ్చుకుంటుందా? అటు వరుణ్ తేజ్‌కు కూడా విజయాన్ని అందిస్తుందో లేదో చూడాలి..

తొలి సినిమాతోనే మంచి గుర్తింపు:

రితిక నాయక్ తన కెరీర్ ప్రారంభంలోనే సరైన కథను ఎంచుకుంది. 'అశోక వనంలో అర్జున కళ్యాణం' సినిమాలో ఆమె నటనకు, అందానికి మంచి మార్కులు పడ్డాయి. బాక్సాఫీస్ వద్ద కూడా ఈ సినిమా మంచి విజయం సాధించడంతో, అందరి దృష్టి రితికపై పడింది.

'మిరాయ్'తో దక్కిన మరో ఘనవిజయం:

మొదటి సినిమా హిట్ అయిన తర్వాత వచ్చిన 'మిరాయ్' మూవీ కూడా భారీ విజయాన్ని అందుకుంది. దీంతో మొదటి రెండు సినిమాలతోనే వరుసగా రెండు హిట్లు తన ఖాతాలో వేసుకుంది రితిక. అలాగే 'హాయ్ నాన్న'లో ఆమె చేసిన చిన్న మెరుపు లాంటి రోల్ కూడా కుర్రకారును బాగా ఆకట్టుకుంది.

సినిమాల మధ్య పెద్ద గ్యాప్:

ఇంత మంచి గుర్తింపు వచ్చినా, రితిక వరుసగా సినిమాలు సంతకం చేయకపోవడం కాస్త మైనస్ అనే చెప్పాలి. ఇక ఇండస్ట్రీలో నిలదొక్కుకోవాలంటే ఎప్పుడూ వార్తల్లో, స్క్రీన్ మీద కనిపించడం చాలా అవసరం. ఈ పెద్ద గ్యాప్ వల్ల ఆమె కెరీర్ వేగం కాస్త తగ్గుతోందని సినీ విశ్లేషకులు భావిస్తున్నారు.

హ్యాట్రిక్ కొట్టే రేర్ చాన్స్:

ఇప్పుడు మెగా ప్రిన్స్ వరుణ్ తేజ్ హీరోగా, మేర్లపాక గాంధీ దర్శకత్వంలో వస్తున్న 'కొరియన్ కనకరాజు' సినిమాలో రితిక హీరోయిన్‌గా నటించింది. ఈ సినిమా కూడా హిట్ అయితే, కెరీర్ ప్రారంభంలోనే వరుసగా మూడు హిట్లు కొట్టిన అరుదైన నాయికగా రితిక చరిత్ర సృష్టిస్తుంది. మరి ఆ అదృష్టం ఆమెను వరిస్తుందో లేదో మూవీ రిలీజ్ తో తేలనుంది.

వరుణ్ తేజ్‌కి లక్ కలిసి వస్తుందా?:

మరోవైపు, హీరో వరుణ్ తేజ్‌కి ఈ సినిమా విజయం చాలా కీలకం. సరైన హిట్ కోసం చూస్తున్న వరుణ్‌కి, లక్కీ చార్మ్‌గా మారిన రితిక నాయక్ అదృష్టం ఏ మేరకు కలసివస్తుందో చూడాలి. ఈ కాంబినేషన్ బాక్సాఫీస్ వద్ద ఏ రేంజ్ సక్సెస్ సాధిస్తుందో త్వరలోనే తేలనుంది.

మొత్తానికి ఆగస్టు 7న విడుదల కానున్న 'కొరియన్ కనకరాజు' చిత్రం రితిక నాయక్ కెరీర్‌కి చాలా ప్లస్ అయ్యేలా కనిపిస్తోంది. మరి ఈ 'మిరాయ్' బ్యూటీ తన లక్ తో ఇటు తనకు హ్యాట్రిక్ హిట్ ఇస్తూ, అటు వరుణ్ తేజ్‌కు కూడా సక్సెస్ అందిస్తుందో లేదో వేచి చూడాల్సిందే!..