Begin typing your search above and press return to search.

జబర్దస్త్ కమెడియన్లకు రోడ్డు ప్రమాదం.. వారిద్దరికీ తీవ్ర గాయాలు!

జబర్దస్త్ కమెడియన్లు రైజింగ్ రాజు, దొరబాబు రోడ్డు ప్రమాదానికి గురయ్యారు. కాకినాడ నుంచి భీమవరం వెళ్తుండగా పశ్చిమ గోదావరి జిల్లా పాలకోడేరు మండలం పెన్నాడ అగ్రహారం సమీపంలో వీరు ప్రయాణిస్తున్న కారు విద్యుత్ స్తంభాన్ని ఢీకొట్టింది. ఇద్దరికీ గాయాలు కావడంతో ఆసుపత్రికి తరలించి చికిత్స అందిస్తున్నారు. ప్రాణాపాయం లేదని సమాచారం.

By:  Priya Chowdhary Nuthalapti   |   22 Nov 2026 4:07 PM IST
జబర్దస్త్ కమెడియన్లకు రోడ్డు ప్రమాదం.. వారిద్దరికీ తీవ్ర గాయాలు!
X

బుల్లితెర ప్రేక్షకులను తమ కామెడీతో నవ్వించే జబర్దస్త్ కమెడియన్లు రైజింగ్ రాజు, దొరబాబు రోడ్డు ప్రమాదానికి గురయ్యారు. పశ్చిమ గోదావరి జిల్లాలో జరిగిన ఈ ఘటనతో వారి అభిమానులు ఒక్కసారిగా ఆందోళనకు గురయ్యారు. వీరు ప్రయాణిస్తున్న కారు అదుపుతప్పి విద్యుత్ స్తంభాన్ని ఢీకొట్టింది. ప్రమాదంలో ఇద్దరు కమెడియన్లు గాయపడటంతో వెంటనే ఆసుపత్రికి తరలించారు. అయితే ప్రాణాపాయం లేదని సమాచారం రావడంతో అభిమానులు ఊపిరి పీల్చుకున్నారు.

వివరాల్లోకి వెళితే.. రైజింగ్ రాజు, దొరబాబు ఓ ప్రైవేట్ కార్యక్రమంలో పాల్గొనేందుకు కాకినాడ నుంచి భీమవరం బయలుదేరారు. కారులో ప్రయాణిస్తున్న సమయంలో పశ్చిమ గోదావరి జిల్లా పాలకోడేరు మండలం పెన్నాడ అగ్రహారం సమీపంలో ఈ ప్రమాదం చోటుచేసుకుంది. మార్గమధ్యంలో వారు ప్రయాణిస్తున్న కారు ఒక్కసారిగా అదుపుతప్పింది. దీంతో రోడ్డు పక్కనే ఉన్న విద్యుత్ స్తంభాన్ని బలంగా ఢీకొట్టింది.

ఢీకొట్టిన వేగానికి కారు ముందు భాగం పూర్తిగా దెబ్బతిన్నట్లు తెలుస్తోంది. ప్రమాదం జరిగిన వెంటనే స్థానికులు అక్కడికి చేరుకున్నారు. కారులో చిక్కుకున్న వారిని బయటకు తీసేందుకు సహాయం చేశారు. ఈ ఘటనలో రైజింగ్ రాజు, దొరబాబుకు గాయాలయ్యాయి. దీంతో ఆలస్యం చేయకుండా వారిని సమీపంలోని ఆసుపత్రికి తరలించారు. ప్రస్తుతం వైద్యులు వారికి చికిత్స అందిస్తున్నారు.

రైజింగ్ రాజు, దొరబాబు ఇద్దరూ జబర్దస్త్ కామెడీ షో ద్వారా తెలుగు ప్రేక్షకులకు పరిచయమైన కళాకారులు. తమదైన కామెడీ టైమింగ్, నటనతో బుల్లితెరపై గుర్తింపు తెచ్చుకున్నారు. అందుకే వీరి ప్రమాద వార్త వినగానే అభిమానులతో పాటు తోటి కళాకారులు కూడా ఆందోళన చెందుతున్నారు.