షాకింగ్ మోమెంట్.. కుక్క దాడి నుంచి తప్పించుకున్న స్టార్ నటి!
బాలీవుడ్ సీనియర్ నటి రవీనా టాండన్కు ఒక మూవీ ఈవెంట్లో ఊహించని షాకింగ్ అనుభవం ఎదురైంది.
By: Madhu Reddy | 7 Aug 2026 10:42 PM IST
బాలీవుడ్ సీనియర్ నటి రవీనా టాండన్కు ఒక మూవీ ఈవెంట్లో ఊహించని షాకింగ్ అనుభవం ఎదురైంది. కొత్త సినిమా ప్రత్యేక ప్రదర్శనలో పాల్గొన్న ఆమె, అనూహ్యంగా ఒక కుక్క దాడి నుంచి తృటిలో తప్పుకున్నారు. అనూహ్యంగా జరిగిన ఈ ఘటనతో అక్కడ ఉన్న వారంతా ఒక్కసారిగా భయాందోళనకు గురయ్యారు. అయితే రవీనా టాండన్ మాత్రం ఎంతో సమయస్ఫూర్తితో, ప్రశాంతంగా వ్యవహరించి ఈ ప్రమాదం నుంచి సురక్షితంగా బయటపడ్డారు. ఆ వివరాలు చూద్దాం.
ప్రత్యేక ప్రదర్శనలో ఊహించని ప్రమాదం:
పంకజ్ త్రిపాఠి ప్రధాన పాత్రలో నటించిన ‘ఓ మై డాగ్’ సినిమా ప్రత్యేక ప్రదర్శన ముంబైలో ఘనంగా జరిగింది. ఈ కార్యక్రమానికి రవీనా టాండన్, పంకజ్ త్రిపాఠి, దర్శకుడు అమిత్ రాయ్, నిర్మాత రమేష్ తౌరానీలతో పాటు పలువురు సినీ ప్రముఖులు హాజరయ్యారు. ఇక సినిమాలో నటించిన ఒక కుక్కను కూడా ఈ ఈవెంట్కు తీసుకొచ్చారు. ఆ కుక్క ఈవెంట్లోని అతిథులపై నిరంతరం మొరుగుతూ కాస్త అగ్రెసివ్గా కనిపించింది.
రెడ్ కార్పెట్పై ఏం జరిగిందంటే?:
రెడ్ కార్పెట్పై ఎల్లో కలర్ అవుట్ఫిట్లో మెరిసిపోయిన రవీనా టాండన్, ఫోటోగ్రాఫర్లకు ఫోజులిస్తూ ఆ కుక్కను ఎంతో ప్రేమగా పలకరించారు. ఆమె దాని పక్కన కూర్చుని నిమురుతూ ఫోటోలకు ఫోజులిచ్చారు. అయితే రవీనా ఫోటోల కోసం పైకి లేచిన సమయంలో, ఆ కుక్క హఠాత్తుగా ఆమె డ్రెస్ తోలుపై ఉన్న దారాన్ని చూసి దానిని గట్టిగా పట్టుకుని ఆవేశంగా మొరగడం ప్రారంభించింది. ఇక దాంతో ఆ కుక్క దాదాపు ఆమెను కరిచేసేంత పని చేసింది.
సమయస్ఫూర్తితో తప్పించుకున్న నటి:
కుక్క హఠాత్తుగా దాడి చేసేందుకు ప్రయత్నించినా రవీనా టాండన్ అస్సలు భయపడలేదు. కంగారుపడి కుక్కను తోసేయకుండా లేదా కేకలు వేయకుండా ఎంతో ప్రశాంతంగా పక్కకు తప్పుకున్నారు. ఇక ఆమె డ్రెస్కు ఉన్న దారం కుక్క పళ్లలో చిక్కుకోవడంతో, వెంటనే హ్యాండ్లర్స్ వచ్చి పరిస్థితును అదుపులోకి తీసుకొచ్చారు. అంతటి ప్రమాదం నుంచి బయటపడిన తర్వాత కూడా ఆమె ఏమాత్రం భయపడకుండా ఆ కుక్కను మళ్లీ ప్రేమగా నిమిరి తన ఉదారతను చాటుకున్నారు.
మరొక కుక్కను చూసి మొరిగిన డాగ్:
ఘటన తర్వాత మీడియా ప్రతినిధులు రవీనాను ఏమైనా గాయాలయ్యాయా అని అడగ్గా, తాను పూర్తి సురక్షితంగా ఉన్నానని ఆమె చిరునవ్వుతో చెప్పారు. ఇక ఈవెంట్లోకి మరొక కుక్క రావడాన్ని చూసి ఇది మొరగడం ప్రారంభించిందని, ఆ సమయంలో తన డ్రెస్ దారం ప్రమాదవశాత్తు దాని పళ్లలో చిక్కుకుందని స్పష్టం చేశారు. అమిత్ రాయ్ దర్శకత్వంలో తెరకెక్కిన ఈ ఫ్యామిలీ ఎంటర్టైనర్ ఆగస్ట్ 7న థియేటర్లలో విడుదలైంది.
ఎలాంటి ఆందోళన చెందకుండా రవీనా టాండన్ ప్రదర్శించిన సమయస్ఫూర్తి, ప్రశాంతత నిజంగా ప్రశంసనీయం. ఎంతో ప్రమాదకరమైన పరిస్థితి ఎదురైనప్పటికీ, ఏమాత్రం హడావుడి చేయకుండా హుందాగా వ్యవహరించి ఆమె అందరినీ ఆకట్టుకున్నారు. ఇక ఈ ఘటనకు సంబంధించిన వార్తలు ప్రస్తుతం సోషల్ మీడియాలో తెగ వైరల్ అవుతున్నాయి.