కొడవ స్టైల్లో రష్మిక చీర కట్టు.. కూర్క్ రిసెప్షన్ లో విజయ్తో రొమాంటిక్ ఎంట్రీ..!
ఈ వేడుకలో రష్మిక సంప్రదాయ కూర్గ్ శైలిలో సారీ ధరించింది. పింక్.. ఆలివ్ గ్రీన్ కలర్లో ఉన్న ఆ సారీ చాలా అందంగా కనిపించింది.
By: Priya Chowdhary Nuthalapti | 7 April 2026 10:55 AM IST
రష్మిక, విజయ్ దేవరకొండ.. తాజాగా కర్ణాటకలోని కూర్గ్లో ఒక అందమైన రిసెప్షన్ నిర్వహించారు. ఈ వేడుక ఏప్రిల్ 6న జరిగింది. ఇది వారి వివాహానికే కాకుండా కుటుంబ సంప్రదాయాలకు కూడా ప్రత్యేకంగా నిర్వహించిన వేడుకగా నిలిచింది. రష్మిక 30వ పుట్టినరోజు జరుపుకున్న.. తర్వాతి రోజే ఈ కార్యక్రమం జరిగింది.
ఈ రిసెప్షన్ కూర్గ్లోని విరాజ్పేట్లో ఉన్న ఒక కన్వెన్షన్ హాల్లో జరిగింది. కుటుంబ సభ్యులు.. అత్యంత సన్నిహితులు మాత్రమే హాజరయ్యారు. ఈ వేడుకలో తీసిన ఒక వీడియో సోషల్ మీడియాలో వైరల్ అవుతూ ఉంది. ఆ వీడియోలో రష్మిక. విజయ్ చేతులు పట్టుకుని కలిసి నడుస్తుండగా, వారి కుటుంబ సభ్యులు వెనుక నుంచి వస్తున్నారు. ఆ దృశ్యం చాలా సింపుల్గా, ఆనందంగా కనిపించింది.
ఈ వేడుకలో రష్మిక సంప్రదాయ కూర్గ్ శైలిలో సారీ ధరించింది. పింక్.. ఆలివ్ గ్రీన్ కలర్లో ఉన్న ఆ సారీ చాలా అందంగా కనిపించింది. కూర్గ్ స్టైల్లో సారీ కట్టే విధానం ప్రత్యేకంగా ఉంటుంది..ప్లీట్స్ను వెనుక వైపు ఉంచి, పల్లును కుడి భుజంపై వేసుకుంటారు. విజయ్ మాత్రం బ్లాక్ బ్లేజర్, వైట్ షర్ట్.. ట్రౌజర్స్ ధరించి క్లాసీగా కనిపించాడు.
ఈ రిసెప్షన్కు ముందు, ఈ జంట ఫిబ్రవరి 26న రాజస్థాన్లోని ఉదయపూర్లో ఘనంగా పెళ్లి చేసుకున్నారు. మూడు రోజుల పాటు జరిగిన ఈ వేడుకలో హల్దీ, సంగీత్ వంటి కార్యక్రమాలు జరిగాయి. తెలుగు మరియు కొడవ సంప్రదాయాల ప్రకారం పెళ్లి జరిగింది. తర్వాత హైదరాబాద్లో కూడా ఒక పెద్ద రిసెప్షన్ ఏర్పాటు చేసి ప్రముఖులను ఆహ్వానించారు.
అలాగే అభిమానుల కోసం ప్రత్యేకంగా ఒక చిన్న లంచ్ కూడా ఏర్పాటు చేశారు. ప్రస్తుతం రష్మిక మరియు విజయ్ ఇద్దరూ తమ తమ సినిమాల పనుల్లో బిజీగా ఉన్నారు. వీరిద్దరూ కలిసి నటిస్తున్న రణబలి సినిమా సెప్టెంబర్ 11న విడుదల కానుంది.