లాయి లే లాయి లే.. 'ది గర్ల్ఫ్రెండ్' లవ్లీ లవ్ ట్రాక్
రష్మిక మందన్న నటిస్తున్న 'ది గర్ల్ఫ్రెండ్' నుంచి మరో బ్యూటిఫుల్ సాంగ్ వచ్చేసింది. "లాయి లే లాయి లే" అంటూ సాగే ఈ మూడో సింగిల్ను మేకర్స్ రిలీజ్ చేశారు.
By: M Prashanth | 30 Oct 2025 5:15 PM IST
రష్మిక మందన్న నటిస్తున్న 'ది గర్ల్ఫ్రెండ్' నుంచి మరో బ్యూటిఫుల్ సాంగ్ వచ్చేసింది. "లాయి లే లాయి లే" అంటూ సాగే ఈ మూడో సింగిల్ను మేకర్స్ రిలీజ్ చేశారు. హేషమ్ అబ్దుల్ వహాబ్ కంపోజ్ చేసిన ఈ మెలోడీ సాంగ్, సినిమాలోని లవ్ స్టోరీ ఫీల్ను పర్ఫెక్ట్గా ఎలివేట్ చేస్తోంది. కపిల్ కపిలన్ వాయిస్, రాకేందు మౌళి లిరిక్స్ చాలా ఫ్రెష్గా, యూత్ఫుల్గా ఉన్నాయి.
ఈ లిరికల్ వీడియోలో చూపించిన విజువల్స్ సినిమా కథపై మరింత క్యూరియాసిటీని పెంచుతున్నాయి. కాలేజ్ బ్యాక్డ్రాప్లో హీరో దీక్షిత్ శెట్టి, హీరోయిన్ రష్మిక మధ్య నడిచే లవ్ ట్రాక్ను ఈ పాటలో చాలా అందంగా చూపించారు. ఒకరినొకరు చూసుకోవడం, కాలేజీ కారిడార్లలో ఎదురుపడటం, ఇద్దరి మధ్య చిన్న చిన్న క్యూట్ మూమెంట్స్.. ఇలా అన్నీ ఒక క్లాసిక్ లవ్ స్టోరీకి కావాల్సిన ఫీల్ను ఇస్తున్నాయి.
అయితే, ఈ పాటను ప్రమోట్ చేస్తూ మేకర్స్ వాడిన క్యాప్షన్ ఇప్పుడు హాట్ టాపిక్గా మారింది. అంటే, ఈ పాటలో మనం చూస్తున్న ఈ అందమైన ప్రేమకథ, ఈ ఛేజింగ్.. అంతా ప్రశాంతంగా ఉన్నట్లు కనిపిస్తున్నా, దీని వెనుక పెద్ద తుఫానే రాబోతోందని డైరెక్టర్ రాహుల్ రవీంద్రన్ ఒక హింట్ ఇచ్చాడు. ఇది రీసెంట్గా రిలీజైన ట్రైలర్కు కూడా కనెక్ట్ అవుతోంది.
ట్రైలర్లో మొదట లవ్లీగా మొదలైన కథ, ఆ తర్వాత ఇంటెన్స్, డార్క్ డ్రామాగా మారుతుందని చూపించారు. ఇప్పుడు ఈ పాటతో ఆ పాయింట్ను మరింత బలంగా చెప్తున్నారు. ఈ "లాయి లే" పాటలో ఉన్న ప్రశాంతత, సినిమా సెకండాఫ్లో ఉండకపోవచ్చు. మొత్తానికి, ఈ పాట ఒకవైపు మెలోడీతో ఆకట్టుకుంటూనే, మరోవైపు సినిమాలోని సీరియస్ డ్రామా గురించి ఆడియెన్స్ను ప్రిపేర్ చేస్తోందని అనిపిస్తోంది.
గీతా ఆర్ట్స్ సమర్పణలో వస్తున్న ఈ సినిమా, కేవలం రొటీన్ లవ్ స్టోరీ కాదని, రిలేషన్షిప్స్లోని కాంప్లెక్సిటీస్ను చాలా డీప్గా చూపించబోతోందని అర్థమవుతోంది. నవంబర్ 7న రిలీజ్ కానున్న ఈ సినిమా, రష్మికకు పెర్ఫార్మెన్స్ స్కోప్ ఉన్న మరో మంచి పాత్రను ఇవ్వబోతోందనిపిస్తోంది. హేషమ్ అబ్దుల్ వహాబ్ మ్యూజిక్ సినిమాకు పెద్ద ప్లస్ అయ్యేలా ఉంది. ఈ 'ఛేజింగ్' వెనుక ఉన్న ఆ సీరియస్ పాయింట్ ఏంటో చూడాలంటే ఇంకొన్ని రోజులు ఆగాల్సిందే.